@user-260309
طالما هي هكي لازم تعرفي تتعاملي معاها
متلا هي تبي ادير كل شي بروحها وتبي تختار تمام
اعطيها خيارين انت تكوني راضيه عليهم هي تختار منهم
متلا وقت طلوع طلعيلها لبستين تختار منهم
متلا وقت الماكله قوليلها تبي تاكلي كدا والا كدا
وقت اللعب قوليلها تبي ترسمي ووالا تبي تلعبي مكعبات
هكي تحس روحها عندها شخصيه وقادره تختار وادير كل شي بروحها مش مفروض عليها فرض
لالا زي قبل انانيه بوها يحط اغنيه عصومي وليد اناني اناني تبدأ فرحانه اول كلمه تعلمت اناني تقلد فيها وسليمان يفرح بدي يزيد يشجع فيها لان كان خايف عليه وشاد اعصابه قالوها عندها تأخر في نمو ..يقولي خليها ع راحتها ماصدقنا ما فيها شي ..قعدت سنه ونص بدت تمرت مرد و9شهور بدت تقلب يمين ويسار ..معدلعها فوق من لازوم ..هاذي اكبر غلط ..و اي حاجه تبي من خوته يمشي ياخذ منهم ويعطيها اني ضد تصرفات هاذي هو مفسدها ..طبعا هو يقولي اني مانديرش قانون و و ..انتي ديري ..باهي شني فايده هو يفسدها
هاذي يلي امدايره بلعكس فرحانه بيها نبيها هكي وتختار ماشاء الله زي ما نبي الحق في لبس ..الالعاب ماعنديش إلا زوز ضروري بناخذ مكعبات..ماكله ندير فيها زي ماقولتي..
ايه من بوهم مدلعهم هلبه هو يلي قال توا ناخذلكم تليفون ناضت حماتي قالت علاش تشري جديد توا نعطيك متاعي
@user-260309
اي هو تصرفاته غلط وهو يفسد فيها وبتتمرد عليه هو قبل اي حد
تكلمي معاه قوليلها عارفه تحبها وخايفه عليها لكن مش معناها ندلعوها لين تفسد تربايتها
ما تضلمهاش تولي انانية الناس تكرها والا تولي اللي مش ليها تبي تاخده بالسيف تتعلم الخنبه والانتقام
قوليله ما تفكر في توا فكر في بعدين هذه بنت فكر في مستقبلها في وحياتها مع راجلها يرضيك انت بنتك ما يجهاش نصيب بسبب طبعها والا يجيها نصيب ولا قدر الله تطلق بسبب طبعها قوله بتقرا في مدرسه ترضى كل شويه مدايرين استدعاء بسبب تصؤفات بنتك
ديما تكلمي معاه ديما اضغطي عليه وديما قوليله ربي يوصي نربو احسن تربايه وحتى الرسول قدوه لينا في التربية نربو بحنيه لكن بحزم
الرجاله ما يعرفوش لكن حني نعلموهم خليك وراه لين يبطل طبعه هدا
كان سكر راسه قوليله تمام حتى انا معاش تطاب مني لا نظف ولا نربي صغار ولا نهتم في اكلهم ولا نقريهم خليهم عايشين هكي
@user-260309
نوضيها باش ترقد بعدين
جربي معاها تنوض الصبح بعد 5 ساعات خليها ترقد 3 ساعات بالكتير ونوضيها وبعد 5 ساعات تانين رقديها نوم الليل
التزمي معاها بالبرنامج هدا وشوفي
هو السهور غلط وهما لما يفوت وقت نوم الليل جسمهم معاش يفرز هرمون النوم ويفرز هرمون النشاط
ديري جدول وامشي عليه اسبوع توا يتعدلو نوضيهم الصبح الساعه 9 متلا وعدي 5 ساعات بعدين خليهم يرقدو دخليهم مكانهم وقوليلهم وقت النوم ممنوع حد يطلع من مكانه وعلميهم يقولو استغفر الله لين يجيهم النوم
و3 ساعات بالكتير ونوضيهم
وبعدين عدي 5 ساعات ورقديهم تاني بمفس الاسلوب
في الاول بيعاندو ومرات ما يرقدوش لكن التزمي واستمري توا يرقدو
اهم حاجه لما تبدي معاهم اي شي تلتزمي باش يعرفو ان قرارك مش حيتغير لما تبدي ديما تغيري في قرارات يهزو عليك ويبدو يحاولو باي طريقه يكسرولك كلمة
@user-260309
قوليله التربية تبدا من عامين وبرا اسال وين ما تبي وبرا اقرا وافتح النت ودور
كان ما تربتش قبل ال4 او 5 سنين عمرها ما تتربى ويفسد طبعها ومش حتقدرها
الترباية تبدا من عمر سنتين ل5 سنين قبلها صعب تربي وبعدها خلاص فات الاوان لازم حد يساعدك يعدل سلوكها
@user-260309
هما كان بتخليهم براحتهم يقعدو حتى بعد
عشيهم وقبل العشي قوليلهم تتعشو وترقدو لان وقت النوم جي
