السلام عليكم ورحمة الله وبركاته اتمنى انكم جميعا يااخواتي بخير وسلامه سبق وكتبت موضوعي السابق وكنت بحاجة لنصائح لتسريع عملية الولادة بما إني كنت سابقا بمنتصف التاسع .. والآن انتهت مسيرتي بالحمل بمحاسنها ومساوئها .. والحمدلله على كل حال .. بحكي لكم ياعزيزاتي بالتفصيل عشان الكل يستفيد من تجربتي .. ☺ ويالله نبتدأ ع بركة الله .. وخبركم من اول حملي لنهايته كان صعب جدا مغاير عن حملي السابق فكان وحمي شديد لدرجة يوميا استفراغ وستمر معي الوحام لنهاية التاسع وكان وزني جدا نازل بعكس حملي السابق تماما .. وكنت مستمرة ع حبوب المعدة صرفتها لي دكتورتي ومااقدر آكل واستمتع الا لابد آكلها .. وطول فترة حملي تعب وألم بظهر .. ولما وصلت لتاسع بديت اشد الهمّة بكل انواعة لاني متفاءلة تكون ولادتي طبيعي لان السابقة قيصري .. وبدأت برياضة مشي وسكواتس واشرب اعشاب .. اللي هي كالتالي .. شاي التوت يوميا كاس .. وكمان كنت اشرب خلطة وهي عبارة عن مغلي( شمر او تسمى حبة حلوة +ويانسون+ وحلبة+محلب+ كمون+نينخه+حبة سوداء) كنت اغليهم ماعدا الحبة السوداء ومحلب ماكان متواجد عندي .. واشرب يوميا كاس .. وكنت اشرب عصير البقدونس .. وآكل اناناس طاااازج .. وآكل تمر بطالع ونازل .. واشرب ماء زمزم واشرب حليب بالعسل والقرفة .. وبعد كل هذا قرب موعد التنويم ورحت وانا بقمة الرعب والافكار والوساويس ومع ذلك قلت بنفسي ربي توكلت عليك يارب وجلست اكثر من الدعاء لان وقتها احتاج نفسيتي تهدأ من الخوف والارتباك ..😔 ولما لبست ملابس التنويم وكان وقتها ع الساعة 11 ونص بالليل .. وطول الليل قلق مانمت كويس ابدا ولما جاء وقت الصباح جاء الدكتور وحط لي تحميلة الطلق وياجماعة بالبداية مافي ألم خفيف لكن بدا يقوى .. وكشفوا علي وصار الرحم مفتوح سانتي واحد فقط وبرضوا خلوني كم ساعة وكشفوا علي وباقي سانتي واحد وسوت لي القابلة تحفيز ووسعت شوي وكل شوي يقوى الطلق وكنت احس اني اتقطع من الالم ولما كشفت علي صار 3 سانتي وبعدها ودوني ع كشك الولادة وزاد الطلق بعدما حطوا لي تحميلة 2 وقتها خلاص بديت اتجنن من ألم الطلق لدرجة ماعدت اتحمل وطلبت ابرة ظهر ولما حطوها لي نسيت كل اوجاعي .. لكن الرحم باقي بطيئ مافتح بسرعه جلست 5 ساعات وانا اطلق ماابغى اتذكر هاللحظات لانها جدا كانت مؤلمة وتبكي .. ولما فتح الرحم 10 سانتي شاء القدر إن راس الطفل يكون بالنص لاهو نازل ولاصاعد مع ان وزنه وكله صغير 2 كيلو بس أمر ربي وقدره .. وفوق هذا كله ماعرفت أدفع ابدااا حاولوا فيني للاسف لكن ماعرفت .. وزاد الطين بله إني نزفت وتوقف نبض الجنين وتحولت ع القيصري مباشرة وقتها تضايقت جدا لأني كنت ابي طبيعي وسويت كل شي يعني صدمة لي لكن سبحان الله انت تريد وألله يريد والله يفعل مايريد ورضيت بقدر ربي وحكمته .. ولما سويت القيصري وصحيت من التخدير الكلي كنت مرة منهكة وفيني كمية تعب وارهاق شديد وكنت نايمة كثير لدرجة تقولي الممرضة انتي نمتي كثير .. ماألوم نفسي من قوة التعب والألم الله المستعان .. وطلبت مني الممرضة اني اتحمم وتحرك وكنت طول الوقت اشم مرة منقعة بالموية وشرب شوي فقط عشان الشمم مع اني قبل ماتنومت استحميت وتعطرت تماما تجنبا لشمم .. وهالشي يفيد لأن كل الممرضات والزوار عطورهم قوية وتضر جروح الوالدة سواء قيصري او طبيعي ... وكانت العملية خياطة داخلية ومن برا كلبس .. وطول ماكنت متنومة يعطوني ابر الجلطات بالفخذ .. وحبوب الهواء تجنبا للغازات .. وقالوا لي أمشي وشديت ع نفسي مع اني مو قادرة اصلب طولي وألم الجرح مرة مؤلم لكن حاولت وتصبرت ومشيت لأن جدا يريح وخاصة تطلع منك الغازات لأن بطني كان مثل الطبلة من قوة الهواء اللي فية .. بعد يوم ونص خرجوني من المستشفى ورحت ع البيت .. ويا ألله ع التعب لأن الغازات مرة تعبتني وألم بالجرح والظهر وستمريت ع المسكن بس الله يعظم اجر الامهات جد الواحد مايحس بقدر الأم ومكانتها الا بعد مايمر بتجربة الولادة سواء طبيعي او قيصري وبكل معاني الالم وتعب اللي يمر علينا بالحمل وبأدق تفاصيله 😔💔 طبعا بما إني نزفت بالولادة وماكنت استخدم بفترة حملي حبوب الحديد بسبب وحمي ومعدتي صار عندي نقص شديد وضطر يوم بعد يوم اروح المستشفى وآخذ حديد بالوريد .. والله تعب عروق يدي منتفخة لكن الله مع الصابرين 😔 وقد مااقدر اعوضه بالاكل والخضىروات ومنها الجرجير .. الكبدة .. ...