عشان الناس اللي بيجيلها اكتئاب بعد الولادة وعشان اللحظة اللي بتيجي لكل ام ان بيصعب عليها نفسها لما تصحى هي بليل كل شوية ترضع وجوزها نايم جنبها ملء عينيه وهي مانامتش ساعتين ع بعض عشان كل خروجة اتحرمتي ماتخرجيهاش بسبب البيبي وعشان كل اكلة كان نفسك تاكليها بمزاج بس هو صحي وقومك من ع الاكل عشان جعان عشان الشاور اللي بتاخديه بسرعة بسرعة قبل مايصحى وعشان رتم حياتك اللي بقا سريع جدا عشان تلحقي تعملي اي حاجة قبل ما يصحى عشان شعرك اللي بيقع ، وشكلك اللي بقا غريب ، وبشرتك اللي قشفت ، وعضمك يا رضا 😀 جملة واحدة بس هي اللي بتهون عليا كل ده،، " ما ثَقُلَ على النفس من بلاءٍ او عمل يثقُل في الميزان " 🙂 كل حاجة من اللي قولتهم فوق دي لو تقيلة ع نفسك انك تعمليها ، يبقا هي هتقل ميزانك يوم القيامة - لو احتسبتي ده على الله - 💜 حاجة كمان بردو بتهون عليا لما بفتكر ان ربنا هو اللي رعاه وكبره ف بطني تسع شهور واداني طفل كامل الخلقة الحمد لله على سبيل الهبة والهدية وكأنه عز وجل بيقولي وريني بقا هتحافظي على " الامانة" اللي انا كبرتهالك وخلقتهالك ف النهاية الطفل ده مش بتاعي ، مش ملكي ، انا ماخلقتش فيه ضُفر ، ده ربنا عز وجل ،، فلما أراعي ربنا في عطيته اكيد دي ثوابها عظيم ، " فَلْيُؤَدِّ الَّذِي اؤْتُمِنَ أَمَانَتَهُ وَلْيَتَّقِ اللَّهَ رَبَّهُ " اخر حاجة ... امرأة عمران ام السيدة مريم ، زوجها توفى ولما عرفت انها حامل نذرت اللي ف بطنها لله برغم انه عمل عظيم جدا لان ده كل ما تملك ف الحياة الا ان القضية اللي كانت شاغلة تفكيرها " فتقبل مني" سيدنا ابراهيم واسماعيل ، برغم ان ربنا هو اللي اختارهم لبناء الكعبة ، الا ان كان شاغل بالهم " فتقبل منا " فـ احنا بنسهر ونتعب وكل حاجة فيارب تقبل منا ❤ ، الامومة شي خارق للطبيعة الله بيعطيكي قوة و صبر ممزوجين برضا و سعادة .. بس كدة 💜 #positive_energy #الامومه_مش_ساهله_بس_مستهل Cpd الله المستعان