مرحبا كروشات انا من حوامل 6-5 ولدت ف اسبوع 40 الحمدلله هذي 3 بيبي لي جايبه البكر طبيعي والثاني قيصري وهالمره اصريت اني اجيب طبيعي المهم خلوني اخبركم قصة ولادتي امبارح عالغدا تاريخ 6-2 ساعه 2:30 نزل ماي الجنين وعلى طول تسبحت وجهزت ورحت الطوارى وكان مفتوح 2ونص بعدين قالولي نتيجه فحص المسحه اللي سويته يوم الموعد طلع فيني التهاب ويمكن تنزل بنتي ويأثر على تنفسها اهني فقدت الامل وقلتلها اذا بتولديني قيصري بطلع على مسؤوليتي عاد الدكاتره هنديات ونفسيات وبعدها نوموني لانه نزل الماي وخلوني تحت ملاحظه يسوون تخطيط كل ساعتين ويفحصون تحت بالغصب وانا اترجاهم يعني كنت 2 ونص سانتي بعدها تميت اقرا سورة البقرة ومريم وزلزله وادعي واستغفر لين امبارح ساعه وحدة بالليل وبعدها بدا الطلق عالخفيف كل ساعه كان يزيد لين ساعه 7 الصبح زاد وكنت اموت واتعصر لكن 2ونص بعدين جت دكتوره اللي سوتلي تحريض يوم الموعد ارتحت وااايد صارت تحرض وتسوي تخطيط وزاد الالم واللي قبلها كانوا ولا يسوون شي قالولي نصبر عليك لين 2:30 الظهر بكون مكمله 24 ساعه من نزول الماي وكانوا الا يبوني اوافق عالقيصري وانا اصريت على رايي دام كل شي كان تمام نبض البيبي وماعندي مشاكل سكر وضغط وزاد الطلق وكنت طول الوقت اتنفس شهيق وزفير شمي وردة وطفي شمعه وكان يزيد الالم لدرجه فقدت الامل خلاص بعدها حسيت ابغى اسوي كاكا وكانت تقولي لا تدفعي لما اقولك وكنت ادفع لانه الشي غصبن عني دفعت مرتين من بعيد شافت الراس يبان نادت الدكتوره وقالت من يجيك الطلق ادفعي دفعت مرتين طلع الراس اما خروج الجسم كان فضيع حسيت كانه روحي بتطلع الحمدلله طلعت بنتي بالسلامه و ولدت طبيعي عقبالكم تولدون بالسلامه ويرزق المحرومات الذريه الصالحه