هلاو بنات شونكم نحجي شويه عن موضوع الموت اليوم هذا الموضوع جدا هام اني ما حتعمق بيه هوايه لان اريد في يوم يكون البوستات دتوصل وبالتالي تشوفوه وتفهموه اكثر الموت حق علينا كلنا ويمكن هوا الحقيقه الوحيده بحياتنه نجي لنقطه مهمه جدا اكو ناس وخاصه احنه حاليا بهالوقت والزمان يعيشون ويفكرون بيه مثلا تشوفيه سوداوي ويحجي هوايه بيه او يجوز ميحجي بيه بداخله يفكر بيه او صار عنده فد شي راسخ بدماغه بالتالي جذبه اله كل متوقع آت مثلا اكو اشخاص يطلعون بسفره يظلون يفكرون حيصير حادث حيصير حادث حيصير حادث وبالفعل يصير او يحجون او يكون خوف داخلي طبعا يجذبوه الهم هنا رح اوضح شغله الموت الموت موجود احتمال لكلنا لكن دماغنا العقل الباطن هوا اللي يسحبه وهوا اللي ميسحبه حتى المرض اكو ناس تظل تفكر حتتمرض حتتاذه حتموت وبالفعل يصير نجي لنقطه ثانيه حابه اوضحها احيانا تصير نكبه مثلا نكبه جماعيه حادثه جماعيه والكل تموت مثلا باخره معينه او فد قريه معينه تتعرض لقصف او حرب ويموتون كلهم ومن بينهم اطفال زين حتسالوني ليش الاطفال وهمه بعدهم صغار رح اجاوبكم الاهل ياثرون علحقول الطاقيه لاطفالهم من تظلين تفكرين بداخلج بالموت وتخافين على ابنج تتخيليه لا سمح الله مريض او حتفقديه حتاثرين عليه حتجيبله الموت لا اراديا سواء الاب او الام حتى وان تمرض الطفل لازم الاهل يكونون باقصى درجات اليقين انو حيطيب حتى يطيب نرجع للحوادث الموت الجماعي المهم فيكون هالفئه من الناس يفكرون داخليا بالموت يحجون بيه او لا بالتالي ينجمعون بوقت واحد بساعه وحده بمكان ما ويصير قدر الله حتجي وحده تكولي لا قدر الله ومكتوب مليون بالميه صحيح بس الحياه هم قدر الله ومكتوبه لذلك تشوف ناس مثلا بعز هاي كلها ويطلع فد ناجي او مريض بمرض خطير وينجو ليش لان عنده ثقه وايمان قوي حيعيش فينجيه الله ويكتبله قدره الجديد الحياه لذلك الانسان هوا يختار حياته لذلك لازم النفس تتدرب ويكون الها من انبياء الله النبي ابراهيم نجاه الله من النار من يقينه و النبي يونس نجاه من بطن الحَوت من يقينه التام وايمانه التام الزبده لو شفتو النار كبالكم خلو ثقتكم بالله وايمان قوي انو حتطلعون منها وصدقا حتطلعون واللي عندها اولاد دائما تتفائلهم بالخير مهما كانت الوضع و الظروف الحزن يولد قلق يولد كابه يولد مشاعر سلبيه يولد احباط يولد ياس واليأس كفر ويولد موت لا سمح الله والانسان مخير لا مسير هوا يختار حياته كلامي ايضا موجه لمرضى السرطان او الامراض الخطيره كلما امنتو حتعيشون تعيشون ابعده الله عنا وعنكم ويكتبلنا حسن الخاتمه ان شا الله والموضوع اله تكمله مستقبليا حتى تفهموه اكثر