السلام عليكم
الموضوع باختصار سلفي كان مريض قلب ومكنش ينفع يسافر مراته ضغطت عليه يسافر عشان الفلوس وانها متوظفه مش هتضيع فرصه زي دي
المهم سافر بالرغم ان الدكاتره مانعاه من السفر
مكملش شهر وحالته ساءت وكان بيموت حرفيا كان لازم ينزل مصر نزل لواحده مراته رفضت النزول واتحججت بدراسه العيال جوزها نزل فلوسه خلصت كل لما حد يكلمها تقول انها مش معاها فلوس مع العلم حالتهم الماديه مبسوطين جدا ورفضت تبيع اي حاجه تقول ببجاحه ابويا قالي لا ده للزمن نكتشف بعد موت سلفي انها كانت بتاخد مرتبه لانه كان نازل اجازه بمرتب
مات سلفي جه الورث حمايا وحماتي عايشين قالتها لجوزي كده حرام ياخدوا فلوس ابنهم الشاب وعياله يتامي
حاليا هي بقا لسه مسافره هي وعيالها ومنزلتش مصر ومحدش قالها لا
انا كنت مسافره يوم وفاه سلفي لجوزي زياره والتلت شهور عدوا والسفر قفل فقعدت مع جوزي تجديد
الاقيها بعتالي بالظبط بعد مرور ٣ شهور علي سفري
يعني انا كنت مسافره يوم ١٦ بعتالي بعدها ب ٣ شهور يوم ١٦
وكل كلامها عاوزه تعرف انا لسه مسافره ولا نزلت مصر
انا مريحتهاش خالص في الاخر تقولي خلي باباه يطهر نفسه وهو جاي يشيله ولازم يلبس كمامه والهدوم ومعرفش اي
اصلها هتخاف علي جوزي اكتر مني وهي اصلا مكنش فارق معاها جوزها ومات بعيد عن عياله بسبب انها مستخسره تسيب الوظيفه ولما جيت اقولها تنزل في نص السنه تقول منين ده التذاكر هتحتاج ٧ الاف درهم بتكلمني بعمله الامارات عشان احس قد اي هو مبلغ وقدره
كنا بنكلم ولاد سلفي كل اسبوع وجه فتره تعبت جامد وفضلنا اشعه ولف في المستشفي لمده اسبوعين
جوزي قالي ابعتيلها عشان العيال ميزعلوش بعت ولا سالت ولا قالت في اي قالت ربنا يشفي الجميع وعلي كده
الاقيها باعته لجوزي تاني يوم وعامله فيها الحبيبه وخايفه اوي عليا ومالها وحصل اي وفيلم كبير
عديتها وعصرت لمونه مع العلم ايام وفاه جوزها كنا نيجي نكلمهم تتكلم عادي اول ما اسيب جوزي تقعد تتشحتف والدموع سايله شلال اول لما اقعد تتكلم عادي وعديتها ومتكلمتش
الست لسه جوزها ميت
بتعدل حاجات في الشقه التانيه بتاعتها وقاعده تشتري لقيتها بتبعت لجوزي وتقوله كلمه اصل ده كلمني ومعرفش عاوز اي
مع ان ليها اخوات صبيان وابنها في الجامعه
معلقتش
جوزي بيكلم حمايا وجاب سيره النجار قاله انه خلص الحساب معاه جوزي عرف انها بتشتري حاجات جديده ومعلقش
كنت اجي ابعتلها اسالها علي العيال تشوف الرسايل ومتردش
والواتس شاهد
جوزي يبعت من هنا ولا كانها شبكه ارسال في ساعتها الرد
مع العلم كل طلباتها ورسايلها بتكون بعد نص الليل وانا اللي بشوفها ومبعلقش
كانت تبعت تسال علينا وانا زي العبيطه بعدها اقول لجوزي تعالي نكلمهم
ولو رديت ومتصلناش تبعت لجوزي تقوله انتوا فين وكويسين ده العيال بيسالوا عليكم وعاملين اي مع انها بتكون من ربع ساعه لسه مكلماني
مع العلم المكالمه بتصفي نص دقيقه مع العيال وبقيت المكالمه معاها وتقعد تتكلم وتقهقه ولا كان جوزها ميت وتتدلع في ابني
المهم بعد كل حركاتها دي قولت والله لاشوف اخرها اي
كانت تبعت ارد علي قد الرد وبعدها تبعت لجوزي ومقولوش تعالي نكلمهم الاقيها تبعتلي فيديو لعيالها الصغيرين مع ابوهم وحاطه عليها اغنيه عامل اي في حياتك
