العضوة: 143800 , 5 years ago

اي ما هو النوم لازززم يكون من بعد صلاة العشي

العضوة: 260309 , 5 years ago

شكلي غدوه بنوضهم ساعه 8بدل ساعه تسعه

العضوة: 260309 , 5 years ago

راهو يرقدو ساعه واحد وينوضو ساعه 9 مايقيلوش بكل لعند ساعه واحد في ليل وهكذا ..قصدي مفروض يتعبو يرقدو أكثر ماينشطو

العضوة: 143800 , 5 years ago

نوضيهم س 8 ولازم يرقدوا ساعة القيلوله. ولازززم تكوني صارمه معاهم ان س 8 لازم يتسكر التلفزيون ويكون متعشيين قبلها و غيرلهم بجاماتهم ويخشو للحمام وللنوم بلا نقاش وحتى لو عيطو وما يبوش ما تعدليش عليهم

العضوة: 143800 , 5 years ago

وطفي ضي الحوش كله ومتلي عليهم انك بترقدي تتعبي اول اسبوع او 10ايام وبعدها ترتاحي

العضوة: 260309 , 5 years ago

نقولك تاعبه ليا 3اسابيع مافيش فايده

العضوة: 260309 , 5 years ago

توا قولتلهم رسوم هاذي وبعده نوم قعدو يبكو قولتلهم تمام نسكر تليفزيون خير لان نبي نسمعه صوتكم قالوني خلاص خافو

العضوة: 143800 , 5 years ago

جربي معاهم الطرق اللي تعرفي يمشي مع صغارك لأن الصغاار يختلفوا مش كل الصغار زي بعض وكل ام تعرف طبيعة صغيرها ربي يكون ف عونك

العضوة: 174744 , 5 years ago

@user-143800 اي هدا المفروض حتى انا مروان ما يدخلش يقولي انت تعرفي وتقري ولما يدير الغلط وقت نهدرزو نقوله ونوصله الفكره والحق هو يسال فيا ديما زعما هكي مش غلط زعما هكي كدا واللي نقراه نقوله عليه باش يطبق معاي

العضوة: 143800 , 5 years ago

ما هما الرجال مش زي بعض. راجل خوله مش متفااهم بكل وعنده يدلع وبس ونفسدهم هو ينرفز عرفتي لدرجه ما تعرفيش كيف تتعاملي مع صغارها

العضوة: 174744 , 5 years ago

@user-260309 اسمعي قيلولة ضرورية هلبا وتساعد الصغار يرقدو في الليل احسن

العضوة: 174744 , 5 years ago

@user-143800 اي صح في هلبا رجاله طبعهم واسلوبهم هو اللي يبهدل التربايه وخاصه لما الام تبدا تبي تمشي في طريق في التربايه والراجل العكس ولازم يكون في حوار بين الام والاب ويكونو ماشين نفس الخط

العضوة: 143800 , 5 years ago

حتى الماكله من برا غلط اكبر غلط وخاصة البطاطا و الشوكلاته ومش ديما ينعطوا ومش ف اي وقت. اني عن نفسي ما نحبدهمش وخاصة البطاطا بجميع انواعها والاندومي 6ه

العضوة: 260309 , 5 years ago

أولاد لا مايقيلوش لان نعرفهم يجي ع راسي عند فجر عادي .. وكان خليت ع راحتهم مايرقدوش وبنتي رقدت شبعانه نومها جو حلوه ونشاطه وتلعب صح مريضه مش زي صبح نقان ..هيا ضروري منها قيلوله بنسبه بنتي ..

العضوة: 174744 , 5 years ago

@user-260309 ما تعصبيش روحك التربايه تبي هدوء وطولة بال انت اهم شي توا تتفاهمي مع راجلك في الاسلزب مع بنتك يبي يدلعها يدلعها لكن مش على حساب خوتها ومش لدرجة الفساد هكي يضعف شخصية الولاد ويخلها تتمرد عليهم والنوم لو التزمتي اسبوع معاهم يتعدل وخاصه انهم طلعو من المراحل الانتقالية والانتكاسات نوضيهم بكري وامشي معاهم على جدول واضح وصريح بالساعه حطيه قدامك وديري فياق 8 ينوضو نص ساعه يخشو الحمام ويغيرو حوايجهم ويساو مكانهم 8 ونص متلا يتفرجو لين انت توتي فطور 9 ونص يفطرو وهكدا ديري جدول يمشي مع اسلوب حياتك هما بيحفظو الجدول يبدو متوقعين شني بيصير بعد كل حاجه ومعاش يعاندو ويتقبلو الروتين