السلام عليكم خواتي اليوم انا بكمل اسبوع على ولادتي ولله الحمد طبعا خلصت 9 شهور كاملة وبديت اول يوم في العاشر لما صحيت الصباح ما كان فيني شي نهائيا ووقفت بسرعه وحسيت زي الشد في بطني المني لدرجه ماعاد قدرت امشي كنت يا دوب كم خطوة ومتكية على الجدار وبدت معاية تقلصات طلق بس على خفيف بعدها تحممت ورحت المستشفى على اساس اشيك انا خلصت او لا واحنا بالطريق ما شفنا المطب ونظرب فية ويزيد الالم لما وصلت للمستشفى كشفت الا الرحم فاتح 5 سم وسوالي الدكتور تحفيز ودخلني قسم الولادة على طول طبعا بدات الطلق يروح ويجي وكان عادي محتمل والرحم 5 واحيانا 6 بس المشكلة ان الجنين قل نشاطة وبداء نبضة يضعف وهذا الي خلى الدكتورة تفتح الموية علشان الطلق يحمى بعدها بنص ساعه بداء المخاض ودفيت 3 مرات وطلع النونو طبعا اضطرت القابلة توسع لان اخر دفعه تاخر الطلق ما جاء على طول والنبض يضعف فاضطرت توسع وطلع الحبل السري ملفوف على رقبة طفلي مرتين وهذا الي زاد التعب لان بس طلع الراس وحاولوا يسحبوا المشيمه علشان ما ترجع وبعدها قطعوا الحبل من على رقبته طلع لونه كحلي وما بكى واخذوة تشفيط وظرب الى ان بكى والحمدلله بعدها جلست ارتحت لما جت دكتوة الخياطة وخيطتني ونقلوني للملاحظة وبعدها تنويم 24 ساعه والحمدلله على كل حال المشكلة الى واجهتني وسببت لي ازمة في اول الايام هيا البواسير طبعا انتفخت وصارت كانها عنب كبار وهذي انا حسيت فيها وقت الدف ان فية شي انتفخ فيها الان احس نفسي طيبة خف الدم والم البواسير اسئلتي الان خيطتني الدكتورة بخيط بنفسجي وخيط واحد يعني مافية غرز بس غرزة وحيدة برى على الطرف والباقي للداخل هذي كيف تطلع نذوب لحالها ولا يطيح العقد واسحب الخيط لان ولاتي الاولى كانت كلها غرز بخيط معدني اظن وبدت تطيح من عاشر يوم الان احس بالم فضيع في عظام الحوض وخصوصا عظمه العانه واذا كنت ارضع على جنبي وارجع اتعدل ما اقدر امشي نهائيا من الالم مع ان في ولادتي بالبكر ما حسيت بهذا الالم الان لابسة مشد علشان بطني وظهري لان احس بالعظام تحتك في بعض ايش اسوي برنامج معتدل يساعدني على لم جروحي والم حوضي انا حاليا اشرب مرة مع قشر القهوة وهذي يعتبر عندنا عادي لان هذي من حياتنا اليومية واشرب حليب وعسل الصباح لاحظت ان بطني منتفخة هواء يعني لما اضرب فيها تطبل مع ان بطني نزلت لتحت بس مو كبيرة والان لابسة المشد هل هذا دليل ان الرحم مليان هواء نفسي ابدى في الحليب والحلبة لانها ترد العظم بس يقولوا انها ترخي الجلد وتخرب الخياطة وانا مو ناقصة فشوروا علي خواتي ابغى انهى نفاسي بسلام علشان اقدر ارجع لحياتي الطبيعية بدون الم او خراب بانتظار ردكم