#نصائح_هامه_لكل_الحوامل_على_الماشى محدش قال أن الحامل ليها أكل معين 🤔 بس هي شوية نصايح حاولي تخدي بيها 🤗 1- حاولي تكتري من أكل الفيتامينات .. يعني خيارة 🥒 على جزراية 🥕 على شوية فواكهه كده 🍇 2- اهتمي بالمكملات الغذائية زي حمض الفوليك والحديد و اومجا 3 و الكالسيوم . 3- الكالسيوم ثم الكالسيوم ثم الكالسيوم .. لو الجنين ملقاش عنصر الكالسيوم متوفر بكثرة هيسحبه من عظامك .. فعندك حل من اتنين يا تشربي كيلو لبن يوميا 🥛 .. يا إما تحضري العكاز اللي هتمشي عليه ♿️ 4- كتري من شرب الماية والعصائر الفريش 5- مش غلط انك تشربي نسكافيه أو قهوه أو شاي ☕️.. ليكي كوباية في اليوم .. الغلط في المبالغة لأنها بتزود نبض الجنين 6- القرفة مش غلط ومش هتسقط الجنين .. الغلط هي القرفة اللي في عقاقير أو الزيوت الأولية لأن تركيزها بيكون عالي .. بس إحتياطي بنقول متكتريش منها 🙃 7- بلاش الرنجة والفسيخ والمخللات والموالح بشكل أوفر 🧂 .. علشان صحتك انتي قبل صحة الجنين 8- التمر والبلح بينشطو الرحم وبيساعدوا على توسيع فتحة الرحم .. فحاولي تقللي منه في أول 3 شهور .. وكتري منه في الشهر التاسع لو ناوية تولدي طبيعي بدون ألم 😉 9- البسطرمة واللانشون والببروني والبيف وهوت دوج والبرجر والحاجات اللي طعمها حلو أوي بس بتتاكل نية .. ممكن تعمليها سندوتشات وتديها لحد تاني ياكلها ويحكيلك على طعمها 🤭 10- الكبدة مش مضرة للحامل .. بس سويها كويس ع النار .. وشوحيها بالبصل والفلفل الألوان علشان بيبقى طعمها أجمل 😍 11- أي حاجة مكتوب عليها (خالي من المواد الحافظة 🚫 ) تقللي منها .. لأنها فيها مواد حافظة وبيضحكو علينا .. زي الشيبسي والبيبسي والعصائر المعلبة والتونة وهكذا 12- متحاوليش تعملي رجيم إثناء الحمل اتغذي بالمعقول علشان انتي بـ اثنين ✌️ 13- وبلاش تكتري من الدهون 🍟 والسكريات 🍰 .. وأوعي تاكلي كتير فجسمك يزيد أوي .. عشان جوزك ميبصش بره كلي ودلعي نفسك .. انتي حامل عادي مش محكوم عليكي بالإعدام ربنا قال للسيدة مريم ( فَكُلِي وَاشْرَبِي وَقَرِّي عَيْنًا ) 😎