العضوة: 499639 , 6 years ago

باغية اسماء بنت ولا ولد 🤔🤔🤔🤔

العضوة: 284397 , 6 years ago

@user-499639 اسم ولد

العضوة: 532315 , 6 years ago

تقي الدين تاج الدين

العضوة: 284397 , 6 years ago

@user-532315 شابين بصح حبيت اسم خفيف يتكون من كلمة وحدة

العضوة: 532412 , 6 years ago

ياسر صهيب معاذ لؤي

العضوة: 284397 , 6 years ago

@user-532412 شابين ما جاوش في خاطري قاع دوك نقصف بيهم راجلي 😂

العضوة: 532412 , 6 years ago

@user-284397 هههههه انا نبغي ياسر و راجلي راه مشيطني باش يسمي على بوه قتله سمي و عيطله كيما تبغي انا تاني امه نعيطله ياسر غي صباح مع الفجر و الله دابزت معاه تاع بصح وقعد يزقي الله يجيب الخير و صايي المهم الله يعطيك سويعة زينة ليك و لينا قاع

العضوة: 284397 , 6 years ago

@user-532412 هدا حال قاع المتزوجين 😂 وليدي الاول هو سماه حمزة هدا زاوج قلت لو جات دالتي قالي لالا 😔 راني حاب اسم علي قالو لو دارهم سمي علي وانا ما نحبش لي يفرض عليا رأيو مالا تحديتو نجيب اسم شباب وجيتكم هنا تعاونوني🙂

العضوة: 532412 , 6 years ago

@user-284397 انا عندي التوام شيرة قالي نسميها على يماه الله يرحمها تفاهم هو و أخته قتله صحا معليش مهما كان امهم و مامت الله يرحمها بصح الشير قالي تاني على بويا قالي باغي نفرح بويا ههههه واحد يرفد و يمرض و يصرا فيه الباطل و واحد يكوموندي تحسبي غي هوما لوالديهم عزاز عليهم حنا والدينا لقاونا برا هههههه

العضوة: 561859 , 6 years ago

هههههه والله غير عندك صح انا كون جيت بلاستك شيرة هو يسميها معليش على امو الله يرحمها بصح شير انا نسميه قوليله دوني دونا هههه سميه بهاء الدين اسم شباب بزاف

العضوة: 284397 , 6 years ago

@user-561859 حبيت الاسم يكون من كلمة وحدة باش يجيه خفيف وما يعارضش

العضوة: 532412 , 6 years ago

@user-561859 مراهش باغي و غي نهدر معاه يقعد يزقي باش نخاف و نسكت و انا تاني راني مسنطحة بصح منزيدتش نهدر نهار لي نزيد ان شاء الله تبان

العضوة: 561859 , 6 years ago

انشاء الله مايكون غير الخير وتولدي وتنوضي بسلامة

العضوة: 532412 , 6 years ago

@user-561859 ان شاء الله ختي الله يحفظك

العضوة: 284397 , 6 years ago

@user-532412 والله صح نورمالمون المرا هي لي تسمي هي تحمل وتتحمل العداب تاع ولادة وتربية وممبعد يجي هو بساهلة يقولك لالا ربي يدير الخير معليش كي يولو والديه ماشي انا حاب يسمي على جدو هههههه قالو لو خواتاتو سمي على جدنا وهوما علاش ما يسموش على جدهم ولدي شدخله في جدهم 😂😂😂😂