السلام عليكم ورحمة الله 🌸👋🏼 امهات المستقبل هذا النظام بالتفصيل استخدمته في ولاداتي والحمدلله فادني كثير وحبيت انقله لكم تستفيدون منه خلال فتره الاربعين . اولا ظهرك وجسمك💅🏼 اعتمدي على الراحة وابعدي عن الجلوس الكثير والارهاق النوم مهم اغلي زيت سمسم مع زنجبيل وادهني بطنك من الاسفل للاعلى وظهرك والبسي مشد وقبل النوم افصخية. الرضاعه الطبيعية مهمه ترفع الرحم وتشده تمارين كيجل مع شفط البطن ممتازه الاكل مهم ابعدي عن الجوع وقسمي الوجبات الغذاء🥛🥗 اول عشرين يوم على الريق ⚠️ على الريق كوب حليب محلى بعسل اصلي وتحطين عليه (حلبه ، فلفل اسود ، زنجبيل) وتاكلين معه تمر معجون بسمن وحبه سوداء العشرين الاخيرة على الريق ⚠️ نفس كوب الحليب ولكن التمر تضيفين عليه حب رشاد عشان ينظف الرحم اذا حليبك قليل لا تكثرين حب رشاد لكن اذا ما عندك مشاكل عادي . العشرين الاولى والاخيرة الاكل ⛔️ اكلك يكون صحي ويكون مليان الياف وخضار مثلا شوربه ، مرق ، خبز اسمر ، ايدامات ، سلطات ..الخ ابعدي كل البعد عن : الدهون ، الرز والنشويات ، الحمضيات لانها تنشف الدم وتأخر عليك الطهر ، الاشياء الرخوه لانها راح تسبب لك افرازات مثل الملوخيه والجح . لا تجوعين حطي عندك عصيرات معمول شابورة توست وكلها بر . الاكل وش اضيف عليه ؟؟؟✅ حطي عندك علبه فيها (فلفل اسود ، كمون ، حلبة ، زنجبيل) وحطي منها بالملعقه على صحنك عشان تستفيدين من الاكل . طبعا طوال مده النفاس هذي بهاراتك. شاي بعد الاكل المشروبات ☕️ بعد الوجبات بساعه يعني ٣ مرات باليوم نوعي المشروبات مثلا دله قشر تغلينها وتحطينها في الزمزميه وعليها (قرفه ، يانسون ، شمر ) او دلة شعير محموس وتغلينها وتحطينها في الزمزميه وعليها (زنجبيل ، يانسون ) او تعاملي بالاكواب مثلا كوب زنجبيل وكمون وكركم كوب قرفه وكمون وزنجبيل كوب يانسون وكمون وكركم واي اعشاب ممكن تخفف عنك الالم وتشد بطنك وتوخر المغص اضيفيها 👌🏼 اهم شي لا تزيد عن ٣ اشياء مع بعض ما احب كثر الحوسة وتعدد الاعشاب رأي شخصي يتبع🏃🏻‍♀️