ها هي الآن (آسيرته)ُ وبين يديه
هاي هي كما يذكرها جميلة ورقيقة وحساسة .. ولكنه يعرفها.. متعجرفة وكاذبة وشيطانة
ها هو الآن( آسِرُها )وبين يديه
ها هو بطوله الممشوق وضخامة جسده الجديدة التي تخيفها .. ولكنها لم تعرفه أبدا كما عرفته في الماضي
عاد ليس كما ذهب عيناه أنعمت عن كل شي إلا عن الماضي الأليم
هيي السبب !! نعم هيي ولا أحد غيرها ولكنها تكذب كعادتها وتأخذ دور الضحية
هل هيي حقا الضحية أم لا هي الصيادة؟؟
هل هو صادق أم لا هو كاذب؟؟
.........................................................................
الجزء #الأول (1) :
يوم الثلاثاء #الساعة 1:00 بعد منتصف الليل
شلح جاكيتو الجوخ ورماه ع طرف الكنباية واتمدد جوا سريرو واتنهد بهدوء وهوي عم يتذكر انجازاتو بهاليوم الحافل الحياة ضحكتلو كتير انجاز ورا انجاز
ابتسم وهوي عم يركز راسو ع المخدة وهمس (حلوة الحياة هيك .. هيك وبس)
رجعو من شرودو رنة تلفونو شاف مكتوب رقم خاص
فتح الخط ورد بملل (الو مين معي)
رد عليه بصوت بيشبه فحيح الافعى (انا ظلك)
فتح عيونو ورد(شووو مين انت)
رجع كمل بنفس اللهجة (انا قدرك)
ضحك بصوت عالي وقلو ( عم قلك مين انت)
رجع كمل بنفس اللهجة (انا الموت
قبضو قلبو من اخر جملة بلع ريقو وسكت لثواني ورجع ضحك ليخفف من التوتر (لا يااااا.. احكي غير هالحكي لا تكون الكمرة الخفية ولا شي مزحة هههههه )
(رح تبكي كتير بعد هالحكي وتترجاني اكتر هلق اول الشي روح افتاح باب البيت الحديد وشوف هديتك)
(لك مين انت وشو هالحكي الفاضي لا تكون مبعوث من شي جهة لتفشلي خطتي)
(انا ماني صغير ل العب هيك لعبة انا لعبتي اكبر بكتيير يلا روح احسن ما يصير شي مايعجبك)
علامات الخوف ظهرت ع وجهو وقف وطلع بسرعة كبيرة برا باب الفيلا لوصل للباب الحديدي الناطور اتفاجأت من شكلو اول مرة بيطلع ببجامة النوم
فتح باب الحديد وشاف علبة سودة خاف يفتحا رجع حط الجوال ع اذنو ( شوفيا قنبلة !!؟؟)
( هههههههههه غبي ورح تضلك غبي لو بدي اققتلك ماكنت
استعنت بقنبلة كنت شفيت غليلي فيك يا شيطان افتحا افتحا في مفاجئة حلوة اتأمل مفاجئتك منيح خمس دقايق وبدقلك )
قرفص ومسك العلبة انتفض من مكانو ورجع وقف بعيد ونادا للناطور (تعال شيل هالكرتونة)
وبسرعة لبا طلبو قرب منا وفتحا وهداك ودقات قلبو عم تتسارع
(يا بيك فيا ورقة)
العضوة: 743708 , 5 years ago
اع هلق) التفت حوالية لما حس خيال مرق قدامو ورجع يدور حوالين حالو بخوف وهوي عم يصرخ (بدك تقتلني اقتلني بس نغم ما ذنبا لساها ب اول عمرا وانا جاهز لنفذلك كل شي) خيالات عم تمشي حواليه متل البرق وسريعة كتير بتوحي هالخاطف عندو خبرة بهالمجال وحركتو خفيفة كل ما رفع الضو مكان الحركة تختفي وما يلحق يشوف اي شي اول ما رجع يمشي ارتما بقرب اجرو قطعة قاسية لدرجة وجعتو نزل الضو مكان اجرو وشاف كندرة بنتو .. هوي بتذكرا كتير منيح اشترالا اياها ب اخر سفراتو على باريس اخد نفس طويييييل وهوي عم يتأملا بهالليل الحالك وهمس (حاج تعذبني مين انت .. مييين !!) فتل راسو من كتر الحركة ووقع بالارض