سلام عليكم ... رح احكيلكم قصة ولادتي .. بحكم اني ولاداتي الثلاث السابقة كانت عملية قيصرية .. فكنت فترة الحمل تحت المراقبة بقسم حمل خطر .. ومن المعروف انه العملية بتكون باسبوع ال ٣٨ .. بيوم العملية لازم اتكون متواجدة بالمستشفى من ال ٨ الصبح لاني احترت تكون عمليتي بعد الظهر .. لو كانت الصبح كان نيموني قبل بيوم .. المهم عملولي كل الفحوصات من التراساوند وفحص نبض الجنين وفحوصات دم ... لتحضير قبل العملية .. ومن حظي ستلت الدكتورة اي الساعة العملية .. قلتلي على ال٣ اول وحدة .. فرحت كثيير لانه ما في اصعب من الانتظار ... ع ٢ ونص جهزوني للعملية ونزلت عفرفة العملياات .. جوزي ما رضي يفوت معي ما بحب هاي المواقف .. امي فاتت معي طبعا قبل ما تفوت اعطوني بنج نصفي ... كان صعب شوية بس تحملت من شان اشوف ابني .. وبدأت العملية في ربع ساعة واسمع صوت عياط بيبي يا الله ما احلى هالصوت .. ولحسن الحظ امي صورت مع انها مش،صحبة هي والتلفون ما كانت عارفتلو 🤣 ... الحمدلله اجا مؤمن ع لى الدنياا وكانت احلى لحظة بهاذ،اليوم .. اطلعوني على قسم الوالداات بعد ما قعدت ساعتين بغرفة الاستراحة تحت المراقبة ... وضل جوزي وحماتي معي .وراح جوزي جابلي البيبي اشوفوا. بعد ما روحوا اجت اصعب لحظة علي .. وهو النزول عن السرير بعد العملية والدخول للحمام بمساعدة الممرضات ..الاشي كان كثيير صعب ..شعور بالدوخة والاستفراغ .وغير الوجع.بحكم كنت صايمة من الصبح ..اعطتني الممرضة دواء ضد الاوجاع وطعمتني زبادي مع كوب عصير ..وحسيت حالي مليحة وفتت عل حماام واستحنيت والحمام كثيييير ساعد وخفف وجع وتعب ... الحمدلله رب العالمين .. انتهت رخلتي وهن على وهن وشرّف على عيلتنا احلى مؤمن .. عقبالكن صبايا ..تقوموا بالسلامة ❤