السلام عليكم بنات اول شيء بقول لكم ان البنت اذا اجهضت تقدر تحمل مرة ثانية يعني شيء طبيعي وفي احتمال انها تحمل ويكون حملها ثابت بس لا تتسرعين يعني بعد الاجهاض لازم تجيك الدورة ٣ مرات على الاقل يعني بعد ثلاث شهور تخططين للحمل لازم الرحم يقوى ويكون جاهز للحمل في الاشهر الثلاثه الاولى الي بعد الاجهاض اذا حابة يكون في جماع بينك وبين زوجك يفضل استخدام الواقي الذكري اذا تحسينه شيء مزعج وماترتاحين بالواقي الذكري استخدمي حبوب منع الحمل لثلاث الاشهر الاولى بس بعدها اذا جتك الدورة للمرة الثالثة ف تاريخ 14 و 15 و16 كثروا جماع يعني عل اقل في اليوم مرتين يكون افضل لان بعد الدورة ف تاريخ 14و 15و16 تكون هالايام هي ايام الاباضه يعني في احتمال حدوث حمل باذن الله وبعد الجماع لا تغسلين على طول حطي مخده تحت رجولك وارفعيهم لفوق ل 30 دقيقه او الافضل لساعه وبعدين عادي امسحي بمناديل ونامي واليوم الثاني اذا صحيتي تغسلين و بعد اسبوع سوي اختبار حمل او اذا حابة تسوين فحص دم عشان تعرفين اذا حامل اولا براحتك هذا اختيارك واذا عرفتي انك حامل الافضل تروحين المستشفى بسرعه عشان تشوفين بالسونار اذا الجنين مبين او لا الاسابيع الاولى الي هي من الاسبوع الاول لين الاسبوع الخامس اذا مابين الجنين لا تخافين يعني يمكن يكون صغير او حمل ضعيف اما الاسبوع السابع او الثامن اذا مابين الجنين داخل كيس الحمل يعني يمكن بتجهضين وانشاءالله ربي يرزق الجميع والي عندها اجهاض متكرر الافضل ياقلبي تنتظرين لين 6 اشهر بعدين خططي للحمل ادري بتقولين يوه كثير بس الايام بتروح بسرعه وعادي اهم شيء صحتك ولازم رحمك يكون مستعد للحمل اذا اجهضتي وبعد اسبوعين او ثلاثة كان بينكم جماع في احتمال انك تحملين بس حمل غير سليم وحمل غير ثابت يعني بتجهضين المرة الثانيه عشان كذا زي ماقلت لكم الافضل يكون جماع بعد 3اشهر والي عندها اجهاض متكرر الافضل بعد 6 اشهر انا يابنات عندي اجهاض متكرر وانا بكرية ولسا صغيرة عمري 17 ومتزوجه واجهضت 3 مرات حالي حالكم بالبداية مااعرف شيء ولا كنت فاهمه شيء بس مع الاجهاض الي تكرر عندي كنت دايما اروح واجي من مستشفى ل مستشفى ومايكمل على حملي الا 5 اسابيع وبعدها اجهض يقولون الجنين مو مبين والجنين لسا صغير ومايكبر احتمال تجهضين قالو لي انتظري 3 شهور بعدين اكثر جماع ونفس الكلام الي قلته فوق بس انا ماسمعت كلامهم وقلت عادي وكذا وزوجي نفسي قالي عادي مو اي شيء يقولونه صح وكذا وبعد ما انتهيت من الدورة الاولى على طول كثرنا جماع وحملت وبعد خمسه اسابيع اجهضت وبعد اربعه شهور حملت واجهضت وعرفت اني حامل قبل شهر واليوم اجهضت تخيلو باقي ماصار لي سنه متزوجه لسا تسعه شهور متزوجة وخلال التسعه شهور اجهضت 3 مرات يعني احس اني تعبت جسمي وفكل مرة احس بآلام وتعب وابكي واصبر والحين قالي الدكتور اذا تبين طفل سليم وبدون ماتجهضين لازم تريحين جسمك وتخططين للحمل بعد 6 شهور واذا بعد تحسين ان عندك خلل في المشيمه او الهرمونات او الدم سوي فحص دم انتي وزوجك وشوفو اذا عندكم مرض يمنعكم من الحمل او شيء قلت انشاءالله والحين لاني خايفه عليكم وماابي يصير لكم مثل ماصار لي واعتبركم مثل خواتي عشان كذا حبيت افضفض لكم واطلع لكم الي بقلبي وافيدكم اتمنى تعلمتو شيء جديد ماكنتو تعرفوه من قبل والي تعرف هالمعلومات اشكرها على القراءة وشكرا لكم بنات وربي يعوض كل وحدة ويرزق كل وحده ويسهل اموركم والي حاليا حامل ربي يسهل لها ولادتها وادعولي معاكم صح اني صغيرة بس لان اهلي زوجوني احس الحين عندي مسؤليه كبيرة والحين نفسي في عيال انا وزوجي عشان نصير عائلة ونكون اسرة وادعولي معاكم .❤💘💫 .