لوًسمحتو اناًاول مرة ماما ... و صرت مشالله بالاسبوع 35 اخرو ... و تحملوني شوي بالعادة حركة البيبي اخر فترة كانت شديدة جدا جدا جدا بدرجة انها توجعني و احس بطني متورم من الداخل ... امس كانت حركتها مش طبيعية مشالله بس رفص رفص ر تخبيط عنييف جدا جدا ما هديت و زادت بالليل زي المصارعة ضعف باقي الايام و انا موجوعة ... فجاة اليوم الظهر ما تحركت مع انها بالعادة بتصحيني بالتخبيط .. و بالعصر اكلت يادوووب حركتها بسيطة بتضرب مرات بينعدو علاصابع و بتهدا .. و بالمعرب صرت اتحركش فيها .. و ضربت ضربتين ثلاثة يدوب .. فانا مش عارفة حاسة بتانيب الضمير عشان كنت احكي عن حركتها كتيرة و فجاة خفت بدل 500 خبطة باليوم يادوب 20 مرة بالكتير اليوم .. معقول انها مشالله بيوم و ليله كبرت ؟ ولا حست انها بتوجعني ؟ ولا تعبت من كتر التخبيطً؟ خفت يكون الحبل السري لافف عرقبتها بس زوجي بيحكيلي كان حسيتي و كان البيبي ما تحركت ابدا ... انا اسفة طولت بس ريحولي بالي .. موعد الدكتورة لسه بعد العيد