ها هي الآن (آسيرته)ُ وبين يديه
هاي هي كما يذكرها جميلة ورقيقة وحساسة .. ولكنه يعرفها.. متعجرفة وكاذبة وشيطانة
ها هو الآن( آسِرُها )وبين يديه
ها هو بطوله الممشوق وضخامة جسده الجديدة التي تخيفها .. ولكنها لم تعرفه أبدا كما عرفته في الماضي
عاد ليس كما ذهب عيناه أنعمت عن كل شي إلا عن الماضي الأليم
هيي السبب !! نعم هيي ولا أحد غيرها ولكنها تكذب كعادتها وتأخذ دور الضحية
هل هيي حقا الضحية أم لا هي الصيادة؟؟
هل هو صادق أم لا هو كاذب؟؟
.........................................................................
الجزء #الأول (1) :
يوم الثلاثاء #الساعة 1:00 بعد منتصف الليل
شلح جاكيتو الجوخ ورماه ع طرف الكنباية واتمدد جوا سريرو واتنهد بهدوء وهوي عم يتذكر انجازاتو بهاليوم الحافل الحياة ضحكتلو كتير انجاز ورا انجاز
ابتسم وهوي عم يركز راسو ع المخدة وهمس (حلوة الحياة هيك .. هيك وبس)
رجعو من شرودو رنة تلفونو شاف مكتوب رقم خاص
فتح الخط ورد بملل (الو مين معي)
رد عليه بصوت بيشبه فحيح الافعى (انا ظلك)
فتح عيونو ورد(شووو مين انت)
رجع كمل بنفس اللهجة (انا قدرك)
ضحك بصوت عالي وقلو ( عم قلك مين انت)
رجع كمل بنفس اللهجة (انا الموت
قبضو قلبو من اخر جملة بلع ريقو وسكت لثواني ورجع ضحك ليخفف من التوتر (لا يااااا.. احكي غير هالحكي لا تكون الكمرة الخفية ولا شي مزحة هههههه )
(رح تبكي كتير بعد هالحكي وتترجاني اكتر هلق اول الشي روح افتاح باب البيت الحديد وشوف هديتك)
(لك مين انت وشو هالحكي الفاضي لا تكون مبعوث من شي جهة لتفشلي خطتي)
(انا ماني صغير ل العب هيك لعبة انا لعبتي اكبر بكتيير يلا روح احسن ما يصير شي مايعجبك)
علامات الخوف ظهرت ع وجهو وقف وطلع بسرعة كبيرة برا باب الفيلا لوصل للباب الحديدي الناطور اتفاجأت من شكلو اول مرة بيطلع ببجامة النوم
فتح باب الحديد وشاف علبة سودة خاف يفتحا رجع حط الجوال ع اذنو ( شوفيا قنبلة !!؟؟)
( هههههههههه غبي ورح تضلك غبي لو بدي اققتلك ماكنت
استعنت بقنبلة كنت شفيت غليلي فيك يا شيطان افتحا افتحا في مفاجئة حلوة اتأمل مفاجئتك منيح خمس دقايق وبدقلك )
قرفص ومسك العلبة انتفض من مكانو ورجع وقف بعيد ونادا للناطور (تعال شيل هالكرتونة)
وبسرعة لبا طلبو قرب منا وفتحا وهداك ودقات قلبو عم تتسارع
(يا بيك فيا ورقة)
العضوة: 743708 , 5 years ago
خطفا من ايدو ودخل جوا البيت بخطوات قريبة للركض واول ما سكر الباب رما كل محتويات العلبة ع الطاولة الموجودة عند الباب مسك بين ايديه ظرفين بيض فتح الاول وضرب ع راسو لما شاف صورة بنتو مربطة بالحبال وما ملزق ونايمة ع القاعد ومرمية ب ارض غرفة ما بتشبه ابدا الغرف .. رما الصورة من ايدو وركض وطلع ع غرفتا .. كيف هيك نسي يتفقدا اليوم !! .. فتح الباب وشاف الغرفة معتمة وفاضية صرخ بأعلى صوتو ( نننننغغغغغم ) خلال ثواني التمو على صوتو الخدم يلي كانو نايمين ( شو في يا بيك) ( نغم ايمات شفتوا اخر مرة) (اتعشت معنا وبعدا طلعت ع