بعد ما يتعشو قوليلهم تغسلو سنونكم وبعدها بترقدو
يغسلو سنونهم هيا جي وقت النوم دخليهم فرشاتهم حتى لو بالسيف حتى لو يبكو قوليلهم خلاص وقت النوم جي وعارفتكم تبو تقعدو فايقين وتبو تلعبو لكن ما نقدرش نخليكم تقعدو ساهرين ولازم ترقدو
حطيهم في مكانهم اقري معاهم الصور اللي حفظوها واطعلي وخليهم او خليك معاهم في الدار لين يرقدو
@user-260309
فوتيه وخليهم يرقدو بكري يبدا ما فيش وقت هلبا يقعدو معاه
وما تنسيش ان الوقت اللي يقعدو فيه معاك انت اكتر من اللي يقعدوه معاه فضروري تعرفي تتعاملي معاهم باش تصرفات بوهم ما تاترش فيهم
@user-260309
هو تدريب النوم مش ساهل ولازم يكون عندك قانون تابت
نوم يعني نوم
استمري في الاول يقعدو 4 ساعات مع الوقت يتعودو ويعرفو ان العياط اللي يديرو فيه ما يجيبش نتيجه ويرضو بالامر الواقع ويرقدو
هما يضغطو عليك يقولو بالك تغير رايها
العضوة: 174744 , 5 years ago
@user-260309 تلفون ما تبيشي قيمه وانهي الموضوع وريحي راسك هدا حوشك وانت تختاري البي تبيه اللي يمشي معاك تقولك عمتهم وينه قوليلها بصراحه انا ضد صغار عندهم تلفون باش تتعمل معاشادير شي من غير شورتك وما حد يفرض عليك شيالعضوة: 174744 , 5 years ago
@user-260309 طالما هي هكي لازم تعرفي تتعاملي معاها متلا هي تبي ادير كل شي بروحها وتبي تختار تمام اعطيها خيارين انت تكوني راضيه عليهم هي تختار منهم متلا وقت طلوع طلعيلها لبستين تختار منهم متلا وقت الماكله قوليلها تبي تاكلي كدا والا كدا وقت اللعب قوليلها تبي ترسمي ووالا تبي تلعبي مكعبات هكي تحس روحها عندها شخصيه وقادره تختار وادير كل شي بروحها مش مفروض عليها فرضالعضوة: 260309 , 5 years ago
لالا زي قبل انانيه بوها يحط اغنيه عصومي وليد اناني اناني تبدأ فرحانه اول كلمه تعلمت اناني تقلد فيها وسليمان يفرح بدي يزيد يشجع فيها لان كان خايف عليه وشاد اعصابه قالوها عندها تأخر في نمو ..يقولي خليها ع راحتها ماصدقنا ما فيها شي ..قعدت سنه ونص بدت تمرت مرد و9شهور بدت تقلب يمين ويسار ..معدلعها فوق من لازوم ..هاذي اكبر غلط ..و اي حاجه تبي من خوته يمشي ياخذ منهم ويعطيها اني ضد تصرفات هاذي هو مفسدها ..طبعا هو يقولي اني مانديرش قانون و و ..انتي ديري ..باهي شني فايده هو يفسدهاالعضوة: 260309 , 5 years ago
هاذي يلي امدايره بلعكس فرحانه بيها نبيها هكي وتختار ماشاء الله زي ما نبي الحق في لبس ..الالعاب ماعنديش إلا زوز ضروري بناخذ مكعبات..ماكله ندير فيها زي ماقولتي.. ايه من بوهم مدلعهم هلبه هو يلي قال توا ناخذلكم تليفون ناضت حماتي قالت علاش تشري جديد توا نعطيك متاعيالعضوة: 260309 , 5 years ago
@user-174744 بنتي قعده راقده لعند توا ..حتى مش شبعانه في نوم ..ترقد متاخره وتنوض ساعه تسعه ومزكومه..العضوة: 174744 , 5 years ago
@user-260309 اي هو تصرفاته غلط وهو يفسد فيها وبتتمرد عليه هو قبل اي حد تكلمي معاه قوليلها عارفه تحبها وخايفه عليها لكن مش معناها ندلعوها لين تفسد تربايتها ما تضلمهاش تولي انانية الناس تكرها والا تولي اللي مش ليها تبي تاخده بالسيف تتعلم الخنبه والانتقام قوليله ما تفكر في توا فكر في بعدين هذه بنت فكر في مستقبلها في وحياتها مع راجلها يرضيك انت بنتك ما يجهاش نصيب بسبب طبعها والا يجيها نصيب ولا قدر الله تطلق بسبب طبعها قوله بتقرا في مدرسه ترضى كل شويه مدايرين استدعاء بسبب تصؤفات بنتك ديما تكلمي معاه ديما اضغطي عليه وديما قوليله ربي يوصي نربو احسن تربايه وحتى الرسول قدوه لينا في التربية نربو بحنيه لكن بحزم الرجاله ما يعرفوش لكن حني نعلموهم خليك وراه لين يبطل طبعه هدا كان سكر راسه قوليله تمام حتى انا معاش تطاب مني لا نظف ولا نربي صغار ولا نهتم في اكلهم ولا نقريهم خليهم عايشين هكيالعضوة: 260309 , 5 years ago
