ولاده محدده من قبل .. اخر دوره 28/6/2017 بالهجري 4/10/1438 المويه ناقصه ع ااجنين وكمان الجنين مقعدي راسه فوق ورجوله تحت .. حددوا لي ولاده بنهاية الاسبوع الاول من التاسع .. الولادة قيصريه .. قبلها تنويم من الساعه 12 بالليل وصيام لين وقت العملية عن الاكل والشرب حتى الموية الساعه 6 ركبوا لي المغذي الجلكوز .. الساعه 10 اعطوني حبوب حموضه وشراب حموضه كمان .. بعدها قالوا البس لبس العمليه وقبعه ع الراس وبعدين الى غرفه التجهيزات .. سونار للتأكد من ان الطفل لازال مقعدي سماع النبض تركيب القسطره ماتعور مره الحمدلله ع حسب شطارة الممرضه بعدين ع غرفة العمليات .. البنج كان نصفي يعني التخدير نصفي مو تخدير عام .. طريقته جالسه ع السرير فاتحة الظهر رجولي ع كرسي عند الرجول ويحطوا مخده بحظني واحني ظهري شوي الابره اسفل الظهر بس مو اسفل مره مره لا تنظيف المكان بعدين الابره .. ماتعور ابد كانها لدغة بعوض .. بعدين حسيت زي الموية الباردة مشت في رجولي كلها ع طول سدحوني بسرعه وقدامي ركبوا ستارة ومن وقتها ماعاد ادري عن شي الا لما طلع النونو طبعا احس بشد ومط وسحب بس بدون الم بس احس ضغطهم ع بطني وكذا .. بعدها خياطة وكمان مااحس وكان خياطة تجميلي .. بعدها خلاص تنظيف مكان الجرح وضغطوا بقوة ع البطن عشان يطلع الدم وخلوني بغرفه الافاقه ساعتين تحت الملاحظه وجهاز الضغط مشبوك .. بعدها ع غرفه التنويم .. البنج حسيته راح بعد 3 ساعه احس اقدر احرك اصابع رجولي بس رجولي لا .. ثقيله جدا .. وتعب والم مسكنات كل 6 ساعات بالوريد .. مسكنات عند اللزوم زياده يعني اذا ماتقدري تنتظري ست ساعات .. كل شوي يضغطوا البطن عشان يطلع الدم المتجمع .. ابره بالفخذ حقت التجلطات في الليل .. فكوا القسطره بعد 12 ساعه قمت الصباح الم بس الحمدلله ع كل الحال الالم يتجمع في كيف تقومي من السرير .. بس لما توصل رجولك الارض وتوقفي اخف وارحم بس السرير تقعدي تسحبي نفسك وتشيلي جسمك لين توصلي للارض هذا هو الالم .. بعدها مشيت 10 دقايق الحليب ماجا في صدري لحد الحين .. المغذي مشبوك وفكوه خلاص لاني رحت الحمام .. الاكل مااكلت شي جابوه بعد 6 ساعات بس حاولت اشرب نقط مويه وحبه شوكلت .. العشا بالليل تعبني اكلت بس شوربه خفيفه يمكن خمس ملاعق .. بس تحسي يجمع الغازات في بطنك وماتقدري تطلعيها .. الفطور جابوا فطور اليوم متنوع بس اكلت قطعه خبز يعني يمكن قد الاصابع مع قشطه وعسل كثرت عشان الامساك مايجي من الخبز شرب عصير راني حبيبات بالخوخ افضل .. الغدا جابوه متنوع شربت شوي شوربه يمكن 5 ملاعق واكلت سلطه يمكن 3 ملاعق . المويه اشرب بس مو دفع وحده ظروري عشان الحمام .. يعني العلبه المويه الصغيره اخلصها ع 5 شربات كل 10 دقايق وبس الحين منسدحه بنام ولازم امشي عشان يتشافا الجرح ويلتئم .. الم في الكتف الايمن بدا معاي اليوم .. توقيت العمليه امس الخميس الساعه 11:33ص .. وكتبت هالشيء عشان غيري يستفيد لاني كنت ابحث في كل مكان ماحصلت الشي الي يخليني اعرف حالتي او اش بيصير معاي .. الحمدلله ع كل نعمة من رب العالمين والله يحفظ لي مارزقني ويتم على الجميع حملهم وولادتهم ع خير وييسر يارب للجميع واستودعتكم الله الذي لاتضيع وداعته ..