6 years ago
  • ما قبل الحمل
حبيباتي انا متزوجة من سنة ونص و اتزوجت عن حب وزوجي يحبني كتير وكل اهله بيحبوني الصراحة ما شفت من اي واحد منهم العيب.بس مؤخرا حملت صرلي ٣ أشهر حامل زاد خوف زوجي علي لدرجة خطيييرة جدا مع الوباء وبعد ما علم انه الحامل بتكون مناعتها ضعيفة زاد خوفو المهم يوم تاني عيد اتوفت جدتي رحمها الله كنت احبها كتير و ماقدرت اروح لجنازتها وتعبت كتير وخاف علي ما رضي ياخدني عند اهلي من شان اشوف أبي و اعمامي قلي رح تتعبي و رح يصير شي فيكي او في الجنين لاني لس في أول الحمل سمعت كلامو ومارحت بس يوم تاني طلبتو روح وافق بس بشرط اني ارجع عالبيت 5 مساء بس للاسف ما قدرت ارجع بالموعد لانو الحجر واهلي بمدينة بعيدة عنا 30 دقيقة رجعونا من الطريق لم خبرتو قلب الدنيا و ضل يصرخ لدرجة انو هددني ادا ما رجعت رح يصير شي مايعجبني لا انا ولا اهلي طنشتو ونمت عند اهلي اليوم وصلني ابي وعمي عالبيت و ضليت اتصل عشان أخبرو يجي يلاقيني عالطريق الهاتف معلق اتصلت بابوه خبرني انه طلع من البيت من الصبح المهم طنشت ولم طلعت البيت لقيتو جالس بتفرج صدمني سلمت عليه مارد السلام ما رفع راسو وكأني مو موجودة أول مرة بيعاملني هيك انا ما عملت شي غلط جدتي اتوفت و كنت ببيت اهلي يعني مو مع ناس غربا والله انقهرت وبطني واجعني كتير ما ادري شو اسوي طبعا ضميري مرتاح لاني مو حاسة اني غلطت لي قهرني انو ابوه سمع كلامو وكدب علي و ابي وعمي كان نفسهم يشوفوه لانو بعزوه كتير شو اسوي طبعا راسي متل الحجر مستحيل اتنازل لاني مو غلطانة لي هاممني جنيني خايفة عليه لاني معصبة كتير وبحس بألم شديد في الرحم ساعدوني شو اسوي حتا يخف الالم

30 تعليقات

العضوة: 688408 , 6 years ago

الله يعينك ويفرج همك

العضوة: 367298 , 6 years ago

خليكي طبيعيه كلي واشربي ونامي ولا كأنه فيه اشي وهو لحاله رح يحس انه غلطان اهم اشي لا تتضايقي علشان البيبي ولا تشدي ع حالك

العضوة: 689715 , 6 years ago

@user-651812 عادي طنشي. يوم يومين برجع منحاله لانه انتي مـِْ♡̨ـِْا غلطتي

العضوة: 607730 , 6 years ago

اتعاملي عادي . انت مش غلطانه هو ك مكبر الموضوع شويه . خليكي عاديه . واتصرفي عادي . وهو مع الوقت . هيتعدل لوحده هو اكيد خايف عليكي . بس خوفه زياده شويه . ربنا يهديكم لبعض

العضوة: 646522 , 6 years ago

@user-651812 شوفي يا عزيزتي انسيكي من حكي النسوان تبع طنشيه و انتي مو غلطانه الشغله مو تحدي و انتي قلتي انك بتحبيه و هو بحبك يعني خلص شوفيها ازا عصب عليكي مره ما خربت الدنيا خلص امتصي عصبيتو و طيبي خاطرو بكلمه و رح تشوفيه رجع معاكي متل قبل يعني خلص ما هان عليه تتأخري لانك خايف عليكي او تنامي برا البيت ممكن الاسلوب غلط بس شو بتعملي يعني شي و صار عشان هيك طيبي خاطرو بكلمه زوجك باين عليه انسان منيح و الحياه اخد و عطا يعني تعي ع حالك و احكي معو و يا ستي لو طلعت منك كلمه انا اسفه عشان تنهي خلاف مافي مشكله ما تخلي القصه تكبر هاي تصيحتي الك لانو انتي و ياه بتحبو بعض عادي استوعبيه و طيبي خاطرو و بلحظه صفا احكيلو انو انت دايقتني وقت صرخت و و رح تلاقي لحالو عم يعتذر

العضوة: 651812 , 6 years ago

شكرا الك حبيبتي ان شاء الله بس لم تتغير نفسيتي مايضل عندي نفس الاكل

العضوة: 651812 , 6 years ago

لك مو شوية كتييير جنني اتخيلي ما شفت اهلي من أول الحجر حتا البارح رحت لعزو جدتي قهرني بالبيت

العضوة: 651812 , 6 years ago

معك حق اختي بس والله زاد فيه كتير قهرني خوفو كتير بس مابدي أعلمو كل ما غلط اروح انا اراضيه صعبة علي ما رعا لشعوري فقدت اغلى انسانة و حامل بشهور الولى وتعبانة وكلما طلب مني شي حتا وانا تعبانة ألبيلو طلبو بس مو مقدر مشاعري اجت والله مو على بالي وكنت بدي ارضيه بس برودت دمو و اتعامل ولا كاني دخلت البيت خلاني انفر منو

العضوة: 688499 , 6 years ago

اختي نصيحة زوجك خايف عليكي ويحبك راضية لو هو رجال مش كويس او يتحكم فيكي بس هاذا شي ثاني انا زوجي كان يوديني كل مكان الان ماخلاني اخرج من البيت ولا ازور حد عشان الحمل وزوجة عمي ماتت مارحت لهناك اتصلت اتصال واحيان يعصب عليا من خوفة اذا ما انتبهت لنفسي ارجع اراضية لاتخسري حب زوجك عشان شي تافه هو حاسس بلمسئولية تجاهك وخايف يخسرك مش عناد منه

العضوة: 651812 , 6 years ago

انا متلك كان يوديني كل مكان قبل الحمل و الحجر وكنا نهاية اسبوع نقضيها مع اهلي بس جرحني يعني عادي اروح اراضيه؟ادا كان بيخاف علي ليش بيزعلني وهو عارف انو الزعل مضر لصحتي وصحت طفلي

العضوة: 705006 , 6 years ago

ما تاخدي بي زعلو بيرجع تاني لحالو لانو انتي ام جنينو وما تشيلي هم لانو الحمل نفسيات

العضوة: 646522 , 6 years ago

@user-651812 مافي شي اسمو انو تعليمه و يعلمك هاد الحكي مو زابط هاي حياه زوجيه و تنيناتكن بدكن تتنازلو ازا اتنازلتي هاي المره انتي ما رح تخرب الدنيا يعني تخيلي يضل الوضع بيناتكن هيك و يزيد الجفا و تكبر المشكله و هو يكبر راسو بزياده عادي اتنازلي عشان ما تخربي بيتك ليش تخربي سعادتك عشان شي بتقدري انتي تمشيه طبعا انا بحكي هاد الحكي لانو انتو التنين بتحبو بعض و هر منيح معك اما ازا كان العكس بيختلف الموضوع عشان هيك كبري مخك ولا تخلي هاي المشكله طول و تزيد

العضوة: 651812 , 6 years ago

طيب حبيبتي والله معك حق بليل أراضيه بطريقتي السحرية زي كل مرة😍😂😂😂✋

العضوة: 651812 , 6 years ago

اوكي حبيبتي شكرا الك