9 years ago
  • المرحلة الثالثة (الأشهر 9,8,7)
لكل بنت لسا في بيت أبوها أرجوووووكي استمتعي على قد ما بتقدري ... ١- نامي كتيييير و لما تقومي ارتاحي شوي و بعدين كملي نوم .. اختمي ١٢ساعة نوم وإذا حدا صحاكي من النوم ارجعي عيدي من الأول .. بكرة لما تتجوزي و يصير عندك ولاد مارح تعرفي ترمشي مو بس تنامي رح تتحولي لزومبي عايش بالبيت ( أغنية الست دي أمي أصلها الست دي زومبي سهرانة طول عمرها ) ٢-اي شي بيوجعك اركضي لعند الدكتور و اطمني على حالك ولا تهملي حالك استمتعي بنعمة انك قادرة تحددي للدكتور مكان الوجع .. بعد ما تتجوزي و يصير عندك ولاد مارح تقدري تحددي الوجع جاي منين بالضبط لأن كل شقفة بجسمك بتكون عاملة مع التانية سيمفونية أوجاع ٣- قد ما فيكي احكي مع صاحباتك و زوريهم و بعد الزيارة ارجعوا احكوا مع بعض .. لأنه بعد ما تتجوزي و يصير عندك ولاد رح تنسي شكل صاحبتك و لما تفكري تحكي تلفون رح يكون نص الحديث معها والنص التاني ( فوت غسل ايديك .. شو وقعت عالأرض .. وطي صوت التلفزيون .. كمل دروسك .. ااااه معك انا معك 😏) أو اذا كان أصغر ((خدي بده يحكي معك .. وهو عم يتنفس بأدن رفيقتك لا راضي يحكي ولا قبلان يعطيكي السماعة )) ٤-كلي كلشي بالبيت حتى اذا قدرتي كلي أبوكي و أمك لأن بكرة بس تتجوزي و تخلفي رح يبقى الأكل قدامك وانتي قاعدة عينك بتطلع عليه بس مستنية دورك ااااه دورك لا تستغربي ٥-اشربي شاي كتير قد ما بتقدري قبل الأكل و بعد الأكل و بوسط الأكل .. لأنك بعد الجواز و الخلفة كاسة الشاي بالنسبة الك يا باردة يا رح تنكب عليكي سخنة يا حدا عم يشاركك فيها و فجأة رح تتعكر هي ومزاجك سوا .. ٦- قضي نص يومك بالحمام ماتستعجلي خدي كتبك و موبايلك وقضي الويك أند بالحمام .. لأن بعدما تتجوزي و تخلفي رح تفوتي الحمام بأعجوبة و يا ريت لحالك رح يكون ولد معك جوا و تنين واقفينلك عالباب وكأنك آخدة تصريح دخول الحمام تحت المراقبة

46 تعليقات

العضوة: 1865 , 9 years ago

هههههههههههههههههههههههههههههه غيرتي جوي بهالكلام والله ههههههههههه حطيته مفضله علطول

العضوة: 35239 , 9 years ago

@user-1865 ربنا يفرح قلبك

العضوة: 39222 , 9 years ago

هههههههههههههههههه ي زينك هذي هالدنيا لكن اذا كنتي بعافيه الان اسجد لله سجود شكر العافيه لو تنشري وش ثمنها😭😭😭😭

العضوة: 25906 , 9 years ago

هههه اه والله فعلا

العضوة: 4052 , 9 years ago

هههههههههههههههههه معاكي حق بس راحت علينا وتزوجنا خلاص😂😂😂

العضوة: 38135 , 9 years ago

أنا مجربتها بس ندمت لاني ما عشت حياتي منيحة قبل الزواج

العضوة: 35974 , 9 years ago

ههههههههههههههههههه

العضوة: 44790 , 9 years ago

😂😂😂😂😂😂😂😂😂😂😂😂

العضوة: 17039 , 9 years ago

😂😂😂😂راحت علينا

العضوة: 43062 , 9 years ago

يا ويلي انا صار لي متزوجة ١١ شهر 😂😂😂😂 تخيلت شكلي وانا اقرا كيف بكون

العضوة: 39864 , 9 years ago

هههههه هاد حملي الاول خوفتيني كن المستقبل منيح اني بنام واكل واعمل كل شي الان عادي الله اعلم شنو بصير في كمان اكمن يوم بعد الولادة ههههه

العضوة: 10960 , 9 years ago

😂😂😂😂😂😂

العضوة: 48632 , 9 years ago

ههههههههههه