بنات شاركونا بعض اللحظات المضحكة لي مرت معكن اثناء الولادة القيصرية بالذات. مشان مانفكر بالوجع وبنفس الوقت نشجع المقبلات على القيصرية ما يخافو. أنا عن نفسي بحكيلكن بعض المواقف الطريفة لي حصلت معي. أولا تدرون لما دخلوني أخلع ملابسي و دوني قطعة القماشة المفتوحة من الظهر ظليت بسأل القابلة باستغراب هلأ انا بدي ألبس هاي بس؟ قالت لي اه. قلت لها بس انا جايبة معي هلفستان شوفي ماراح يعيق الولادة و كمان هدول الجوارب الطوال طب سيبيلي الجوارب وهي تضحك وتقلي لااا ياحبيبتي مارح تحتاجي اخلعي كلش 😁 وبعد الولادة ماتمت اخدت بس ملابس البيبي من الشنطة و انا عم قلها يا دكتورة طب وأنا مش هتودوني ألبس ملابسي لي بالشنطة فظلت تضحك وتقلي انسي انتي رح ظلك هليلة بلباس العملية لحين الصبح بجي البسك. اجتني خيبة أمل عشان كنت متخيلة اني رح اخرج من غرفة العمليات زي العروسة بس ليكني خرجت زي الميت مكفنيني وسط اغطية زي السندويشة 😂😂 كمان بعد العملية كان مفعول البنج لسة ساري ومن آثارو انو بيعمل رجفة بالجهة العلوية من الجسم فظليت أرررجف من ايديا وصدري كأنهم واضعيني على وضع الاهتزاز والسرير بيجي و يروح بيجي ويروح لما أتكلم يا عيني عليا و أنا بتكلم 😆 وأنا بالعمليات بسأل القابلة يا اختي هلأ لما يحطولي بنج مارح حس بأي شي صح ؟ وهي تقول لي صح فأقلها طب كثرولي البنج الله يخليكم. طب وبعد العملية رح حس بألم؟ تقولي بعد مامفعول البنج يروح رح تحسين بألم شوي. فأقلها طب اذا جاني الالم ممكن تحطولي بنج كمان 😂 صرت ادخل واخرج بالحكي زي المجنونة و كنت حرييصة ما أفكر بأفكار سلبية لا اثناء العملية ولابعدها مشان هيك دخلت جوالي معي للعمليات - شغل الأجانب يعني عاملة حالي ولا عبالي 😎 و طلبت من القابلة تصورلي أول لقطة لخروج ابني لهاد العالم. وفعلا ماقصرت المسكينة وصورت لي احلى صورة.