غرفتا لتنام) (لك يا اغبياء نغم ما بالبيت ما بالبيت) ركض وصرخ للناطور وقبل ما يوصل كان جوالو عم يرن رجع ركض لعند الطاولة وفتح الخط ورد بسرعة(لك يا حقير يا واطي شو عملت ببنتي) (بنتك بالحفظ والصون كأنك ما شفت الصورة التانية) فتح الظرف وشاف فيا صورة الو مع جماعة ب اخر تهريبة (لك يا حقير كيف وصلتلي) (ولووووو تكتيك خاص رح تتعرف عليه عن قريب) ضرب الطاولة يلي قدامو لحتى انكسر لوح الزجاج الموجود عليها وهمس وهوي عم يشوف الدم عم يتسرب من بين ايديه نقطة ورا نقطة (شو بدك مني) ( بنصحك ما تخبر الشرطة والا صورتك رح تعبي كل الجرايد بكرا وتحتا عنوان حلو متأكد رح يعجبك .. لا تلعب بديلك فهمان .. ليلة سعيدة ) سكر الخط والنار فائقة جواتو بنتو كيف تركا وما شافا لك كيف .. شقد هوي مستهتر !!!! طالعو من معمعة افكار الناطور وهوي عم يضمضلو جرحو ويلفلو اياه مانامو ولا غفلت عينن وبقي ناطر اتصال جديد يوم ويومين والثالث ما بينلا اثر ولا رجع اتصل الشرطة صار عندا خبر ب اختفاء البنت من الخدم دخلو البيت وهني عم يسألو عن اختفاء نغم وهوي ما جاب سيرة الاتصال ولا الخطف ع اساس بنتو هربت بسبب مشكلة بيناتن وما بيعرف لوينالعضوة: 743708 , 5 years ago
مرقو عشر ايام وهني ع اعصابن والجوال قدامن ليل نهار والساعة 1:00 بعتلو مسج [انا نبهتك ما تخبر الشرطة بس انت غلطت والشرطة عرفت .. وانا جهزتلك مفاجئة جديدة موجودة برا عند باب البيت] ركض ع الباب بهستيرية وعقلو عم يوصفلو اشكال الون معقول يكون عملو شي ببنتو اول ما فتح الباب اجت عيونو ع الارض وشاف علبة كرتون كبيرة كتير قلبو بلش يدق بسرعة حتى صدرو صار يطلع وينزل من الخوف قرب وفتحو شوي شوي لمح اجر صغيرة موجودة بوسط كومة من القماش المقطع بلع ريقو والاحساس عندو اختفى همس بخوووف (نغم) ضرب وجهو ب ايديهالعضوة: 786580 , 5 years ago
كمليالعضوة: 743708 , 5 years ago
وهوي عم يقول ( انت السبب اعمالك هيي السبب بتعذيب بنتك) مد ايدو ليمسكا بس بسرعة عرف إنا اجر من قماش ما كانت واضحة من العتمة .. زفر نفس طويل كان حابسو جوا قصبات صدرو شدا بين ايديه وحاول يشقفا وينتفا صرخ بصوت عالي ( انت هون بعرف انك هون بس والله ل ربيك عم تلعب ب اعصابي يا حقير) لحسن حظو الفيلا معمرة بعيدة عن السكن وحواليه كلا اراضي زراعية تابعة الو يعني ما حدا رح يسمعو ولما سكت رن تلفونو ( المرة الجاي رح تكون اجر حقيقية ترا ها دير بالك) ( ليك ولاه انا ما عاد اتحمل اكتر من هيك طلاع واجهني ان كنت رجال) (له له له شبك عمو ابو نغم لسا اللعبة باولا طول بالك خليك ريلاكس خدلك سنيكرز ) شهق ورجع قلو( عم تتمسخر لك شايف الوقت مناسب يا حشرة والله لربي فيك القرود السود) ( لااا هاي ما رح سامحك فيا يمكن بنتك اليوم تنام وحواليا كلبين متوحشين ومابعرف اذا رح يخلو شي من لحما ما بنهشوه) ( لا لا الله يخليك خلص ما عاد احكي) (المفاجئة لسا ما خلصت شوف سور الفيلا ع اليمين واليسار ) التفت بسرعة وعيونو بلشت تتوسع ع هالشوفة صورتو ب اخر عملية تهريب منشورة بكل المكان وع كل الحيطان صرخ فيه ( لك يا حقير) حط الجوال بجيبتو ركض وبلش يشيل الورق ويعصرا ويشقا بين ايديه ونادا لكل يلي بالفيلا يساعدوه مشط كل الشارع روحة ورجعة لحتى انتهت كل الاوراق وهوي ع اخر نفس رجع حط الجوال ع اذنو اول ما رن وسمع صوتو (انا نبهتك ما تخبر الشرطة اوعك تعيدا)العضوة: 743708 , 5 years ago
