9 years ago
  • المرحلة الثالثة (الأشهر 9,8,7)
لكل بنت لسا في بيت أبوها أرجوووووكي استمتعي على قد ما بتقدري ... ١- نامي كتيييير و لما تقومي ارتاحي شوي و بعدين كملي نوم .. اختمي ١٢ساعة نوم وإذا حدا صحاكي من النوم ارجعي عيدي من الأول .. بكرة لما تتجوزي و يصير عندك ولاد مارح تعرفي ترمشي مو بس تنامي رح تتحولي لزومبي عايش بالبيت ( أغنية الست دي أمي أصلها الست دي زومبي سهرانة طول عمرها ) ٢-اي شي بيوجعك اركضي لعند الدكتور و اطمني على حالك ولا تهملي حالك استمتعي بنعمة انك قادرة تحددي للدكتور مكان الوجع .. بعد ما تتجوزي و يصير عندك ولاد مارح تقدري تحددي الوجع جاي منين بالضبط لأن كل شقفة بجسمك بتكون عاملة مع التانية سيمفونية أوجاع ٣- قد ما فيكي احكي مع صاحباتك و زوريهم و بعد الزيارة ارجعوا احكوا مع بعض .. لأنه بعد ما تتجوزي و يصير عندك ولاد رح تنسي شكل صاحبتك و لما تفكري تحكي تلفون رح يكون نص الحديث معها والنص التاني ( فوت غسل ايديك .. شو وقعت عالأرض .. وطي صوت التلفزيون .. كمل دروسك .. ااااه معك انا معك 😏) أو اذا كان أصغر ((خدي بده يحكي معك .. وهو عم يتنفس بأدن رفيقتك لا راضي يحكي ولا قبلان يعطيكي السماعة )) ٤-كلي كلشي بالبيت حتى اذا قدرتي كلي أبوكي و أمك لأن بكرة بس تتجوزي و تخلفي رح يبقى الأكل قدامك وانتي قاعدة عينك بتطلع عليه بس مستنية دورك ااااه دورك لا تستغربي ٥-اشربي شاي كتير قد ما بتقدري قبل الأكل و بعد الأكل و بوسط الأكل .. لأنك بعد الجواز و الخلفة كاسة الشاي بالنسبة الك يا باردة يا رح تنكب عليكي سخنة يا حدا عم يشاركك فيها و فجأة رح تتعكر هي ومزاجك سوا .. ٦- قضي نص يومك بالحمام ماتستعجلي خدي كتبك و موبايلك وقضي الويك أند بالحمام .. لأن بعدما تتجوزي و تخلفي رح تفوتي الحمام بأعجوبة و يا ريت لحالك رح يكون ولد معك جوا و تنين واقفينلك عالباب وكأنك آخدة تصريح دخول الحمام تحت المراقبة

46 تعليقات

العضوة: 3606 , 9 years ago

😂😂😂😂😂 من اصدق ما قرأت

العضوة: 43331 , 9 years ago

اه والله صدق

العضوة: 24806 , 9 years ago

🤗😘😙😚🤗 صح لسانك

العضوة: 39984 , 9 years ago

ههههههههه يا ويلي هاد حملي لاول يا شيخه خوفتيني من التكرار

العضوة: 35239 , 9 years ago

@user-39984 هههههه بكرة تشدي ف شعرك

العضوة: 39984 , 9 years ago

@user-35239 يا حبيبتي اعملي لحالك فترت نقاها خليهم نايمين واهربي من البيت طول اليوم ههههههههه

العضوة: 35239 , 9 years ago

@user-39984 بكرة نشوفك ياعسل

العضوة: 2725 , 9 years ago

ااخ بس عادي راضيه بكل شي يكفي وحده بالبيبت والروتين انا وزوجي ماتغير من 5 سنوات كل يوم ملل في ملل مافي شي جديد نفسي اكون مشغوله طول اليوم فأولادي والعبهم واشربهم ياارب يرزقني ويرزقكم الذريه الصالحه الباارهـ يارب

العضوة: 5550 , 9 years ago

والله من جد صاير معاي😂

العضوة: 35239 , 9 years ago

@user-2725 ربنا يرزقك بالذريه الصالحة وما يحرمك انتي وبنات الامه الاسلاميه

العضوة: 27311 , 9 years ago

ياويلللللللللي

العضوة: 39546 , 9 years ago

😂😂😂😂😂😂😂😂😂😂😂 ولييي متت عن جد هيك رح يصير 😢

العضوة: 43160 , 9 years ago

هههههههههههههههههههههههههههه موتيني من الضحك والله حكي صحيح بس خلاص اتزوجنا