وخلال دقايق علبة مي مسققعة اتفرغت فوق وجهو وبسرعة رفع الضو بس شاف الخيال رجع اختفى وقف وصار يركض ورجع يصرخ (نغم نغم تعالي يا بابا) رن جوالو فتحو وسمع صوتو الهامس ( امشي عشر خطوات للامام .. وبعد اربع خطوات لليمين .. برافووووو .. بسسسس رجاع امشي للامام كام خطوة يلا 1 2 3 4 5 بسسسس .. رفاع الضو لفوق شوي ايوووووااااه) اول ما رفع الضو شهق من الشوفة يلي شافا.. وقف مكانو عم يرجف وحس قلبو صار بين اجريه لما شاف قدامو شكل نسر كبير محنط معلق من رقبتو بمشنقة والدم عم يقطر منو همس بخوف آآآ... الجزء #الثالث وقف مكانو عم يرجف لما شاف قدامو شكل نسر كبير محنط معلق من رقبتو بمشنقة والدم عم يقطر منو همس بخوف ( آسر) ( اووووو برافو شطوووور) هالمرة ما استعان بجوالو وقف قدامو وواجهو ( بهالسرعة عرفتني) بلشت ركبو تنحل وما قدر يحكي شي وهوي عم يشوف قدامو ظل اسود ضخم وكبير ( شو الهيئة لسانك اكلو القط .. نسيت كيف كنت عم تحكي هداك اليوم كان كل شي دقيق افكارك كانت خطيرة بس ما بعتقد اخطر من افكاري) (ااااااا .. انا.. اناااا)العضوة: 743708 , 5 years ago
قرب منو وضربو كف (انت خسيس ووضيع وكمان حقير كيف هان عليك تعمل هيك بطفل لك كيييف كيييف) مسكو من خوانيقو وبلش يهزو ما تركو الا لما شاف مقاومتو قلت وخاف يموتر بين ايديه بعدو عنو ورماه بالارض زحف بشكل عكسي ليبعد عنو وهوي عم يقلو ( معك حق انا السبب وانا بستاهل الموت بس نغم بنت بريئة مالازنب) (انت ونغم ما لازم تبقو عايشين) (لااااااا كل شي الا نغم انا عملت كل شي لعيشا احسن عيشة) (انتو بتعيشو ونحنا منندفن بالحياة) (اعميل يلي بدك اياه فيي اشنقني ولا اقتلني انا ما عندي شي اخسرو اصلا انا اخرتي يا مقتول يا مسجون) ( لاااااا ههه حلو الانسان يعرف شو قيمتو) حط ايديه ع وجهو وهوي عم يبكي لا حن قلبوا ولا رق قرب منو وضربو اول كف ولحقو بالثاني بلش يضربو بكل قوتو وبكل الاتجاهات فش ولو شوي من حقدو لعدة دقايق وتركو وراااح رنلو ع تلفونو فتح الخط ووقف وهوي عم يتلفت حواليه وسمعو عم يقلو ( لقائنا قريب يا شيطان استنى اللعبة الجديدة ليلة تعيسة) لف حواليه عدة لفات وهوي عم يصرخ ( لاااااااااء بدي نغم كيف بدي اطلع هلق بكفي تلفت اعصابي بكفيييييي) * اول ما وصل لبيتو فرغ كل غضبو بكيس البوكس المخصص لمهمة ً"تفريغ الغضب !!ً" دخل بسرعة اتحمم والتفت شاف الساعة صارت قريب الثلاثة رما حالو وحاول ينام بس ما غفيت عينو وايامو وسنينو عم تمرق قدامو متل شريط سريييع "البداية"____العضوة: 743708 , 5 years ago
"البداية"____ "قبل عشر سنوات" طيارة من ورق عم تطير وترفرف فوق بالسما الكبيرة ماسكتا ايد ناعمة كتير وعم تركض صرخت اول ما اجرا غدرت فيا ووقعت همست بصوتا الطفولي ( آسر ) ركض عليها بسرعة ومسكا من ايديها ووقفا همسلا ( عم توجعك ) هزتلو راسا ورفعتلو حواجبا سندا لقعدت عند اول حرف حجري ومسك حبل الطيارة وقلا ( اتفرجي عليي ) مسك الحبلة وطار فيا وهيي عيونا عم تراقبو وعم تفرك اجرا مكان الوجع رجع لعندا بعد ما غاب لدقايق معو كيس