سلام لبنات بغيت نعاود ليكوم علا ولادتي و المرض لوقاعلي امفمتش لحد الان علاش مرضت.مهم انا كنت فالشهر التاسع وعندي سكر الحمل وساكنة فرنسا الاطبة تيخافو على الجنين الى كان فيك سكر ونا لقاو الجمين فيه 3كيلو ونص وقالولي خاصنا نولدووك بوجع اصطناعي متسنايش حتي اجيك وجع .صافي وجت راسي حويجاتي حوايج الجنين ودخالت المستشفى باش اولدوني كنت تنتوقع عيديرولي وجع اصطناعي من بعد 24ساعة غادة نولد ولاكن دازت 24ساعة وشدني وجع ولادة و الوالدة متحلاتش اعاودوولي وجع اصطناعي مرة ثانية ودا زت عاود 24ساعة ونا تنتقطع بوجع و الوالدة متحلاتش تصاورو تنموت بالوجع حتى دكولي لاموغفين عاد رتاحيت من بعد يومين عاودولي الوجع الاصطناعي ثالت مرة افهاد اليومين تعدبت بزاف وعطاوني دوا بزااف وشواكي امعا الحريق مكنتش نقدر ناكول امنكولش ليكوم البنات داك وجع صطناعي باش داروهلي حتى مات داخلولي واحد الكرة فالوالدة انفخوها اكرة وحدة خارج الوالدة ادوك كورات عيبقاو ابركو حتى تحال الوالدة صافي غير دارولي هاد الكرة دازت ساعتين تحالات الوالدة معى 10ليل هابتوني نولد دكولي شوكت الظهر و تحلات الوالدة 10سنتمتر ولاكن الجنين مزال متيدفعش باش اخرج ابقيت هاكاك من 10اليل حتال الغد معا 9 صباح عاد ولدت بالغراز صافي فرحت قلت اخييرا رتاح من العداب اولدت بنتي ثاني يوم بعد الولادة صباحت تنتقيى بزاف اشداني نخصة فقلبي متنقدش لانهدر لانتنفس حاسة تنموت عطاوني فطبيب دواء المعدة والو تنتقياه نهار كامل هكاك عالقولي سيروم دارولي تحاليل ديال دم قالولي معندك والو نهار الثالت نفس الحالة تنمووت تقيا عاود واخة نشرب غير الماء نتقيا خمسة ايام هكاك دارولي سكانير الكرش و المعدة ملقاو عندي والو دارولي الكاميرة المعدة ملقاو واالو جابولي طبيبة نفسانية هدراة معايا قاتلي واش تخلعتي فولادة واش عندك شي مشكيل قتليها لا حيت فعلا محسيتش براسي تخلعت امعندي حتى مشكل من بعد 5 ايام مور الولادة وانا فطبيب ادارولي جميييع تحاليل ملقاو والو قالولي عنخرجوك فرحت بزاف حيت انا كنت باغا نخرج امخلاونيش اخرجت لداري تصورو البنات كيدخلت الدار حسيت براااحة كليت قلت دابا نتقيا ولاكن متقييتش بحالا معري مرضت بديك تقيا ونخصة كولشي مشا مني تصدمت واخا فطبيب قالولي اقدر اكون دكشي غير نفسي فراسك كنت نقول لا ميمكنش حتى قدام الناس حشمت و الله بحالا كنت عتنتفلا فطبيب .والمهم بغيت نعاود ليكم هاد التجربة ديالي تستافدو منها وتكون فبالكوم حيت انا عمري سمعت شي وحدا وقع ليها هاكا ولاكن طبيب قالي تتوقع لناس بزاف