بعد ما بعتت لنا احنا الاتنين انا دمي اتحرق بصراحه
لان ده شغل واحده مش مظبوطه
بعدها الاقيها بعته لجوزي مواعيد الطيران لنزول مصر وتقوله شوف كده قالها مينفعش انزلهم في القرف ده
قالتله اه ماشيةطب ابعتها لصحابك العزاب لما حرجها
مع العلم هي برا بردو ومحدش قالها تنزل ولا جاب لها سيره مع انها الاولي من غير محرم
والمشكله كمان انها متابعه اخبار الامارات وشاغله نفسها بزياده
المهم كلمتها وقولتلها ملكيش دعوه انزل ولا لا
دي حياتي ومبحبش حد يدخل في حياتي تقولي اي بقا ده انا بتابع عشان اجوازات اخواتي هناك وبعتها لكل اللي عندي
مع العلم انا عندها بردو ومجلييش حاجه من دي
وجوزك زي ابن فلان وقعدتت تتمسكن ومسكت بقا في حته ان جوزها مات وعيالها صغيرين وقامت عملالي بلوك
انا مفروسه من عمايلها جدا وبحكي لماما تقولي معلش ايتام وربنا يعينها
اقولها ياستي عيالها زي ولادي بس دي تصرفات واحده مش مظبوطه
من اول خطوبتي بقا جيت اتجوز جابتلي بطانيه وكان شكلها متبهدل من التفريج علي خلق الله حماتي حلفت انها ما هي جيالي لانها جايبه لسلفاتي وقت جوازهم خاتم دهب
وجت عندي وبقت بطانيه
جوزها الله يرحمه بيقولي يلا اتجدعني عشان تيجوا الكويت
لقيتها بعدها بيوم بتكلمني وبتحكيلي قد اي العيشه هناك صعبه جدا وغاليه ومكلفه واننا في الامارات عيشتنا احسن واوفر واننا كده هنعرف نوفر ونحوش للزمن طبعا سيبتها تكلم نفسها وقتها مع العلم هي بتقبض حلو هي وجوزها الله يرحمه
غير عندهم بيوت واراضي ومحلات
يعني فين بقا العيشه الصعبه
ده شويه بس من كهنها ومواقفها معايا
ودي القصه كلها
اعمل اي بقا مع الصنف ده وهل انا غلطانه في رد فعلي
العضوة: 612538 , 6 years ago
لا تخلي جوزك يتراسل معها اتراسلي معها انتي بس عالخفيف وريحي دماغكالعضوة: 684970 , 6 years ago
صحيح حرق دم الله يعينك خلي زوجك لايتصل ولا يرسل واذا بدكم تسالو ع الاولاد خلو اي حد كبير بلعيله يتصل لهم او انتي اتصلي لهم بس مش هي 🙄العضوة: 174291 , 6 years ago
@user-698970 بصي مع احترامي ليكي بس انا مش فاهمه الموضوع اوي بس اللي لفت انتباهي ان زوجها مريض واجبرته علي السفر فتسببت في وفاته جارتي كان زوجها مريض قلب واولاده اتحايلوا عليه وضغطوا انهم نفسهم يعملوا عمره فمحبش يزعلهم وراح ورجع يومين واتوفي طبعا الكل بيتهم مراته انها سبب وفاته وهيه مظلومه والله هو حب يرضي اولاده وده نصيب فأنا بيصعب عليا اي زوجه حد يتهمها انها سبب وفاه زوجها كلنا زوجات ولو حتي بنكره ازواجنا بس منقدرش نعيش من غيرهم وتصعب الحياه ومسئوليه الاولاد علي الام لوحده ربنا ميحطش اي زوجه في الموقف ده بجد صعب انتي بتقولي ان شغلهم اصلا في الامارات وعايشين هناك فطبيعي زوجها يسافر صح ولا انا فاهمه غلطالعضوة: 698970 , 6 years ago