صغير قعد بقربا وهوي عم يقلا بخبث ( اخدتن من شجرة جارنا ما شافني هالمرة ههه) ابتسمت معو واخدت منو حبات الكرز وصارو ياكلو بمرح التفتت لعندو وقالتلو ( اليوم مافي شوكولا) شاف الساعة يلي ب ايدو ورجع قلا ( مابعرف هلق بشوف) بنفس اليوم بعد ما غابت الشمس الساعة 1:00 بعد منتصف الليل القمر متوسط السما وعاطي نور لهالعتمة .. صوت دعسات اجرين هادية كتير حط ايدو ع قلبو ليهدي دقاتو وب ايدو المسجل ليسجلو صوتو وتكون فيا نهايتو لياخد مكانو .. قرب من الشباك وهوي عم يمشي بخطى ثقيلة كتير .. وقف وشد حالو اكتر ليوصل لشق الشباك ليصير الحديث مسموع اكتر بعد دقايق صوت نباح الكلب خلا ابو كرم يفتح الباب ليشوف شو في ولمح ظل شخص ركض لورا المكتب مشي بعجل وشافو واقف ومتيبس مكانو متل الحطبة سحبو من كم كنزتو وجرو معو لقلب المكتب وهداك عم يترجاه ويقلو ( ما سمعت والله ما سمعت شي ) اول ما سكر باب المكتب رماه ع الارض وهوي بكامل عصبيتو: شو سمعت اه قلي شو سمعت (والله ما .. ما سمعت شي انا ما....) وقبل ما يكمل جملتو كان هاجم عليه وضاربو عدة بوكسات ع وجهو خلا الدم يطلع من تمو .. وقف وهدّى حالو شوي ورجع مشي ع مكتبو واخد سكينتو الخاصة بالسيجار ومدا عليهالعضوة: 743708 , 5 years ago
بدو يهددو فيا ليحكي كل شي بس هداك فطن قبلو ووقف التفتت حواليه وشاف قدامو نسر كبير محنط حملو وضربو فيه ع راسو دار حوالين حالو ومسك راسو ب ايديه التنين وهوي عم يضغط عليه ثانيتين ووقع ع الارض بمكانو وبلش دمو يجري بسرعة لحتى صار بركة كبيرة بلع ريقو بصعوبة كبيرة وهوي لسا ع الارض والنسر بايدو مرقت دقيقة كاملة وهوي ع نفس قعدتو ولساه مصدوم ..)) رجعو للواقع صوت المي من غرفة نغم اكيد عم تتحمم .. وقف ومشي ب اتجاه المطبخ وحطلا فطور بصحن ومعو كاسة حليب ودق الباب ما سمع ولا صوت معناها خلصت دخل وشافا قاعدة عالسرير عم تسرح شعرا ب اصابيع ايديها ما التفتت ولا رفعت راسا عيونا ع ارضية الغرفة وما عم ترمش حط الصنية بقربا وقلا ( شفت ابوكي) التفتت بلهفة وردت ( بابا!! عنجد!! هوي رح يعطيك كل شي بدك اياه اكيد) (بس هوي قال مابدو اياكي) ضيقت عيونا وردت ( انت كذاب بابا بيدفع روحو ليحميني) قرب منا ونزل راسو لمستوى راسا وهمسلا بصوت متدرج من الخفيف للعالي ( وانتي بتكذبي لتحمي ابوكي) بعدت عنو وفتحت عيونا ( شوقصدك ) طلع برا الغرفة بخطوات كبيرة ورجع دخل لعندا وحط قدام عيونا ورقة جريدة واضح إنا قديمة وقلا ( نسيتيني انتي بس ابوكي ما نسي) همست بقلق ( آسر) ( لااااا انتو الذكاء عندكن متوارث .. منيح فطنتي فيي برافووو) شهقت وحطت ايدا ع تما( ياااخ انت آسر نفسك هداك!!!! مستحيل سدق كذاب هداك آسر رفيقي وصديقي آسر قلبو طيب ما شرير بس انت خاطف وقاتل وكمان مارد) (مارد !!!) (اي مارد كبيييير وبتخوف) (بخوف !!!) (انا ما قاتل فهمانة) (اذا اول جريمة ما شفتا وكنت وقتا صغير بس هلق شفت كل شي بعيوني انت قاسي كتير ليش هيك اتغيرت وقسي قلبك) بعد عنا وقلا وهوي عم يخبط الباب (ابوكي كل الحق ع ابوكي) مضي يومو معكر كتير كان مفكر لما تعرف انو هوي آسر نفسو الطفل الصغير تفرح وتعرف شقد غلطت هيي وابوا بس هيي زودت النار جوا قلبو وبلش يخطط للعبة الجديدة وهالمرة لازم تكون شريرة اكتر من كل مرة لازم يفوتو ببعضو وحتى لازم يغير طريقتو بمعاملة نغم ابتسم بمكر وهوي عم يلعب بخصل شعرو القصيرة وغفي لعدة ساعاتالعضوة: 795957 , 5 years ago
