لكل ام جديدة وبتعاني مع البيبي😣😥 من المغص حابة افيدكم من تجربتي وان شاء الله بقدر اساعدكم 💪 كتير بقرا استفسارات عن المغص ف قررت اكتب تجربتي لكل ماميز✍ 😎😉 حبيبتي عليكي بما يلي يوميا اولا- اذا بترضعي طبيعي انتبهي ع وضعية الرضاعة بحيث يكون راس البيبي اعلى من جسمو👶 واذا صناعي🍼 اختاري قنينة حليب من ايفنت بتكون خصيصا لمنع دخول الهواء للبيبي بالرضعة واذا ما اتوفرت وعندك قنينة رضاعة عادية حاولي ترضعي البيبي وهو بوضعية شبيهة بالجلوس مرتفع بكون صدرو وراسو وقنينة الرضاعة بزاوية📐 45 بحيث بالعين بكون مبين انو مايلة الرضعة وما فيها هواء ثانيا- شايفة يلي خكيتو☝ مع ذلك بفوت هواء ف بنص الرضعة الصناعي بتدشيه او لما تنقلي من ثدي لاخر بتدشي ملاحظة**💡 ( انتبهي ع وقت الرضاعة من كل ثدي ربع ساعة مو اقل لانو اذا كان اقل هيك البيبي برضع الحليب الامامي يلي هو غني بفيتامين وبروي العطش وفيه نسبة لاكتوز اذا بس اخذ الامامي يؤدي لتراكم الاكتوز ببطنو وبدايقو وبسبب مغص فحاولي من كل ثدي ربع ساعة بياخد حليب امامي وخلفي هيك واذا بشبع من اول ربع ساعة رضعي مرة من جهة اليمين مثلا ومرة تانية لما ترضعي رضعي جهة اليسار يلي ما رضعها ) وباخر الرضاعة سواء طبيعي او صناعي لازم تدشيه 💡(التدشاية:هي وضع الطفل على كتفك والتربيت على ظهرو بشكل خفيف الا ان يصدر صوت) ثالثا-بعد الرضاعة شي ربع ساعة خلي البيبي مستقيم او حطيه بالكوتة🤗 رابعا- كل يوم 10 دقائق او ربع ساعة وانت عالكنبة 🛋 فوق رجليك نيمي البيبي ع بطنو انتبهي ع انفو خليه يعرف يتنفس كرري هالشي مرتين باليوم اقل شي بتلاحظي انو طلع غازات😉 خامسا -كل يوم و 3 مرات لازم مساج لبطن💆 البيبي بزيت زيتون دافي بحركة دائرية مع عقارب الساعة حول السرة و على شكل حرف u مقلوب وبتحركيه رجليه متل الدراجة🚴 وبتثني رجليه وبترجعيهم ع بطنو مع ضغط خفيف رح بتلاحظي خروج غازات💨 هالحكي لمدة 5 دقائق كل يوم ع 3 مرات باليوم الصبح وبنص النهار وقبل لينام وبتكون هالتمارين بعد الرضاعة بنص ساعة🕜 هاد روتينك كل يوم خليه ♺لغاية ال4 شهور سادسا - معلقة مغلي يانسون مع معلقة مغلي النعنع او بتعطيه للبيبي باليوم 30 مل من مغلي اليانسون مع اوراق النعنع بخفف عنو 🌿🍃 سابعا-واخيرا دواء مغص اطلبي من الطبيب يكتبو للبيبي وبتعطيه اياه قبل الرضاعة 💊 فيكي تعمليلو حمام دافى🛀 بالليل لينام او بتدهني جسمو بزيت زيتون بريحو😴 و حطي ببالك المغص شر لا بد منو ما بتقدري تمنعيه بس بتقدري تخففيه مع كل هدول الاشياء وطبيعي ينمغصو لانو جهازهم الهضمي يتطور الله بعينك لل4 شهور 🙈 🔸ركزي ع اكلك انو تبتعدي❌🚫 عن ❌الحمص ❌والفول ❌ والفلافل ❌والبرغل ❌والمفتول ❌والملفوف ❌والزهر ❌ ورق العنب ❌والكولا او البيبسي🍷🍺 ❌ خففي قهوة ونسكافية وكابتشينو 🔸واشربي بعد كل وجبة كوب يانسون يوميا🍵 او ضيفي كمون ع هالاكلات لتخففي من النفخة 🔸 اذا جربتي كل ما سبق فيكي تهزيه وتغنيلو 🎤 او تروحي مشوار بالسيارة 🚗بهدى وبنام الكتكوت 🐥🐔 🔸وحاول تخففي عصبية لانو بنتج حليب ع نكد والبيبي بنمغص😠 🔸تنظيم رضاعة البيبي كل ساعتين اقل شي وان شاء الله اكون افدتكم ارفقت صور ع كيف تدشي البيبي و كيف تحطيه ع رجليك ع بطنو ليطلع غازات ووضعية زجاجة الحليب ووضعية الرضاعة الطبيعية الصح وتمارين المغص