9 years ago
  • المرحلة الثالثة (الأشهر 9,8,7)
أنا متزوجة وصارلي سنة وعندي ولله الحمد طفل عمره 4 شهور.. تزوجنا عن حب انا وزوجي وكثير بموت واغار عليه وهو بعد يحبني وما يرضى يشوف احد يضايقني بس المشكلة اهله كثير متعبنهم حبنا.. يعني من تزوجني تغيروا عليه وطول الوقت متضايقين وزعلانين منه ومني ونسمع كثير كلام منهم مع ان وربي يشهد ما زعلتهم في شي .. انا بالاساس كثير انطوائية احب كثير اقعد لحالي بس احاول انزل معهم و لما انزل هم مبوزين ما يتكلموا معي .. حتى لما سافر زوجي رحت عند اهلي ولما رجع رجعت معه بيت اهله الا هم كله زعلانين ولا يسولفون معنا خير شر يمكن عشان قلت لزوجي اول شي يمرني من ينزل من المطار واروح معه بيت اهله.. بصراحه تعبت كلش ما مرتاحه ابدا حتى بطفلي ما يساعدوني وانا استحي اطلب منهم.. اوقات ابغي اصلي وطفلي يبكي ..يعني ابدا ما حاسه اني ساكنه مع اهلي.. وزوجي متضايق يقول كاره نفسه لانه جابني لعندهم ولانهم ما يعاملوني كويس ويقول ما ادري ليش ما يحبونك ويحترمونك وايش ذنبك.. ومقرر نطلع بروحنا بيت بس ع الرغم انا م عارفه اوافقه الراي او لا.. خايفه نتسرع في القرار.. ساعدوني بنات الله يفرج عليكم🙁😢

20 تعليقات

العضوة: 27517 , 9 years ago

@user-14908 عادي حبيبتي وافقي واطلعي بيت لحالك ترتاحو انتو الاتنين واهل زوجك روحي لهم زيارات وحاولي تكوني طبيعية وعادي لاتدققي بحركاتهم لو زوجك قلك هم مايحبوك او مايبغوكك وكذا قولي له بالعكس انا اشوف حركاتهم عادية واكيد يتمنو لك الخير امدحيهم قدامهه وغيري نظرته لهم

العضوة: 14908 , 9 years ago

@user-27517 انزين ليش تتوقعين ما يحبوا يشوفوا زوجة ولدهم تحب ولدهم وتهتم فيه ليش يغارون لمن اعامل زوجي كويس واهتم بكل تفاصيل حياته

العضوة: 39918 , 9 years ago

الله يصلح بينك وبين اهل زوجك اذا ظروفك منيحة اطلعو بيت لحالكم وتصيري تروحين لهم زيارة بس فيضل الاحترام بينكم وان شاء الله ربي يقدم لي فيه الخير

العضوة: 34578 , 9 years ago

انتي حاولي تجلسين معهم وتسولفين وماتقصري وقت مناسباتهم ولاتفكر بزعلهم وتربطي حياتك انه لازم مساعده وتعاون من احد المهم زوجك تمام معك ولاتنقدي اهله حاولي قدامه تبرري تصرفاتهم وتغيري الموضوع وخليه يشوفك مستانسه مو متضايقه من تصرفات اهله ودام يبي يطلع عادي بس لاتبيني انه تبي الفكه منهم قولي انت سوا الي تشوفه بمصلحتنا ويمكن سبحان الله يكون خلك بعيد وحبك يزيد المهم ارجع واقولك لاتنقدي اهله وتتحسسي من تصرفاتهم قدام زوجك لانه بعدين لاشعوريا يكره الوضع لما يشوف اهله مايحبونك ويخليه يدقق ليش يكرهونها اكيد تصرفاتها معهم مو تمام

العضوة: 34578 , 9 years ago

حاولي تجيبي مواقف تعليقات حلوه من اهله عليك حتى لو كانت مره قالوها لك بس يعنني قدام زوجك انه تسولفون دايم وانه احيان الواحد يكون متكدر فعشان كذا اكيد مالهم خلق يسولفون

العضوة: 39768 , 9 years ago

نفس قصتي بضبط سبحان الله 😅 مادري اشوه انه هذا ولدهم لازم يستانسون انه عنده شريكه حياته مريحته ويحبون بعض مادري اش سالفة هالاهل الريل بصراحه .. وانا مثلج وايد انطوائيه واحب اقعد بروحي وهدوء بيتي اجمل شي عندي ونادر ادخل عليهم واقعد معاهم .. وحتى ولدي مسكين مايجابلونه ولا يبونه ولايرضىم يظل عندهم بروحه عشان لايسون شي حقه ويتعبون معاه ولا جنه ولد ولدهم حمدالله وشكر .. بس انا عندي طبع الصد واني اسفههم كلهم ولا التفت زعلو اضحكو بجو اقعدو قامو اااخخخرررر همي بصراحه عشان جذي مرتاحه ولا على بالي اهم شي سعيده مع زوجي ويحبني ويعرفني عدل ماني خبيثه والله يفكني من شرهم بس

العضوة: 14908 , 9 years ago

@user-34578 لا والله حبيبتي زوجي بنفسه يدري ويشوف كيف اعاملهم وكيف هم يعاملوني

العضوة: 14908 , 9 years ago

@user-39768 المشكلة اني ساكنة وياهم وهم طول الوقت مكشرين.. حتى احن اروح بيت اهلي لان محد يسولف معي منهم... زوجي يداوم..مو هني المشكلة المشكلة اني ما سويت فيهم شي احب زوجي وزوجي يحبني ويش حارهم !!

العضوة: 5329 , 9 years ago

@user-14908 جتك فرصة عمرك ماتتكرر اذا زوجك الي بيطلعك طلعي ولاتفكرين حريم تيبس حلوقها ولاتطلع ابنتيجه بيزعلون فتره ويرضون وتصيرين الشيخه بس لين ايؤسؤن من رجعتك ريحي راسك انتي وزوجك وعيشي حياتك وخلي يوم معين تزورين اهلك ويوم تزورين اهله خليك طبيعيه ورضي زوجك

العضوة: 14908 , 9 years ago

انا ودي نطلع ونستقر بروحنا بس حاز ف خاطري ريلي كأن انا السبب ويبعد عن اهله

العضوة: 14908 , 9 years ago

@user-5329 والله حبيبتي لو زوجي شايف انهم ما مقصرين معي وما يضايقوني ما كان قرر نطلع.. هو حاس بذنب يقول انتي ما مرتاحه ما يعاملونج كويس وما يحترمونج وانتي ما عملتي لهم شي هم بس متحسسين لانج تهتمين فيني و تدلعيني

العضوة: 5329 , 9 years ago

@user-14908 ماعلا السيارات بعيد ومتى ما ابغى يروح لهم سواء جيتي معه اولوحده استغلي الفرسه وريحي راس زوجك قبل راسك واذا رحتي لهم سوي حلا وشاهي وقهوه وبيزعلون فتره ويهونون وتشوفين كيف انتي الغاليه

العضوة: 14908 , 9 years ago

@user-5329 والله يا حبيبتي بدأت اقتنع من كلامكم

العضوة: 39768 , 9 years ago

@user-14908 حتى انا عايشه معاهم .. محترين وغيرانين ادري مبين بطقاق كلش موهامني سبحان الله طبع الاموبالاه بدمي 😝