راح أحكيلكم تجربتي مع الولادة القيصرية للمرة الثانية أنا آخر دورة 26/5ولدت يوم 24/2 قيصري ولادة مبرمجة لأنها ولادتي الثانية وما حبيت أستنى .المهم دخلت المستشفى وعطوني لباس العملية والمحرج إنو الطاقم تقريبا كله ذكور ولما دخلت غرفة العمليات نزعت اللباس وكنت عارية تماما واستحيت كثير لأنو في ولادتي الأولى كان الطاقم نسوي وبعدين أخدت بنج نصفي وابتدو ما كنت أحس بشيء تماما بعد شي عد10 دقائق سمعت صوت بنتي وبكيت من الفرحة وبعدين شفتها .بس الطريف إنو زوجي راح لعند أمي وخلاهم بيدورو على أهلي وضليت عاىية بالبرد لحتى إجى لأنو الغطاء كان بالسيارة.لما راح المخدر كان الألم جدا قوي أخدت مسكنات بس ما نمت هديك الليلة من الوجع واليوم الثاني لما لبست ملابسي وقمت مشيت حسيت أفضل وشوي شوي لين راح الوجع وارتحت الحمد لله