من حوامل ٢٩ ديسمبر ابشركم اخواتي الي شاركتكم وشاركتوني حملي ٩ آشهر ولدت قبل امس في مستشفى استر سند ولاده متعبه وعذاااب لان طلقي كان مؤلم جداً وبعد الكشف تبين انه مفتوح بس ٢ قالت لي الدكتوره بعملك تحريض وبيساعدك وبعده بساعتين كشفت وحصلته ٣سنتي وانا كنت ميته من التعب قالت بهالحاله نفتح لك موية الرحم وبيحمى الطلق عليك وفتحتها لي بعد م وصل للـ ٤ فتحت لي مويه الراس وبعد كم ساعه كشفت حصلته بس ٥ انا انجنيت قلت تعبت من الالم باخذ ابرة ظهر واخذتها وبعدها هف الالم وفتح رحمي ووقف ع ٨ ونص وحاولت الدكتوره تكشف وتنزله لكنه للاسف كان مرتفع البيبي رافض ينزل والطلق قطع ظهري ولا هو راضي ينفتح رحمي اكثر بالنهايه قررت الدكتوره قيصري والحمدلله ع كل حال بس شوفته نستني التعب