(والله والله هدول الخدم انا مالي علم خلص بوعدك بوعدك قلن إنا سافرت بس ما تعمل معي هيك سمعتي كتير بتهمني كتيييير) (بكرا خبر سفرا بكون معمم ع الكل ولابدي تعيد هالشي والا بنتك بتنقص قطعة وبتلاقي القطعة بعلبة مرتبة متل مقامك يا بيك) هز راسو بسرعة وهوي عم يردد ( حاضر .. حاضر .. حاضر) ( افف قبل ما سكر تبقى دور حوالين البيت وكمل لم ورق) (شوووو) (اي طولة بالي كانت كبيرة اليوم لحسن حظك والا الصورة كانت هلق بين ايديهن .. ليلة سعيدة) شد شعرو ب ايديه وهوي عم يسب حالو ورجع يركض اسرع من الاول والخدم يركضو معو وتاني يوم خبر الشرطة انو سافرت ع الضيعة لعند بيت جدا لان متزاعلين وهوي فكرا هربت يمكن سدقو ويمكن لاء بس المهم هلق حياة بنتو وسمعتو المهنية بقي ناطر كتير ببيتو لا ياكل ولا يشرب ولا حتى ينام وحالتو من سيئة ل الاسوأ * "بعد شهر" يوم الثلاثاء الساعة 1:00 بعد منتصف الليل طلع من بيتو الغريب ومشي مسافة طويلة ليصير في تغطية واتصل ع الرقم الوحيد الموجود ع الجوال يلي جابو بطلوع الروح وهمسلو ( اكيد اشتقتلي ) رد بلهفة ( رقم خاص طيب حط رقم عادي بدي نحكي اتفاوض معك هيك شهر ما بعرف وينا بنتي لك قول شو بدك وانا جاهز لكل شي) رد عليه بصوت خشن ( اول الشي ما تفرجي اي حدا حواليك انك عم تحكيني لازم الخدم يسدقو انو بنتك هربت وبس) (لك انت كيف عم تعرف كل شي) ما رد عليه وكمل ( وتاني شي اذا بدك بنتك لازم تلعب اللعبة يلي خططتلا ) ( شووو !! عن اي لعبة عم تحكي ومين انت ووين بنتي والله لجيبك حتى لو كنت تحت سابع ارض ) همسلو ببرووود ( له له له لاااا تحكي حكي مانك قدو .. ما لصالحك تغلط بالكلام ) ( طيب طيب بعطيك كل شي بدك اياه بس الله يخليك خليني اسمع صوتا ) ( امممم بفكر ) ( شقد بدك قلي والله بعطيك كل شي بملكو ) ( له له نحنا ما منلعب بالصغير بدي شي اكبر اكبر بكتير )العضوة: 743708 , 5 years ago
( قلي شو وانا جاهز) ( بدي روحك ..) علامات الخوف الرهيبة ظهرت ع وجهو الاحمر وهمس بقلق ( شوووو!! ) ( اي وكمان هاي ما بتكفي يا خسيس يا شيطان ) سكت وكأن عم يفكر وبعدا سمع صوت طووووط طويلة وعرف انو الخط اتسكر .. اخر افكارو وذكرياتو خلتو غصب عنو يعصب بزيادة حط الجوال بجيبتو وركض .. لبس كف الملاكمة وصار يفش غلو بكيس الملاكمة المعلقو بقرب باب البيت.. وهالصوت وصل ل اذانا وخلا بكاها يزيد.. وخوفا بهاللحظة طغى ع كل مشاعرا ما عم تنسى هديك اللحظة لما قتل قداما شخص بريق مالو اي ذنب عضت ع شفايفا وهمست بخووف (معناها هلق جاييني الدور !!!!!) * اتمدد