لا لا انتي فهمتيني غلط من البدايه زوجها مريض قلب ومكنش ينفع يسافر اصلا بس هي ضغطت عليه وبتتمسكن في سبيل العيال وانهم هيشحتوا لو قعدوا في مصر مع ان حالتهم الماديه ممتازه دي نقطه جوزها في السفر. والدكاتره كانوا مانعينه وسافروا بردو قعد شهر اتبهدل وعضله قلبه ضعفت فكان لازم النزول فهي نزلته لواحده مريض قلب عضلته ١٠ في الميه كفاءه ومردتش تنزل معاه بتقول العيال ودراستهم مع ان وقتها كانوا ممكن ينزلوا وتحول لهم المدارس غير انها مردتش تحول ليه فلوس عشان علاجه وحجزه في المستشفي وانا بعت دهبي عشانه وعادي متكلمتش بس انها فوق كل ده ولا كان هاممها جوزها ولا حاجه المهم عندها انها تفضل في الكويت لانها لو نزلت وجوزها مات معدتش هتعرف ترجع بعدين مات في مصر بعيد عن عياله ومشافهومش من ٣ شهور لحد مامات منين بفا ممكنش فارق معاها جوزها يموت او يعيش ومنين عامله فيها خايفه علي جوزي وابنيالعضوة: 698970 , 6 years ago
لما مبنعبرهاش تقوم باعته لجوزي انتوا كويسين انتوا فين ابنك كويسالعضوة: 698970 , 6 years ago
هي اللي بتبعت وبتتراسل معاه لو مش كلمناهم لما نيجي نكلم العيال اخر مره كنا بنكلم ابنها الصغير جابت بنتها وقعدت تذاكر لها قدام التليفون محدش عبرها لقينا بنتها اخدت التليغون فجاه وقالت عاملين اي خودي ياماما كلمي عمو بيسال عليكي احنا اتصدمنا والله بتفرض نفسها بقله ادب جت بقا القهقه والمياعه وقله الحيا وانا قاعده ساكته مع العلم فيه فرق عشرين سنه بينها وبين جوزيالعضوة: 171597 , 6 years ago
من الاخر هي بدها تتمسكن لزوجك يتزوجها بتحطي حد قولي لزوجك تواصل معها لاااا للتستهيني بلأمر انو تراسل وتحاكي زوجك بكرا مابتعرفي شو بتعمل بحجه اولادها الله يكفيكي شرهاالعضوة: 698970 , 6 years ago
الفرق بينهم عشرين سنه وليه اخواته ٣ غير جوزي لانه اصغرهم بس مش عارفه والله هي حاشره مناخيرها ومهتميه بزياده اوي كده ليهالعضوة: 688035 , 6 years ago
اعمليلها حضر من تلفون زوجكالعضوة: 174291 , 6 years ago
@user-698970 اه فهمت هو فيه كده اعوذ بالله تقصدي هي اكبر من زوجك ب 20سنه ممكن تكون بترخم وخلاص ده طبعها اكيد مش هتبص لواحد اد ابنها متعمليش بلوك ولا حاجه اكيد زوجك مش طايقها اصلا فعادي طنشوها خالص واسئلوا بس عل الولاد من وقت للتاني وفي المناسبات وللاسف الشخصيات دي موجوده في حياتنا كلنا مع اختلاف الطرق طبعا استغفر اللهالعضوة: 701286 , 6 years ago
ماقدرت اقراء الموضوع 🤓🤓 طويلالعضوة: 698970 , 6 years ago
بتحرق في دمي وحاشره نفسها بزياده ومحروقه اني قاعده مع جوزي برا مع انها مسافره وكانت مع جوزها قبل مماته وحتي بعد مامات في مصر نزلت ٣ ايام ورجعت تالت يوم وتاتي يوم في الوفاه كانت ماشيه في اجراءات المعاش ومحدش كلمها ولا قالها حاجه هي دلوقتي قاعده تشوف الطيران هيفتح امتي واول لما فتح باعته لجوزي تقوله شوف كده عشان لو هينزلواالعضوة: 174291 , 6 years ago
@user-698970 تشوف الطيران ليه علشان هيه تنزل ولا انتم تنزلوا في الحالتين باعتاله ليه لو هو عايز ينزل هيشوف مواعيد الطيران لوحده ولو هيه اللي هتنزل ما تنزل باعته لجوزك ليه بردو مش فاهمهالعضوة: 578172 , 6 years ago
خلي زوجك يكرها الله يشغلها بنفسها بنت الكلب ذيالعضوة: 698970 , 6 years ago
ما ده اللي جنني هي مالها اصلا بوجودي من عدمه او نزولنا او غيره ما هي بردو برا بعيالها الاولي هي اللي تنزل مش احنا مع ان الكويت قافلين المدارس والدراسه يعني وجودها هناك ملوش اي اهميه