حلوة كتيررر كملي متااابعتكالعضوة: 751275 , 5 years ago
كمليالعضوة: 771275 , 5 years ago
كمليالعضوة: 743708 , 5 years ago
متابعات بصمت يا حلوات تكرموا رح كملالعضوة: 743708 , 5 years ago
الجزء #الرابع بالليل اول ما غابت الشمس وبلشت السما تلبس فستانا الاسود الليلي .. بعد ما مضي يومو معكر كتير قضاه تقريبا اول ساعتين نايم والباقي عند البحيرة وما اتحرك من مكانو الا وقت قليل رجع مدد حالو ع الارضية وهوي عم يشوف السما من بين الاشجر العالية المتشابكة ببعضا عبر الزمن بشكل خرافي بقي يعد اغصان الشجر وهوي عم يتخيل منحيناتا ورجع لذاكرتو كمان مصرة ذكرياتي بهاليوم ما تتركو ابدا !!!! (( كانت كل الخطة بس يسجلو صوتو والتسجيل يوصل للجهات العليا ويصير هوي مكانو ابدا ما فكر تصير القصة جريمة قتل !!!!!! بلش ينظم نفسو ( شهيق .. زفير .. شهيق .. زفير ) واول ما صحي ع الجريمة يلي عملا وقف بمكر ورجع النسر مكانو بعد ما مسحو بتيابو رتب كل شي ومسح اثار البصمات طالع كفين من جيبتو وفتح الخزينة واخد كل شي منا وحطن بشنتة موجودة بقربهن الهيئة مجهزا ابو كرم للحاجة .. رجع مسح البصمات اول ما التفت ليفتح الباب ويهرب بس انصدم لما شافو واقف قدامو وهوي مصدوم وفاتح تمو وعيونو ع وسعن رجع بلع ريقو والعرق عم يزخ منو متل حبات المطر مسحا بكف ايدو وهوي عم يفكر كل يلي خطر ببالو عم يدور حول فكرة وحدة وبسرعة نفذا .. مشي لعندو ودخلو لجوا وقفل الباب وهوي عم يترجاه ومانو فهمان اي شي .. طلع بسرعة وامن ع المصاري والذهب خباهن بمكان امن واتصل بالشرطة وبقي رايح جاي قدام الغرفة ناطر ليتسكر كل شي اتكوم بالزاوية وهوي عم يشوف بركة الدم كلمالا عم تتوسع وتتوسع وريحة الدم عبت كل المكان .. شو رح يصير فيه يا ترى ليش هيك عمل عمو همس بخوف ( ياربي احميني ) خلال دقايق كان صوت سيارات الشرطة معبي المكان دخلو بعجل وهوي عم يحكي بصدمة ( شفتو يا سيدي انا شفتو كيف ضربو ) فتحلن الباب بالمفتاح ودخل وهوي مادد اصبعتو عليه ( هوي يلي قتلو هوي انا شفتو ضربو ع راسو بعد ما حاول يتحرش فيه ) الصدمة ما خلتو يحكي اي شي ابدا شب بعمر ال 15 سنة تقريبا مكوم بزاوية الغرفة وما طالع ب ايدو يحكي اي كلمة قرب منو الشرطي وقلو بهدوء ( شو عملك ) ما التفت عليه وحتى ما رد عيونو بس ع الشخص الميت قدامو وع بركة الدم التفت لعندو وقلو ( وين اهلو ) قلو ( ليكن برا )العضوة: 743708 , 5 years ago
