لما تلاقي شريك حياتك دايما بيكرر شكوي معينة أثناء خناقاتك معاه ... والشكوي دي ملهاش علاقة بموضوع الخناقة أساسا .. إعرف إنه موجوع قوي من الحاجة دي. والخناقة كانت فرصة للتعبير عن مشاعره. يعني لما تلاقي مراتك كل ما تتخانق معاها تقولك ( أصلك طول اليوم في الشغل وسايبني لوحدي) ... إعرف إنها موجوعة من إنشغالك عنها.. أو لما تلاقي جوزك كل ما يزعق معاكي يقولك ( ما إنتي يا هانم من يوم ما خلفتي وانتي مش شايفة غير عيالك) .. إعرفي إنه موجوع من إهمالك ليه. مش كل اللي بيتقال في الخناقات كلام ساعة غضب... أحيانا بيكون الكلام رسايل لازم تفهمها. #دفا_البيوت #محمد_فتحي