مساء الخير بنات اريد اسولف مشكلتي اني تزوجت زواج تقليدي وره ٣ أشهر بدو يتعاركون ع اتفه الأسباب حت اذا المشكله ويه زوجي يغلطون عليه طبعا هاي اخت زوجي وأمه توكف وياها بحيث ينشف دمى من الصياح مالتهم فد شي يخوف واخت زوجي طردتني من البيت اخذت غراضي ورحت لأهلي بالطريق اكتشف انو البيت مو مالت اهل زوجي باسم. اخته وهي اللي تتحكم بيهم ولو شنو تسوي امهه توكف وياها وراها رجعني زوجي رجعت مردت اخرب حياتي وراها هم كم شهر وتعاركو ع شنو سلمت مسلمت همه ابد ميسلمون عليه بس يكعدون بالهول ينتظرون اسلم عليهم وهم صارت مشكله ورحت لبيت اهلي بعدين زوجي رجعني وهم غلطو انواع الغلط وأمه توكف ويه بتهه ويه الغلط ويه الباطل ولان هي أم زوجي لازم ما احجي شكد متسوي وتغلط عليه وع اهلي وبالمناسبة وراها تحجي عليه محلوه وماعدهه اخلاق وممتربيه الرايح والجاي وتكول اني مرايدته ع الرغم هي عميه ومشايفتني واني احلى من بناته وشهادتي عاليه وتغار مني المهم اخر شي صارت مشكله هم من وره اخته وهم ضلو يغلطون اخته وأم زوجي عليه وسكتت ورحت لبيت اهلي طبعا ٣ أشهر يله رجعني زوجي اهلي مقبلو بس لخاطر زوجي رجعت ومردت ادمر حياتي ورجعت ماكو شي بس هم مو زينين ماكدر اوصفهم اول ماسوي اكل ام زوجي تسوي زفره فتحي الباب واخته تسد خشمه بالمناسبه تكول لي ممنوع تقلين سمك واول ماقلتي شي ثاني يوم تكول الحايط كله دهن والطباخ والمطبخ وووو.. أما إذا شافتني طلعت تشد بعد أكثر ع الرغم بته تمرضت وكفت وياهم حت للحمام اوديه واداريهه وهي خبيثه كلت خطيه لوجه الله اخر شي جنت بيت اهلي رجعت عندي طفله عمره ٣ سنوات كمزت للدرج كبل والدرج عالي بايات ركضت صعدت عليه اشو وره ٥ دقايق صاحت ع زوجي وتكوله منو علمه انت لو امه وكامت تحجي امي انو ممربيتني وهي كالتالي ماسلم ع الرغم قبل منطلع من يم اهلي امي كالت سلميلنه عليهم وزوجي حلفله واني حلفتله عاد تكولي لا انتي جذابه ادبسز ممتربيه اني هنا نقهرت كلش ٥ سنين مارده عاد كتله اللي يجذب يشوف الناس جذابين اشو هاي تكولي انتي ام المشاكل واخته تكولي مو شريفه كتله ولله انتي ام المشاكل المهم نزلت بيه فشار يعني انواع وحجي مسامعته وكلتلي ساقطه كتله بناتج الساقطات وسبت ابويه وهو متوفي نقهرت كلش ودعت ع اخواني شباب اني رديته شسويله اني غلطانه لو هذا حقي اني لو ادري هذا موبيتهم مجان قبلت والصبر اله حدود وصلت هسه للشيخ والشيخ يكول حت لو تحجي المفروض مترد اكو هيج شي يعني اني غلطانه طبعا هوايه تفاصيل عن حقارتهم محجيته