طلع الضابط لبرا وشاف الكل اتجمعو الضابط ( مين اهل المغدور ) مشي ابو نغم ووقف قدامو وقلو ( هوي ما متزوج ولا عندو ولاد ) الضابط ( طيب وين اهل القاتل ) ابو نغم ( هداك ابوه ويلي جنبو امو ) وقعو ع الارض لما شافو الحكي موجه علين وعرفو انو ابنن القاتل .. مشي الضابط لعند الاب وسألو ( المغدور كان يتحرش ب ابنك ) رفعلو راسو وايديه وقلو ( ما بعرف ياسيدي والله ما بعرف) بعد ورجع للغرفة وخبير البصمات عم يرفع كل البصمات وعم يحللو كل شي وقف عند الباب وقلن لعناصرو ( خدوه ) طلع من الغرفة وعيونو بالارض ما رفعن ابدا لسا الصدمة طاغي عليه واهلو عن يمشو معو وامو كل شوي توقع وابوه يسندا لحتى غابت عن الوعي الخبر ملا المكان [ رجل الاعمال ابو كرم يقتل على يد ابن الطباخ بعد ما حاول التحرش به ] وبعدا بلشت تطلع اشاعات اكتر واكتر والاخبار التانية عن محاولات التحرش بغير اطفال .. بس بعد شو اكشفوه بعد ما مات !!! بعد عدة ايام من استجواب جميع اهل الفيلا والجريمة لابستو لبس بس وهوي ما قابل يعترف بالجريمة ابدا بس عم يقول ( بدي ماما بدي بابا ) جابو ابو نغم يلي اقنعن انو اسرارو كلا عند بنتو دخل ومعو بنتو نغم وقفت قدامو وهوي ابدا ما رفع عيونو من الخجلة .. ايديه مربطة متل المجرمين هوي يلي كان دائما يعلما لتكون قوية ويساعدا بكل شي واقف بهالمكان !! سألا الضابط ( انتي شفتيه عم يدخل كتير ع غرفة عمو ابو اكرم صح ) الفتت عليه ورجعت التفتت لعند ابوا يلي غمزا بعيونو ورجعت التفتت لعند الضابط وهزتلو راسا رجع قلا الضابط ( انتي متأكدة انو كان يدخل لعندو ) ردت نغم بصوتا الطفولي ( اي كل يوم كان ياخد من عندو شوكولاه ويعطيني اياها وكمان يعطيه مصاري) بسرعة الكل التفتو عليه وهوي قلن (انا ما قتلتو والله ما قتلتو) كمرات المراقبة كانت معطلة لهيك استعانو بكلام نغم بنت العشر سنين ليأكدو كلام ابوا انو ابو كرم كان يتحرش فيه لحتى بالنهاية قتلوالعضوة: 743708 , 5 years ago
ورغم كل الادلة بتوحي انو هوي القاتل بس هوي بقي ساكت واذا حكي بكون عم ينكر كل شي .. سنو الصغير ساعدو ليكون حكمو قليل وانحكم بس 12 سنة وقضية التحرش ساعدتو كمان لينزل حكمو لل 9 سنين..)) التفت لما سمع صوت سيارة وقفت بقرب سيارتو ضيق عيونو وهوي عم يشوف الشخص يلي وصل صرخلو من بعيد _ ولك بدي افهم ابوك ما عرف يسكن بغير مكان ضروري يتركلك هالبيت ذكرى منو قبل ما يموت طيب ع القليلة يكون مافي هالصخور كلا والله سيارتي اتعطلت كان عم يحكي هالجملة وهوي جاي ب اتجاهو آسر: غسان شو جابك لهون غسان: قلت ل اجي شوفك مشتقلك يا زلمي آسر: اهلين تعال ننزل ع البلد بدي جيب اغراض غسان: بالله شو هالتقليعة هاي انا جاي وهلق جايين الشباب آسرالعضوة: 743708 , 5 years ago
: شوووو اي شباب هدول غسان: انا بحياتي ما شفت حدا متلك بحب يعمل توحد لحالو لك الك شهور يازلمي حابس حالك هون يعني خلصت من اول سجن ورجعت حبست حالك ب ثاني سجن آسر: اكيد انا اتعودت دائما ابقى وحيد ولحالي شو بدك هلق غسان: جاي اققعد معك بهالرواق وجبت نفس اركيلة وهلق لاحقيني الشباب شهق وهوي عم يسحبو: لك شوووو اي شباب هدول تعال انا بدي روح ع قلب البلد بعد عنو غصب وهوي عم يركز تيابو وقلو: لك شو صرلك بعرف انت ما بتحب الخلطة وما بتشرب اركيلة بس والله وعدتن اخدن ع مكان غريب