الخ .. يعني اي شي يرفع معدل الحديد آكله .. ومن ناحية الكآبة مابعد الولادة جتني ماانكر يوميا ابكي ومرات اقاوم وقرا ع نفسي ودعي واحاول اشتت افكاري بأي شي وربي يعين 😔 ويوميا اضرب نفسي أبر الجلطات صرفوها لي لمدة اسبوعين بالبداية ماكنت اعرف اخلي زوجي يسوي لي لكن مرات مايكون عندي وضطريت اتعلم واتحمل ألم الابرة وباللي فيها لان المادة حارة شوي 😢 وبالنسبة لتغذية نفاس القيصري .. جدا بسيط .. يعني تبتعدين تماما عن الخبز الابيض ومنتجات الحليب والالبان لمدة اسبوع او اسبوعين ع حسب اختلاف كل حرمه لان البعض مايضرهم والبعض لا العكس يزيد عندهم تقلصات البطن والغازات .. انا عن نفسي لي الآن اسبوع مااكلت اي منتج حليب او لبن ومشتقاته .. يعني احتاج يمر عشر ايام او 15 يوم ثم ابدا اشرب حليب .. وبالنسبة للفطور تاكلي خبز بر او بان كيك بر محلاه بعسل طبيعي وسمن بلدي او محلى وطريقته كالتالي// تمر معبوط ينحط في قدر صغير ويضاف عليه الماء ويقلب لحد مايذوب تماما ثم يضاف عليه السمن مقدار ملعقة وملعقة حبة بركة ويانسون وشمر مطحون وثم يضاف عليه تدريجيا دقيق بر لحد مايكون خليط ناعم متماسك وهالخليط احفظية بثلاجة متى ماحسيتي بجوع خذي كمية وسخنية شوي بالمايكرويف وكليه .. ومشروب قشر القهوة تغلية مع زنجبيل وهذا المشروب ضروري باليوم تشربي منه اكثر من كوب راح يزيل الكرش والانتفاخ والغازات من البطن .. وكذلك مشروب *الطبيخه* اللي يشد الرحم وينظفه ويطلع الهواا ويضيق المهبل وهي كالتالي فنجال كل من (يانسون + كمون+ نينخه +حلبة+ ماش + حبة البركة + شمر + قرفة ) البعض يطحنه والبعض لا .. عن نفسي انا اخذت من كل صنف فنجال وطحنته وحطيته بعلبة ويوميا تاخذي ملعقة كبيرة وتحطينه ع مااء مغلي بس يقلب شوي 5دقايق ثم طفي النار وصفية وشربي كاس منه او ضيفي ملعقة في كاس حليب دافي وشربيه.. وطعمه عموما مقبول واذا حابة حطي سكر شوي ... والغدا عصيدة او ثريد او مرقوق وكله بالدقيق البر او خبز البر ويطبخ مع لحم ومضاف علية الحلب .. والعشاء شوربة دجاج مضاف عليه الحلب وسلطة مافيها حوامض .. واذا حسيتي بجوع كلي شابورة بر او بان كيك بر .. طريقتها كوب دقيق بر رشة ملح رشة سكر ويمكن الاستغناء عنه ورشة حبة بركة ورشة قرفة مطحونة ويخلط مع الماء وشوية سمنه ملعقة صغيرة .. وتسخني التاوه وتسوي لك كذا حبة ولما تخلصي الكمية حطي عليها عسل اصلي وسمنه شوي وكليها وشربي معها قشر قهوة او حليب اذا ماتعاني منه .. المهم الجوع ممنوع .. وحاولي دائما تدفي المنطقة اللي تحت تلبسي بنطلون وشرابات .. تجنبي المكيف البارد خلي برودته معتدله .. الشور بما اني فكيت الكلبس حطت لي لصق وبخاخ وبعد يومين راح اشيلهم وقالت اذا اوكي اتروشي وعادي لو جاء علية صابون .. لكن اذا مفتوح شوي لاتتروشي ورجعي عقمية بالمسحة الطبية ثم بخي علية بخاخ الشمع الي يصرفونه المستشفيات ثم حطي لصقات عليه وبعد يومين فكي وشوفي اذا تمام الحمدلله .. واذا فية صديد او دم لازم ترجعي للمستشفى .. بالنسبة للعطور نهائي لاتقربي منه .. سواء مسك او غيرة .. فقط شمي مرره وشربي شوي منها اذا جاك زوار .. والمرره مفيدة تخيط الجروح من داخل وتمنع الشمم والالتهابات ان شاءالله .. واخيرااااا......💌 هذا يااخواتي العزيزات مجمل اللي حابة اطرحه عليكم للفايدة جميعا .. 😊✋🌷 وتمنى يفيدكم وطامعة بدعواتكم لي ولوالديني وربي يكتب اجري واجركم ويسهل امر كل حامل ويتمم عليها بخير وسلامه واللي ماحملت ربي يرزقها الذرية الصالحه عاجلا غير آجل ولايجعلها فرد وهو خير الوارثين .. وأي اسئلة او استفسار انا حااااااضرة .. استودعتكم ربي ☺✋💓💓