بالسرير وهوي عرفان بهاليوم رح يتصل متل عادتو صار مارق شهر ويومين وصار يوم الثلاثاء وكمان بهالوقت الساعة 1:00 تماما اول ما تكت الساعة وصلو المسج [ اكيييييد اشتقتلي اللعبة رقم 1 بدك تنزل ع حديقة البيت وتنكش التراب الموجود كلو ورح تلاقي هدية صغيرة ملفوفة بكيس اسود .. بلشت المهمة نص ساعة ومكافأتك رح تكون صوت بنتك يلا انطلاااق ] وقف بملل والتعب واضح عليه ضعفان كام كيلو وعيونو اتحاوطت بهالات سودة من قلة النوم الخدم كلن قلعن وباقي بس الناطور ليحميلو باب البيت .. حملتو الانتخابية باقيلا عدة اسابيع وهوي اهملا ع الاخر اتطلع ع الساعة قدامو وشاف مرق خمس دقايق وهوي عم يفكر بهالشهرين شو صار معو .. اصعب شهرين بمرو بكل حياتو نزل بسرعة وحمل اداة مخصصة لنكش التراب خشبة طويلة وفي براسا عدة اسنان متل الشوكة بس كبيرة ركض وبلش يحفر بكل مكان نص ساعة والحديقالعضوة: 743708 , 5 years ago
صارت خرابة والتراب انتشر بكل مكان .. واخييييرا لقاها وقع ع الارض لما مسكا ب ايدو قطعة صغيرة كتير ملفوفة بكيس اسود عدة لفات .. قعد ع الارض وهوي عم ينظم نفسو والناطور واقف وراه ركض جبلو كاسة مي لما شافو شهق عدة شهقات ورا بعض .. شربا كلا شفة وحدة بلش يفتحا ب ايدين عم ترجف لحتى بالاخر انفتحت دقق نظرو منيح وبعدين بلشت تتوسع نظرة عيونو همس من وراه الناطور (شوهاد!!!) الجزء #الثاني (2) : (شو هااااد!!) (شوكولا.!!!) ( شو يعني يا بيك) (مابعرف .. مابعرف والله ل ادفنو ب ارضو بس القطو) (يا بيك خلينا نخبر الشرطة) (لاااا شو شرطة انا سمعتي بتهمني كتيير وحياة بنتي مهمة كمان لك هالانسان شيطان ما شايف كيف عم يلعب ب اعصابي اكيد رح يعمل شي ب نغم اذا ما نفذت كل طلباتو .. انا قلعت كل الخدم مشان ما يخبرو الشرطة او لي حدا وما بقيت الا انتي لان بوثق فيك بس رح اوصلو بتشوف) (بس يا بيك انا خيفان تكون نغم يعني...) التفت عليه وقلو بخوف (يعني شو) بلع ريقو وكمل (يعني بعيد الشر يكون عامل فيا شي) كز ع سنانو والفكرة خلت قلبو يوقع بين اجريه .. وقف وعصر حبة الشوكولا بين ايديه سكت لثواني كأن عم يفكر ومشي قعد ع طرف سريرو وهوي مهموم صورة مرتو وبنتو بقرب السرير مسكا وضما ب اول ايد وبالايد التانية بلش يتلمس وجوهن وهمس ( الله يرحمك يا كوثر منيح ما كنتي معي بهيك وقت والا كنتي انفلجتي) رجع مسح ع وجه بنتو وهمس ( انا وعدتك احميكي طول عمري وكون الاب والام يلي خسرتيا من سنين بس سامحيني شغلي اخدني منك) طالعو من شرودو رنة الجوال فتح الخط لما شاف رقم خاص واول ما سمع صوت بنتو ابتسامتو بلشت تتوسع( بابا .. بابا) رد بلهفة اكبر من لهفتا ( نغم ياروح بابا كيفك عم يوجعك شي عملك شي هالحقير) (لاء لا تخاف مافيني شي حباب بدي اطلع من هون انا قاعدة بحبس..) سحب منا التلفون وقلو (انتظر اللعبة الجديدة) (ما بكفي قول شقد بدك مصاري ولا بدك اسحب ترشيحي من الحزب والله بعمل كل شي بدك اياه) ما رد ع كلامو سكر الخط اول ما قلو (ليلة سعيدة)العضوة: 743708 , 5 years ago