نسهر فيه وما لقيت حدا غيرك .. يلا آسووور وافق صار ينفخ كتير شي غضب وشي خوف وقبل ما يعمل شي كانو واصلين عدة شباب نزلو وهني عم يحكو ويضحكو بمرح .. فرشو السفرة بالارض عند البركة وفي عدة اراكيل وعشا خفيف كان قاعد بعيد عنن لعدة خطوات عم يراقب كلامن ومزحن وضحكن بخوف .. دخل مرة وحدة لعندا اتأكد من تلزيق تما وقفل الباب وحط المفتاح بجيبتو صوت ضحكن واصل لعندو وهالشي عم يوترو سمع واحد منن عم يقلو: تعااال جرب خدلك شفة اركيلة هيك بدك تبقى وحيد تعال حكيلنا شو صاير معك التفت لعندن وشاف غسان عم يسكتو وقف وعطاهن نظرة شاملة لكل شي ومشي ليبعد عنن ودخل بقلب الاعشاب الطويلة وغاب لعدة دقايق طويلة وقف واحد من الشباب وهوي عم يسأل غسان (وين الحمام) غسان: ما بعرف بقلب هالبيت جوا بتلاقيه وقف ومشي ودخل ع البيت وهوي عم يتفقد كل الغرف ليعرف وين الحمام اول ما مسك الباب سمع صوت انين طالع من غرفة تانية مشي ب اتجاها وهوي عم يتذكر كلام غسان عن آسر انو عايش وحيد طول عمرو لكن مين في جوا !!! حط ايدو ع مسكة الباب وحاول يفتحو بجرئة كبيرة وهديك زادت من انينا لما سمعتو عم يقول (مين في جوا) كانت من قبل عم تسمع صوت ضحكاتن ولقت الوقت المناسب لتخلص منو صارت تأن بصوت محجوز وهوي من برا عم يحاول يفتحلا البابالعضوة: 743708 , 5 years ago
بهالوقت رجع آسر لعند المجموعة وقف مصدوم وهوي عم يتذكر عددن آسر: غسان في واحد ناقص وينوو ؟؟ غسان :بالحمام مشي بخطى سريعة قريبة للركض وهوي عم يخبي خوفو وقلقو فتح الباب شاف البيت هادي كتير والشب طلع من باب الحمام ورفعلو ايدو وضل ماشي زفر نفس طويييييل وحس بالراحة زحفت لجوا قلبو رجع ينظم نفسو ورما حالو ع الكنبة وما عاد طلع ابدا وما غفيت عينو ل اتاكد من روحة الشباب رغم تقل دم غسان لينام معو وبالنهاية راح معهن وخلص منن كتير تعبان ما نام منيح الليلة يلي قبلا دخل لعندا وحطلا اكل خفيف وهيي عم تراقب بصمت وطلع وسكر عليا الباب ونااام كان كل يوم يطلع برا البيت ليجهز للعبة الجديدة وبيوم رجع ع البيت متأخر ب ايدو في اكل جاهز لان مالو مزاج يطبخ حطن ع الطاولة والتفت ع المطبخ ورتب الاكل بصحون وحطهن بصنية ليدخلا الاكل من لما اخر مرة بهدلتو وقالتلو انو مارد ما عاد يقرب منا او يحكي معا ابدا تعاملو هوي كلو مع ابوا وبس هيي ما دخلا بشي ليش خوفا منو من شو بدو ينتقم من طفلة !!!! وقف قدام باب الغرفة وشافو مفتوح شوي .. وقعت الصنية من ايدو وبسرعة دخل ع الغرفة ومالقاها بقلبا التفت حوايه وشافا قايمة قاعدة كل شي ما بمكانو يمكن صاير بهالمكان حرب .. مسك حبل الحديد وشافو كيف مقصوص بالنص وبقربو في فاس حديد معقول هالشي كلو هيي عملتو من ايمات عندا كل هالقوة !!!! عصب كتير وصرخ بصوت عالي ( رجعتي عملتيا يا بنت ابو نغم والله لجيبك والله ) طلع برا البيت متل المجنون عم يدور عليا لافي حس ولافي خبر بكل المكان دار حوالين البيت قريب العشر مرات وما اإلا اي اثر .. هيي ما بتعرف تطلع ابدا برا هالمكان اول شي خطر ع بالو جوالا الموجود جوا البيت ركض ولقاه مكانو بدرج بقرب سريرو اخدو وحطو بجيبتو وطلع وركب بسيارتو واتوجه ع بيت ابوا .. كان الطريق طويل وهوي توترو عم يزيد اول ما وقف عند الباب مشي ونط فوق السور وشاف الناطور قاعد بغرفتو بقرب الباب والبيت هادي كتيرالعضوة: 743708 , 5 years ago
