انا بكرية وولدت طبيعي الحمدلله بتاريخ ١/٢٥ ما اخدت ابرة الظهر يمكن متلي متلكم ما كنت بعرف شو الولادة وشو وجع الطلق وايمتا اروح للمستشفى وتعلمت كتير امور كنت غافلة عنها اول شي من لما تدخلي الشهر السابع حاولي امشي يومي واعملي قرفصاء واطلعي وانزلي درج لانه كتير بساعد عالولادة وبوسع الحوض لما يجيكي الطلق وهو عبارة عن وجع دورة وببلش بالاول باسفل البطن وبعدها وجع بطن مع وجع ظهر مع بعض كيف بدك تعرفي انه هاد طلق حقيقي مو كاذب خدي حمام سخن او اشربي ميرمية او قرفة ازا ما خف معناته طلق مو كاذب لما تجيكي طلقة اعملي قرفصاء وخدي نفس من انفك وطلعيه من تمك احسبي الوقت بين الطلقات وازا قل الوقت بين طلقة وطلقة روحي للمستشفى المشكلة اللي عانيت منها بالمستشفى انه ممنوع تمشي بضلك نايمة عالتخت وهاد اللي بوجع اكتر بالنسبة الي الطلق هو الموجع مو الولادة لما تجي ساعة الولادة ع خير وتحكيلك الدكتورة بوش اعملي بوش كانك بتخرجي بعد الولادة راح يطلبوا منك تتبولي اعملي مغطس بمي سخنة يومي لانه بخفف من وجع القطب بعد الولادة راح تواجهي صعوبة بالاخراج حاولي تاخدي ملينات واكلك كله سوائل وما تكتري من اكل شوربة الفريكة لانه بتنفخ وما تشربي عصير برتقال استخدمي ميبو للقطب واطلبي من الدكتورة توصفلك مضاد ومسكن وضلك مستمرة عالفيتامينات اللي وصفتها الك اثناء الحمل الله يهونها ع كل حامل وتولدوا بالسلامة وان شالله اني افدتكم