من حوامل ديسمبر 17 / 12 ولدت باليوم الوطني ع المغرب☺️ كان باقي يوم واخلص التاسع العصر رحت شربت كوب حليب معاه شوية قرفة و حلبه ونمت بالليل وصحيت ع الفجر حسيت الم طلق خفيف بس منتظم يروح ويجي ونزلت معاي افرازات بدم طبعا السدادة يعني و ماقدرت انام لما جات 9 الصباح رحت لدكتورتي اللي بتابع معاها عيادة خاصه ماعندهم توليد بس فحصتني و قالت مفتوح 2 سم ومعاك ولاده وسوت لي تحريض بسيط مع التنفس الصح ماتألمت الحمدلله معاها وصتني امشي نص ساعه واشرب قرفه وانو لو نزلت المويا او انتظم الطلق وشد اروح المستشفى، سويت اللي قالت بس اضفت انو دهنت بطني بزيت الزيتون مع حبة البركة وحطيت رجولي بمويه ساخنه شويات بس ولما صليت الظهر حاولت اتمدد ارتاح شويه ماقدرت لانو شد الطلق معايه وع طووول ع المستشفى تقريبا على ماسوينا الاوراق ودخلت كانت الساعه 2 فحصوني قالوا 5 سم وقبل اطلع الكشك ع العصر زااااد الالم وفحصتني ثاني قالت صار 6 سم طلعت غرفة الولاده خ صرت ادف خلاص وبمساعدة ربنا ثم الدكتوره وانا معاها بالتنفس الصح تمت الولاده الحمدلله وهذي اول ولاده لي انو الدكتوره هي اللي تفك الماء سبحان الله كيف هذا الشي يسهل بس قصت لي العجان لان قبل كنت مسويه تجميل للمنطقه فإضطرت تقص ، على ما خلصت اذن المغرب يعني الحمدلله كانت ولاده سريعه غير عن ولاداتي السابقه اللي تبدأ بنزول المويا واجلس يوم وثاني يوم يولدوني بالطلق الصناعي ... فالحمدلله حمدا كثيرا طيبا والشكر له ثم الشكر لكم على وقفاتنا مع بعض واجاباتنا ع الاستفسارات طوال رحلة حملنا .. واعتذر ع الاطاله ☺️.