هاذي هيا أمس تعركت معه لين ضايقت خلوقي وهو مش معدل يقولي اني نعرف مش غبي قعده صغيره ندلعها لين توصل 4سنين بنعلمها لان احني كنا محرومين حنان الاب ..وانتي مادخلش بيا اني واصغاري .. وحتي لما يبصر هو أولاد يلعبو لعبهم مصارعه مرات يلعبو كره ..كره عادي..يلعبوه كانا حبس هاذي يلي متصايقني...نبدا نكلم نقوله والله اكبر غلط يقولي انتي مكبره في موضوع نلعب اني واصغاري قولتله ماتفرحش بيه هاذي يلي يخلي اصغاري يخافو ..اني مش مستعده هكي طلعت دار تاني رقدت بروحي بحدا اصغاري وخليتهالعضوة: 174744 , 5 years ago
@user-260309 نوضيها باش ترقد بعدين جربي معاها تنوض الصبح بعد 5 ساعات خليها ترقد 3 ساعات بالكتير ونوضيها وبعد 5 ساعات تانين رقديها نوم الليل التزمي معاها بالبرنامج هدا وشوفي هو السهور غلط وهما لما يفوت وقت نوم الليل جسمهم معاش يفرز هرمون النوم ويفرز هرمون النشاط ديري جدول وامشي عليه اسبوع توا يتعدلو نوضيهم الصبح الساعه 9 متلا وعدي 5 ساعات بعدين خليهم يرقدو دخليهم مكانهم وقوليلهم وقت النوم ممنوع حد يطلع من مكانه وعلميهم يقولو استغفر الله لين يجيهم النوم و3 ساعات بالكتير ونوضيهم وبعدين عدي 5 ساعات ورقديهم تاني بمفس الاسلوب في الاول بيعاندو ومرات ما يرقدوش لكن التزمي واستمري توا يرقدو اهم حاجه لما تبدي معاهم اي شي تلتزمي باش يعرفو ان قرارك مش حيتغير لما تبدي ديما تغيري في قرارات يهزو عليك ويبدو يحاولو باي طريقه يكسرولك كلمةالعضوة: 174744 , 5 years ago
@user-260309 قوليله التربية تبدا من عامين وبرا اسال وين ما تبي وبرا اقرا وافتح النت ودور كان ما تربتش قبل ال4 او 5 سنين عمرها ما تتربى ويفسد طبعها ومش حتقدرها الترباية تبدا من عمر سنتين ل5 سنين قبلها صعب تربي وبعدها خلاص فات الاوان لازم حد يساعدك يعدل سلوكهاالعضوة: 260309 , 5 years ago
قاعده ماشيه محاولتهم يرقدو بكري نلقاهم لعند واحد في ليل.. لن شاء الله توا بنخليه ترقد قيوله..ياربي يقدرنيالعضوة: 260309 , 5 years ago
هو ينعاند فياالعضوة: 174744 , 5 years ago
@user-260309 هما كان بتخليهم براحتهم يقعدو حتى بعد عشيهم وقبل العشي قوليلهم تتعشو وترقدو لان وقت النوم جي بعد ما يتعشو قوليلهم تغسلو سنونكم وبعدها بترقدو يغسلو سنونهم هيا جي وقت النوم دخليهم فرشاتهم حتى لو بالسيف حتى لو يبكو قوليلهم خلاص وقت النوم جي وعارفتكم تبو تقعدو فايقين وتبو تلعبو لكن ما نقدرش نخليكم تقعدو ساهرين ولازم ترقدو حطيهم في مكانهم اقري معاهم الصور اللي حفظوها واطعلي وخليهم او خليك معاهم في الدار لين يرقدوالعضوة: 174744 , 5 years ago
@user-260309 فوتيه وخليهم يرقدو بكري يبدا ما فيش وقت هلبا يقعدو معاه وما تنسيش ان الوقت اللي يقعدو فيه معاك انت اكتر من اللي يقعدوه معاه فضروري تعرفي تتعاملي معاهم باش تصرفات بوهم ما تاترش فيهمالعضوة: 260309 , 5 years ago
والله هاذي يلي مدايره حتى نفسيتي زي زفت حشاك نشدهم ونرقدهم بسيف وهاذي كله عارك وبكي وعياط اليوم بنجرب بنحط دار تاني بالك يغيرو طبعهم شويه ..تعرفي نقعد 4ساعات بش نرقدهم تعبت الحقالعضوة: 174744 , 5 years ago
@user-260309 هو تدريب النوم مش ساهل ولازم يكون عندك قانون تابت نوم يعني نوم استمري في الاول يقعدو 4 ساعات مع الوقت يتعودو ويعرفو ان العياط اللي يديرو فيه ما يجيبش نتيجه ويرضو بالامر الواقع ويرقدو هما يضغطو عليك يقولو بالك تغير رايها