علاج المغص الطبيعي:😁👇1- مغطس الماء الساخن لمدة خمس دقائق أو أكثر، حاولوا تخلوا الطفل يحرك رجليه بالمي حتى تطلع الغازات, ضغط المي وحرارتها حتساعد الطفل يتخلص من الغازات العالقة. 2- أثناء #الرضاعة سواء طبيعي او صناعي رأس الطفل أعلى من جسمه للتقليل من دخول الهواء اللي بسبب الغازات. 3- التجشؤ هي خطوة مهمة جداً للمغص4- تحريك جسم الطفل كل فترة لأنه بتحرك جسمه بتتحرك الغازات وبتطلع. 👶5- أكل الأم في حال #الرضاعة_الطبيعية، الصراحة قرأت دراسات كتير مختلفة بشأن تاثير أكل الأم على الطفل، بس من تجربتي بخبركم أنها جداً بتأثر، مرة أكلت برغل وقضينا ليلة كتير سعيدة أنا و كنز 😂6- في حال الرضاعة الصناعية 🍼 كتير مهم ننتبه نقيم الببرونة عن فم الطفل عند انتهاء الحليب مباشرة حتى ما يرضع هوا.7- ممكن يكون الطفل نايم وتلاقوا رجليه عم يتحركوا بسبب المغص، بس حطوا إيدكم على بطنه واضغطوا شوي ح يرتاح أو فيكم تعملوا مساج المغص وهو نايم.8- النوم على البطن بيساعد الطفل يرتاح لكن وضعيه النوم على البطن خطيرة (خوفاً من اختناق الطفل بالاستفراغ) لذلك وقت ينام على بطنه مهم جداً البقاء بجانبه.9- لف الطفل بالحرام (بشكل خفيف) ممكن جداً يساعد على تخفيف المغص. أنا بسميها لفة اليبرق (ورق العنب) 😁10- المساج 💆 : خطوة هامة لمساعدة الطفل أثناء المغص أو الغازات. حصور فيديو لطريقة المساج واكتب منشور تفصيلي للطريقة. إحدى الدراسات اللي قرأتها قالت أنه الطفل لا يعرف كيفية إخراج الغازات أو البراز هو يفكر أنها عملية معقدة وصعبة جداً، لهيك منلاقي الطفل عم يبذل جهد كبير جداً أثناء إخراج الغازات أو البراز، وح يستمر بالتمرن وتلاحظو تطور قدرته يوم بعد يوم 💪💪بالبداية كنت أبكي وقت شوف كنز عم تتألم بس حاولت ركز على الجانب الإيجابي وفكر أنه بهالطريقة كنز عم تكبر وجهازها الهضمي عم ينمو 😍.فترة صعبة على الطفل وعلى الأهل لكنها فترة لابد منها لهيك استمتعوا لأنه هي الأيام ح تتحول لذكريات حلوة 💜 مع بداية الشهر الثالث رح يخف المغص جداً. الكمون ممنوع 🚫 اليانسون ممنوع 🚫 ماء الزهر ممنوع 🚫 طبياً أغلب الدراسات رفضتهم ولحد اليوم آثارهم مجهولة، إذا الطفل ارتاح بعد شرب الكمون هذا لا يعني أنه الكمون مفيد لأنه في كتير شغلات مضرة بس مريحة 😱.كنز اليوم عمرها 4 شهور والمغص اختفى بنسبة 75% الحمد لله قدرتها على إخراج الغازات صارت ممتازة 💪