مرحبا ماميات . حبيت نجتمع بهالمجموعه وونستفاد من خبرات بعض .
انا ولدت من 3 أيام ولادة قيصرية الحمدلله على كل حال .
تحكولنا شلون عم تتعاملو مع اولادكم .انا مغلبتني بالرضاعه رأس صغير و وقت كنت بالمستشفى اول يوم و ثاني يوم كانو هن يرضعوهم اصطناعي . ثالث يوم من ولادتي اليوم يعني اجيت عالبيت و حاولت اعطيها صدري مارضيت ووماستحكمت الرأس شتريت هدول تبع رضاعة أن شاء الله يطالعولي حلمه صدري بس مع هيك عم تغلبني احكولي انتو تجاربكم و كل شي يخص الأطفال .
العضوة: 52156 , 9 years ago
@user-21339 انا لما جبت ابني صار في زيك بس انا جبتو طبيعي اعدت بالمستشفى يوم واحد وتعود علو الرضاعه الاصطناعيه وما رضي يرضع مني وكان طول الليل يضل يعيط بس انتي لاتياسي لما تجوع راح ترضع لحالها وتمسك صدرك اهم اشي ضلي حاولي كل شوي اهم اشي ترضع ولو بس شوي ومن الجهتين مش بس من جها وحده والحمد لله على السلامه والف مبروكالعضوة: 21339 , 9 years ago
@user-52156 تسلمي حبيبتي . أي أمس رضعتها شوي من صدري نامت و بعد 3 ساعات فاقت رضعتها ببرونه .العضوة: 52156 , 9 years ago
بس حاولي لاتعطيها ببرونه كل شوي حطيها على صدرك علشان اضلها شبعانه وما تطلب رضعهالعضوة: 21339 , 9 years ago
@user-52156 مشكله ماعم تشبع من صدري ساعه و نص و هي ماسكتو ترضع و ماعندي حلمه بارزه عم حط حلمات اصطناعية بتتعب ليطلع هالشوي بس تترك صدري بعطيها تقريبا 20 ملل أو 40مل ببرونه بتهدى و تنام . هلا مافي عندي حليب انا عم خليها تشفط الصمغ الأبيض هاد مشان يطلعلي حليب و الله بساعة أو أكثر بعطيها صدري و ماتشبع بكمللها ببرونه مافيني اتركها جوعانه .كل 3 أو 4 ساعات برضعها صدريالعضوة: 52156 , 9 years ago
طيب حاولي تشفطي صدرك بشفاطة الحليب على شان تزيد كميه الحليب الي بصدرك ويصير ينزل عليها حليبالعضوة: 21339 , 9 years ago
@user-52156 عم بشفط حبيبتي بس يطلع يادوب 20 مل بحسو مو كافي ابدا ومابتشبع بكمل بحليب و آخر شي بحط الحلمه الاصطناعيه و خليها تمص دغري بتغفى .خليها لتتركها لحالها.العضوة: 21339 , 9 years ago
@user-52156 معليش عن غلبك معي أسفه بس و الله أكلة هم بنتي ووخايفه عليهاالعضوة: 31721 , 9 years ago
@user-21339 معليش اختي خليكي عم تحاولي معها الرضاعه الطبعيه احسن الها انا متلك كنت عم عاني بس الحمدلله برضع طبيعي من25 يوم مع انو بتعذب بس بدك تصبري كل البكريات هيك خليكي عم تشفطي الحليب عشان مايقل وينشف وخليها تجوع بتاخد صدرك لاتعطيها الببرونه وقت الرضاعه قربيها منك وخليها تدخل كل الهاله مابتعود تتجرح الحلمه وبتشبع بسرعهالعضوة: 21339 , 9 years ago
@user-31721 أن شاء الله حبيبتي .بنتي سبحان الله عندها سنين من تحت مغطايين بلحمه كتير بتوجع لانو بتعض بخصوص وقت ماتستحكم . راح حاول و شكرا الك حبيبتي .العضوة: 31721 , 9 years ago
@user-21339 اي حبيبتي عادي بس المهم تدخلي لها الهاله كلها اذا مادخلت بفمها لح تضل جوعاني وتبكي وتتشقق الحلمه وتصير توجعك وانتي كلي اكل يدر الحليب وشربي مي كثير الله يحفضلك ياها ياربالعضوة: 50940 , 9 years ago
لا تخافي حبيبتي حتى لو رضعت كمية صغيرة من صدرك و تركتو اعرفي انها شبعت و اعطيهاترضع كل ساعة ونص لساعتين حتى لو كانت نايمة اعطيها صدرك و شوي شوي تتعود رح تعبك بس بدك تتحملي ما في متل الرضاعة الطبيعية و لا عاد تعطيها ببرونة بالمرة لانو ازا ما رضعت صدرك رح ينشف الحليب عندك لانو كل ما يرضع البيبي بيدر الحليب عندك أكتر