انا عندي اخت اكبر مني متزوجه والحمد لله موظفه وعندها اولاد ومستقره في حياتها في بيتها ومع زوجها كثير تغار مني لدرجه اذتني وايد في حياتي بعطيكم امثله بسيطه بس على اللي تسويه لي اول شي من تخرجت من الثانوي اخذت رقم الجلوس والرقم السري مالي ولعبت في بياناتي عشان ما انقبل في الجامعه 2- درست ف الجامعه على حساب اهلي الخاص وصارت كل ما تعرف ان عندي امتحان تجي وتضيع عليي هيه وعيالها وتسوي ازعاج تعرف بيتنا صغير وماشي مكان ادرس فيه 3- انخطبت و وقت زواجي اخذت بطايق الدعوه على اساس تدعي الناس مع امي وخبت نصف البطايق وترست راس امس علشان ما يجو ناس كثير في عرسي وفشلتني 4- بعد ما تزوجت والان حامل الحمد لله من عرفت وايد غارت مني وجالسه تسوي لي مشاكل تريد تفرق بيني وبين زوجي وتترس راس امي عليي وتخلي امي تشل بقلبها عليي وتدعي عليي بالله يا خواتي نصحوني كيف اتعامل معها اعرفها اختي خبيثثثثثثثه اعوذ بالله منها واختي الثانيه كذلك خبيثه وامي معهم وانا محتاجه لهم ذولا اهلي باكر لا ربيت بالسلامه مصيري اجي بيت امي واشوف خواتي الخبيثات والله يا بنات صايرات من يجي زوجي يشلني من بيت اهلي يطلون من الدرايش يشوفونه ويتكشخن يسون له حركات يريدون يفرقون من بيننا واكتشفت اختي الثانيه تريد تتعرف عليه على اساس انها وحده ثانيه وتسوي معه علاقه اعوذ بالله من خواتي ومن شرهم بس عطوني افكار ونصايح بدون قذف او تجريح جايتكم ومضااااايقه