تصير وكثييير إننا نشيل هم اشياء ونعطيها فوق حجمها ، برايي الحامل اكثر وحده نفسيتها تتعب من كثر التفكير .. للحين ماشريت اغراض ، ياربي انا وين حأولد ؟ طيب مين حيوقف جنبي ؟ اسئله كثيييره ومرهقه على غير سنع ، الحل بسيط وكلنا نعرفه لكن مانعمل فيه او نقصر في العمل فيه :/ حاشتني ظروف الله يبعدكم عنها خلتني اوصل للشهر التاسع وانا ماشريت ولا لبس ولا أي غرض للطفل او لي ، وكان يضيق خلقي يوم ينفتح هالطاري خصوصا انه أول طفل لي ألغيت سفري والسبب صحة الجنين ماتسمح اسافر فخرب مخطط كامل وطويل ، لعل في ذلك خير ! لا هو فعلا فيه خير 😍 تيسرت الظروف ورى بعض بعد صبر وايمان قوي بالله ، ولقيت شخص بدون ما اطلبه ولا حتى اشكيله شرى كل الاغراض اللي احتاجها + حأولد في احسن مستشفى في المدينه اللي انا فيها  ثقوا بالله ثقه عميقه ، استغفروا مو لهدف تحقيق رغبه لكن عشان تخففون ذنوب وترتاحون ، اقروا قرآن ، حسنوا صلاتكم وعلاقتكم بالله "هذا هو الحل الازلي لكل مشاكلنا" لو بس نسيب البشر ونختار نشكي له سبحانه 💞 المشكله اللي مهولتها الحين حبيبتي صغيره قد النسمه .. برايك إن ربي يضيع عباده اللي اختاروا يكونون قريبين منه؟ لا والله حاشاه .