مساء الخير كيفكم وش اخباركم ؟؟ الله يتمم لكم جميعا ع خيرررر ويسهل عليكم كلكم ..🍃 بدخل بالموضوع ع طول دايم اشوف ناس يسألون بالبرنامج هذا او الانستقرام او اي مكان عن ابرة الظهر .. من باب الخوف ومن باب الاطمئنان لكن فيه فئه تسب هالابره وهالاختراع بشكل عجيب اللي تقول تجيب دسك واللي تقول تجيب شلل واللي تقول قريبتها تقول ماقدرت امشي بعدها وووكثير من الاقوال المشكوك فيها ؟؟ السؤال هو وش الحكمه من انتقاد الابره ؟؟ ليش يعني غصب الوحده تقنع الثانيه انها خطر وتحيب الامراض وتتسبب كل شي ؟؟ لازم تقرون عنها وتسالون دكاترتكم عنها اذا قالت لك ماانصحك فيها فهذا يدل على انها ماتناسب وضعك انتي اما لارتفاع ضغط الدم او بسبب الام من اول بالظهر اووو اي شي يجيب لك مضاعفات بعدها ، بس مافيه دكتوره تسب الابره من الباب للطاقه في النهايه الدكتوره مستفيده لو اخذتي الابره سواء ماديا او راحه لها وهي تولدك .. اصلا يستخدمون هالابره لعمليات البواسير والخّراجات اللي تصير في الجزء السفلي مو بس للولاده ! 🧐 يعني لها استخدامات ماجابوها مخصوص للولاده ولا بيدخلون شي المستشفى وهو يضر الناس ، والعلم تطور وهذي نعمممه من رب العالمين ان فيه شي يخفف اصعب الم بالحياة . علشان كذا كل اللي حابه تعرف عن ابرة الظهر تسال دكتورتها وتقرا عن ابرة الظهر اما يقولون وقالت وانا جربت وجابت لي كذا وكذا لا مايصير .. لان كل وحده تختلف عن الثانيه 🌸🍃