العضوة: 174744 , 5 years ago

@user-260309 الولاد تقدري تلغيها لان هي في عمر ال4 سنين لو الصغير ما يبيش يرقد عادي

العضوة: 260309 , 5 years ago

حتى اني زيك ضد فكره هاذي فى احني نطلعو كل الجمعه عادي مره في اسبوع ناخذو بيتزا..وعندك شكلاطه وبطاطا وحلوه يوميا كلمته قولتله انت بضر اصغاري قولتله خلي لما يحصلو 60نجمه من قانون نفرحهم بي حاجه

العضوة: 174744 , 5 years ago

@user-260309 كل يوم 😱😱😱 حرام عليه غلط اكبر غلط توا سنونهم يسوسو شكلاته مره في الاسبوعين ومش اي نوع شكلاته عادي بطاطا وحلوه وغيرها مضره حتى ماكله برا بيتزا ومطاعم كل اسبوع هلبا مره في الشهر باش ما تنفتحش عينهم

العضوة: 260309 , 5 years ago

ان شاء الله بندير جدول بنعلقهم قولتله يلي يخالف قانون مانحصلوش 60نجمه بدو يخافو يبو باي طريقه يوصلو في ٦٠

العضوة: 174744 , 5 years ago

@user-260309 هو يجيب كل يوم تمام انت خودي الحاجات وقيميها حتى لو هما شافوها وقعدو يعيطو قوليلهم الحاجات هذه مش كل يوم عندنا يوم واحد في الاسبوع مسموح تاكلوها وديري متلا كل اربعاء او اي يوم

العضوة: 174744 , 5 years ago

@user-260309 توا ابدي بموضوع النجوم وبعدين غيريهم لازم يتعلمو يديرو الشي لان هما يبو يكونو كويسين ويبو يديرو مش لان في مقابل لما يتعلمو ان الحاجه الكويسه بمقابل بيبدو كل شي يبوه بمقابل حتى في حياتهم لما يكبرو وحتي في علاقتهم مع ربي حببيهم في القانون واهم حاجه ديما شجعي وامدحي وغيري الجمل والكلمات ما تعطيش اوامر اعطي خيارات او اعطي الامر بطريقة تانيه يعني بدل من نوض اغسل سنونك تقولي شني رايك تنوض تغسل سنونك

العضوة: 174744 , 5 years ago

@user-260309 ربي يهديهم ويصلح حالهم ويعينك عليهم

العضوة: 174744 , 5 years ago

كيف حالكم اليوم وكيف حال الصغار ورجالتكم شني جوكم انا جسمي مدقدق تقول مدايره رياضه وامال فاقت ال4 ونص ومعاش رقدت لساعه 6 رقدنا ونضنا توا ال9 ونص

العضوة: 260309 , 5 years ago

امين يارب العالمين..

العضوة: 260309 , 5 years ago

الحمد الله بخير.. كيف حالك اليوم وكيف حال راجلك واموره ..خيرك لاباس عليك..خيرها اموله ان شاء الله مش مريضه بس.. اني أمس تعبوني اصغاري زادو ماكانوش هكي آخر حاجه قعدت نبكي طلعت يلي في طاقه انصدم راجلي قالي انتي ليك يومين أو 3ايام مش تمام خيرك شني تحسي قالي حتى وجهك باين فيك مريضه قولتله مانحس في شي اصغاري تعبوني وفسدو طبعهم معاش بدو يعدلو نومهم ومعاش عندي جهد ليهم ..مهم رقدو اصغاري ساعه 12زينب وهمام ..عزام وحيد ساعه 12ونص وخمسه

العضوة: 260309 , 5 years ago

@user-174744 كلمت راجلي قولتله اني نتعب وانت تدلعهم شني درت من فايده قولتله معاش تجيب حاجه شكلاطه وحاجات لين اني نقولك ..وتاني شي ماساعندنيش تليفون قالي تمام مع ان ضد تليفون صغار لكن وجعوني اصغاري محبوسين يلعبون العاب تليفون قولتله هاذي يلي يفسد طبعا اصغار قالي تمام توا ناخذه اني .. تعرفي من كثر بكي أمس لين راسي بيفجر وعيوني منفخات

العضوة: 174744 , 5 years ago

@user-260309 المهم طلعتي الطاقه السلبية كلها وارتحتي وقلتي اللي في خاطرك لازم منها اللحظه هذه تحسي كان ما تبكيش بتنفجري امال بيطلعلها ضرس والنياب ترضع هلبا وتنوض في الليل مرتين او 3 انا ضمان وسط الحوش امس رد عليا ركوب ونزول السلوم وقمت بساطات والصالون رد عليا تقول مدايره رياضه

العضوة: 260309 , 5 years ago

اي طلعت طاقه السلبية.. ولت عليك ..ان شاء الله لابأس عليكم ..ياروحي بعيد السو عليها.. حتى بنتي بدت تاخذ في حليب في ليل ماكانش تاخذ بكل في ليل صبح مره وحده بس ..وتاخذ كامله ماعمرهاش تاخد رضاعه كامله ديمه نصها أو ربع بس قولت ممكن من صقع..مع ان تعشت كويس وبعدها خذت فاكهه ..توا ليها يومين هكي ..قولت ندير سحلب يشبع خير ماتبيش.. توا اني ليا يومين نتعب هلبه ندوخ حتى صيام متقطع ماقدرتش يجيني دوخه ومرخيه وقلبي يدق هلبه..وقفت صيام متقطع قولت خلي نشد صحتي نأخذ فيتامين دال ..حسيت روحي صعبه ناقصه فيتامين ومع صيام متقطع..مع ان ضميري يانب فيا لكن قولت هكي خير لان نخاف نتعب ع فاضي وفي لاخير مانقصتش

العضوة: 174744 , 5 years ago

@user-260309 بنتك بالك بيطلعولها ضروس جدد هدا علاش تبي حليب تحس في شيشه تريح فيها اي وقفي لين تشدي صحتك وبعدين ولي كان حصلتي فلوس ديري تحاليل واطمني احسن واحسن

العضوة: 174744 , 5 years ago

@user-260309 كولي فواكه وخضره كتري منهم ونحي الخبزة