🌿🌺لمجرد تعرف حالها حامل 🤰🤰بطير عقلها 😃😃 🌿🌺وأول شي بتفكر في " صبي ولا بنت "💙💗 🌿🌺مو مشان شي مشان تعرف شو لون التياب "الديارة " يلي رح تشتريها 🌿🌺ويلي رح تستمتع بشراءها اكتر من لما اشترت جهازها وهي عروس👰 🌿🌸ومن الشهر الأول بدها تعرف نوع الجنين والوقوف على واجهات محلات البيبيات بصير هوايتها وبتصير تتخيل البيبي وهو لابس القطع المعلقة عالواجهة 👼👼 🌿🌸بصبروها أخواتها وأمها وزوجها لتوصل للشهر السادس او السابع لتبلش أحلى تسوق بعمرها وبتبلش تلم بهالتياب كل ما عجبتها قطعة بتركض بتشتريها للبيبي يلي لسا ما شرف 👗👖👕👒👟 🌿🌺طبعا لا تسألو عن الميزانية 🙈 🌿🌸كل يوم التياب بينفردو بتفرجيهن لأخواتها ...لرفقاتها ...لجيرانها ...لكل حدا بدق بابها من فرحتها فيهن 😍😍 🌿🌸بعد الولادة شو بصير يا حزركن ... نص ازا مو تلات رباع التياب ما رح ينلبسو وازا لحقت ممكن ينلبسو مرة وحدة بس 😌 🌿🌷طيب تعي لقلك نصيحة شو لازم تشتري للبيبي ☺ ☘اول شي عزيزتي لا تكتري تياب ...لا تكتري تياب ... البيبي بهالعمر سريع النمو أسرع فترة نمو بمر فيها الانسان ☺ ☘بدك تراعي الفصل يلي رح تولدي في يعني صيف ولا شتا ربيع ولا خريف ☘التياب الداخلية تكون سهلة اللبس والخلع للطفل الها كبسات من تحت وتكون قطنية ناعمة لانو بشرة البيبي حساسة واهم شي نغسلها قبل الاستعمال حتى لو جديدة 🌷 ☘البجامات الافضل تكون قطعة وحدة "الافرول" وأنا بفضل يلي بلا جرابات لانو الطفل رح ينكفو رجلي وينطوو لما ينحمل ويفضل يكون الو سحاب او زرار من الامام ليسهل لبسو ... ☘الجرابات تأكدي من مطاطها ما يكون ديق ☘الكنزات تكون ناعمة وقبتها الها كبسات على جنب ما تكون قبة ضيقة تمصع رقبتو للبيبي اثناء اللبس 😁 ☘الملابس تكون خالية من الشرائط والاشياء يلي ممكن تكون خطرة وتلف حولين رقبة البيبي ☺ ☘ملفتين او تلاتة للبيبي يلي بينلف فيها خاصة ازا كان الجو بارد والتأكيد خلال لف الطفل بس الايدي منترك الرجلين حرة .. ☘حرام خفيف او تقيل حسب الطقس .. ☘المخدة "الوسادة " مالها داعي نوم الطفل أفضل بدونها ☘منشفة ناعمة ...... ليفة حمام ناعمة جدا ....شامبو مناسب للبيبي ...صابون أطفال ...حوض حمام خاص للبيبي ...وازا حبيتي زيت للاطفال...البودرة بلاها ...بلاها ☘وأكيد نوع جيد من الحفوضات أهم شي تكون قياس حديثي الولادة قماشية وطرية ومطاطية الحواف 🌿🌺ما بعرف ازا نسيت شي 🙊🙊 🌿🌺والله يتمم لكل مامي حملها بخير وسلامة ❤❤ 🌿🌺ويطعم هاللحظة والشعور لكل مشتهي يا رب 💚💚 🌿🌸منشن لمامياتنا الحوامل🤰🤰