اول شي عملو اتصل ب ابوا ليجس نبضو (الو قررت ترجعلي بنتي لان لسا ما صار يوم الثلاثاء الله يخليك هيي مالا زنب ابدا رجعا واعمل يلي بدك اياه فيي) اتطمن انو بنتو ما رجعت لعند ابوا رجع لصوتو القديم وقلو ( حضر حالك للعبة الجديدة ليلة سعيدة) بقي اسبوع وهوي عم يراقب كل شي من مكان لمكان بيتو وبيت اهلا وحتى بيت جدا يلي بالضيعة راح عليه .. وين اختفت معقول انشقت الارض وبلعتا او متخباي منو !! حالة ابوا ع حالا لو صارت ب امان ع القليلة كان خبر الشرطة او بين التحدي عن طريق كلامو الاتصال معو كلن كلو تَرجي رجع ع بيتو حزين ومهموم هوي ما كان قصدو يأذيها هوي بس بدو يعاقبا ويفرجي ابوها انو الطفل اتغير وصار رجال قوي ليستعيد حقو اسبوع تاني مرق وهوي بالبيت قاعد بقرب بركة المي هلق بهالوقت ببلش ذوبان الثلوج والبركة منسوب المي فيا عم يعلا وعم تتحرك شوي بس هوي قاعد وجامد وافكار تاخدو وافكار تجيبو كان عم يفكر يترك البيت ويروح لان لو خبرت الشرطة ع مكانو رح يحبسوه بس هوي ما همو شي اصلا ما عمل شي هوي بس كان عم يربيا وهويالعضوة: 743708 , 5 years ago
بنص معمة افكارو اتذكر لما اجا غسان ورفقاتو وقف ومشي بسرعة وركب بسيارتو واتوجه لعند غسان نزل من السيارة ودخل ع محلو لاحظ غسان توترو وشحوب وجهو قرب منو وقلو: آسر شبك صاير معك شي آسر: لا بس تعبان شوي .. هلق بدي اسألك رفقاتك يلي اجو لعندي بتوثق فين غسان: لا والله الحقيقة كلن زعران آسر: انت طبيعي يعني كيف بترافق هيك ناس حشاشين غسان: انا ما برافق حدا هني بيجو لعندي بتعرف خريج حبوس .. بس نجي للحقيقة انت الوحيد يلي انا صاحبتك مع انك يا زلمي كنت واحد سميك وغليظ ما تنطاق هز راسو وابتسم ابتسامة صغيرة ما بحب يتذكو هيك ايام وهلق في شي اهم غسان: اي ما قلتلي شو بدك برفقاتي آسر: الصراحة مفقود من عندي شي غالي عليي وشكيت فين ضيق عيونو وقلو: مصاري آسر: لا غسان: ذهب الماس آسر: كمان لاء غسان: اي ما ضل اغلى من هيك هههههههههه آسر: مشان الله بلا بياختك هلق قلي هاد يلي فات ع الحمام بتوثق فيه غسان: ملهم ما كتير آسر: طيب خدني لعندو خليني اسألو غسان: طيب امشي بس ما بعتقد يسرق شي غالي بحب المصاري وهالشغلات بس .. تعال ما بدا سيارة الشغلة ليك محلو قريب مشيو سوا لوصلو للمحل واول ما شافن رايحين ب اتجاهو وشاف ملامح وجه آسر ترك كل شي من ايدو وطلع برا المحل بس لياقة آسر كانت مساعدتو كتير وقدر يمسكو بسرعة. غسان: ولاه شو اخد من عندو شو عاملو قبل ما يحكي اي شي سحبو من خوانيقو وحطو بالسيارة وهوي عم يحاول يفلت منو ويضربو وقف السيارة لما ما عاد يقدر يسوق من كتر الضرب وخفت العجقة شوي .. سحبو ونزلو من السيارة وقلو : وينا بلع ريقو بصعوبة وقلو: مين هاي آسر: لا تجنني ولااااااه قلتلك وينا