دقيقه م وقتك يـ مامي بعد إذنك و تعالي اقرأي الكلام ده! 👇 👶 لبن السرسوب اهم من اللبن الطبيعى وافيد وكميته قليله بس مليان مضادات حيوية . 👶 قطرة العين اول سبوع بعد الولادة والكحول السرى لحد السره ما تقع ومعانا ل ٤٠ يوم طبيعى عشان السره تقع. 👶 الخنفره طبيعية وبتقعد متوسط ٦ شهور وعلاجها نقط الانف او ماء البحر عند اللزوم. 👶 لو فى ترجيع من اول يوم مافيش مشكلة طالما الوزن بيزيد والموضوع بيقعد من ٦ شهور لسنة .. وأشهر أسباب الترجيع عموما زيادة الرضاعة. 👶 الاطفال اول سنتين ملهمش مواعيد نوم حتى لو الطفل مش هينام الا ٥ دقايق فى اليوم. 👶 الحمام عند الأطفال 💩 لونه ممكن يكون اصفر او أخضر / أو أسود و عليه نسبة اخضر مفيش مشكله و يكون سايل او ماسك شويه او فيه مخرز مفيش اى مشاكل و مش محتاج اى علاج و التحزيق عادى طول فتره اول ٤ شهور بتوع الالتزام بالرضاعه فى طفل ممكن يعمل حمام بعد كل رضعة أو كذا مره ف اليوم او كل يومين تلاتة او كل أسبوع مرة كل ده طبيعى. 👶 انا من مدرسة أنه مافيش غير رضاعة فقط اول ٦ شهور وكمان مايه .. اختصار الوقت اللى يدخل فيه اكل يدخل فيه مايه. 👶 الزبادى عادى جدا بعد السادس انما الحليب البقرى أو الجنسى ماينفعش قبل سنة .. طب ماهو الزبادى من اللبن البقرى اااه بس البروتين بتاعه متكسر فمفيش ضرر منه. 👶 الجلسات الموسعة للشعب مافيش منها تعود حرام عليكى بلاش جهل كده بتضرى بصحة ابنك لأن الجلسات بتوصل الشعب الهوائية اسرع فهتحسنه اسرع. 👶 احدث وأمن علاج الحساسية هى البخاخات والجلسات. 👶 موسعات الشعب الشراب مابقاش ليها اى لازمة . 👶 الكورتيزون علاج ومحترم جدا كمان بس بجرعة محدده ولامراض معينة ولوقت معين. 👶 موضوع ان البروفين ممنوع مع أمراض حساسية الصدر الكلام ده قديم وثبت أنه مش صحيح . 👶 مافيش دولفين قبل سنة ولا بروفين قبل ٦ شهور وماينفعش ناخد دولفين مع بروفين والسيتال من اول يوم وينفع مع البروفين أو مع الدولفين. 👶 الطفل عند سنتين لو متكلمش 🤐 نعرضه على دكتور انف و اذن و نعمل له مقياس سمع و نستبعد اى مشاكل نفسيه و عصبيه و عضويه فى الاذن و الأعصاب ✋ 👶 علاج الصفرا الوليديه هى الاشعه الضوئيه فقط✋ اى ادويه تانيه كلها كلام سوق و اثرها مش مؤكد لكن اغلب الناس بيزعلوا لما اقولهم مش محتاج اى علاج و علاج الطفل فقط الرضاعه و المتابعه الا فى بعض الحالات و دى شغله الدكتور ومافيش حاجة اسمها هحط تحت لمبه ف البيت دى هتسخنه بس. 👶 ادويه الانتفاخ للاطفال كلها تحصيل حاصل لان السبب مازال موجود الـِ هو الحليب سواء كان الطبيعى او الصناعى و الحل هو تظبيط مواعيد الرضاعه تكون كل ٣ ساعات ااه بنديها بس الموضوع لانه طبيعى فمش هيختفى ااه ممكن بخغ شوية. 👶 تطعيم شلل الاطفال هو الوحيد اللى متخافوش ان الطفل ميتطعموش لانه بياخده باى طريقه و ملوش جدول ولا مواعيد 👶 بلاش جيلاتى خالص للاطفال لا قبل سنه و لا عند اى سن خالص طول الشتا و هما تعبانين. 👶 المانجو و الفراوله نخف منها شويه كتير علشان الاملاح و حمو النيل للأطفال 👶 عينه الغده الدرقيه من اليوم الـ٣ لـ اليوم الـ٧ رجاء محدش يأخركم لانها مهمه جدا 👶 الطهاره من اول يوم مافيش مشكلة والاسبوع الاول كمان كل ده وقت مناسب وطبعاً الأمر يرجع للطبيب الجراح. 👶 المعطر و الريحه و البرفانات بلاش منها علشان لو الطفل عنده استعداد للحساسيه و لو لازم، يبقى و احنا خارجين و من برا على الملابس. 👶 الطفل من عمر سنه لـ ٥ سنوات ضروووورى نهتم بانيميا الحديد و ياخد فيتامينات. 👶 ضرورى مع كل زياره لدكتور الاطفال نطمن على فتحه النافوخ و نشوف الاذن و منظقه الحفاضات. 👶 بعض الاطفال الذكور بيكون عندهم ميه على الخصيه دى مفيش منها مشكله و ممكن الطفل يتطاهر و بتروح ان شاء الله عند عمر سنه. 👶 رجااااااااااااااااااااء اى حد عنده طفل مولود ذكر يطمن على فتحه البول فى العضو عنده علشان لو فيه حاجه يبقى من بدرى نطمن على الخصيتين و لو معلقه يبقى على عمر سنه نشكف جراحه و نعمل اشعه تليفزيونيه للاطمئنان. 👶 اثناء الرضاعه الطفل ممكن ينهج شويه و يعرق لكن تزيد يبقى محتاجين نكشف عند الدكتور بتاعنا علشان نطمن ان البيبى معندوش اى مشاكل من اى نوع سواء فى الصدر او القلب و فى الاخر بتكون مشكله فى الانف و علاجها نقط محلول ملحى.