السلام عليكم ورحمة الله وبركاتهُ ")
هالبرنامج محملتو عندي وكل مرّة بفتح لأشوف أخوي أديش صار حجمو وهالتفاصيل ..
أمي حامل .. وهلق بالشهر التاسع ..
كون هالمكان كلّو أمهات حوامل ..
فحبيت أسألكن هالسؤال
" شو اللي ممكن نسوّيه احنا الأولاد لنرضيكن ونكون من البارين فيكن🙁؟"
بدي أرضي أمي بس ما عم أعرف كيف🥺
لو فيكم تحكولي كيف الأمهات وخاصة الحوامل بحبو يرضو ع أولادهن ونكون من الباااااارين ☹❤
العضوة: 534680 , 6 years ago
حلو سؤالك وكثير عجبني ❤️الله يقوم امك بخير وتفرحوا بأخوك ،،، عن نفسي اطفالي لساتوا صغار بس دائما اتمنى عندي بنت كبيرة تساعدني بأي شيء مو شرط طبخ وغسل وترتيب على الاقل تاخذ مني شغلة تريحني اللي تعرفي تعمليه اعمليه صدقيني حتفرح امك كثير وايضا لو لقيتي امك متسطحة بتاخذ راحة اساليها لو بدها شاي او قهوة او اي شيء جيبيلها لان سبحان الله احيانا بشتهي شيء بس مابدي اعمله اقول الله لو كان فيه حدا يعملي اياه قديش اكون مبسوطة ... الله يفرح قلبكالعضوة: 261684 , 6 years ago
@user-584648 يعني شو علاقتك ب امك مو منيحا مشان هيك عم تحكي بدك نصائح اول شي إحترام و ماتردي كلام و تحاولي تسمعي كلام امك و تساعديها و تبين حبك لإمك أنا أم عندي بنت لساتا صغيره و بتناديلي امي حبيبتي بفررح كتير و الله يحفظها و حتى إنت الله يوفقك يارب ف دراستك و تكوني مرضية ام و ابالعضوة: 584648 , 6 years ago
@user-261684 لااا ما فيها اشي علاقتنا .. الحمدلله بس ما عم حس حالي مرضية بروح من المدرسة من ال ٨ لل ٤ برجع بنام وبدرس وما بعاونا غير بالغدا 💔💔 وعم حسها عم تتعب كتير وماعم أعرف شو أعمل لأرضيها😞العضوة: 584648 , 6 years ago
@user-534680 خالة يسسسلمو كتير 🥺❤❤❤ انا عمري ١٦ السنة .. بس مو عارفة .. وهلق علي امتحانات وحاسة ما عم اتوفق لانو امي ما عم اعملها شي لترضى علي ☹💔العضوة: 552831 , 6 years ago
اتكلمي معها وقولي لها إنك حابه تكوني مرضية وتتمني تكوني مرضية .. لا تخلي هالكلام بقلبك وسمعي منها مباشرة 🌸❤️العضوة: 261684 , 6 years ago
@user-584648 مثل ما قالت الاخت الكريمه تكلمي مع امك و سمعي رضاها عنك منها و إن شاء الله ربي يسعدك 🥰🥰