"بعد مرور شهر" مدت جسما وهيي قاعدة ع ارضية الغرفة الخشبية وحاولت تزحف ع بطنا لوصلت للثقب الصغير يلي بتشوف منو النور بهالغرفة المعتمة .. رفعت جسما شوي وقعدت وركنت ظهرا ع صندوق خشبي قديم كل يوم بتقعد هالقعدة بعد ما تسمع صوتو نفسو المنتظم برا .. غمضت عين وفتحت عين وهيي عم تحاول تشوف شو عم يعمل برا. شهقت لما شافتو حامل صخرة كبيرة وعم يرفعا عن جسمو ويرجع ينزلا وهوي عم يعد الارقام بانتظام اول مرة بيتدرب بهالقوة .. رجع حطا بالارض وعمل عدة حركات تمرين الضغط .. اتمدد بعد ما تعب وايديه وجعوه من حمل الصخرة رجع انتفض ووقف وهوي عم يركض من مكان لمكان ب انتظام وبالاخر شلح كنزتو ورما حالو بالبحيرة الصغيرة الموجودة عند البيت سبح لدقايق بعرض البحيرة روحة ورجعة .. وطلع نفض جسمو وشبك اصابيعو بخصل شعرو المطعجة ليبعد عنن قطرات المي وقعد عند البحيرة بهدوء هالجو بحبو كتير هاد عالمو الخاص الو وبس ولحظات الهدوء هاي بتسوى عندو كل الدنيا .. ربع اجريه وربط ايديه ببعض هاي رياضة اليوغا يلي اتعلما من رفيقو قعدة هادية .. نفس منتظم .. واستجمام بريحة الهوا النقية. حزنت ع حالا اول ما شافتو هيك حر بيعمل كل شي بدو اياه وبروح وين ما بدو وهيي هون وحيدة بهالمكان ما بتعرف ليش هيي هون وكيف وصلت ووين هالمكان الساحر الغريب .. خضار مملي المكان من سهول وجبال ووديان وفوق هيك في بركة نهر راكدة بتتحرك بعدة مواسم بس او بعد زوبان الثلوج .. بحيرة خلابة ما بتشبه ابدا اي شي شافتو كل حياتا بركة متوسطة المكان وحواليها ورد وزرع من كل الالوان والانواع .. مرسومة ع شكل غيمة كبيرة بتشك انو بداخلا اسماك منوعة متل البحيرة القريبة من بيتا بس يلي عم يثير اعجابا اكتر كل نهار بيلعب بطريقة جديدة عضلاتو عم تنبنى بقوة وضخامة اكبر وهالشي مخوفا جسمو يوم عن يوم عم يكبر اكتر واكتر معقول عم يتدرب مشان يعمل فيا شي ولا بس ليحافظ ع جسمو.. اول ما سمعت صوت باب البيت اتسكر صحيت من شرودا وبسرعة البرق رجعت مكانا واتكومت ع الاض بقرب سريرا الخشي سحبت اجريها وزمتن ع بعض ودخلت راسا بقلبن ونزلت شعرا لتخفي ملامح وجها .. بعد دقايق دخل وبايدو صنية اكل عبارة عن صحن رز مسلوق وبقربا صلصة حمرا ما بتعرف شوفي بقلبا ومزينة بعدة قطع من اللحم وكاسة ميالعضوة: 743708 , 5 years ago
رماها بقربا ع الارض وسكر الباب بعد نص ساعة رجع شافا لساتا متل ما هيي قاعدة وصحن الاكل بقربا .. دخل وقعد ع الكرسي الوحيد الموجود بالغرفة ولف اجر ع اجر وبلش يهز فين بسرعة ما اتحركت ابدا بس هوي زاد سرعة الهزة لحتى الارض الخشبية بلشت تهز من تحتا .. وعرفت شو بدو منا لا اراديا اول ما رفعت راسا ومن بين خصل شعرا المهملة شاف نظرة عيونا الجاحظة .. ما بينكر إنا خوفتو ولو لثواني هوي بيعرف إنا شيطان وشيطان كبير لهيك ما عاد اتأثر بشي وقف وحمل الصنية وحطا قداما مباشرة وقلا جملة وحدة ( انا جايبكالعضوة: 743708 , 5 years ago
لعذبك ما لموتك من الجوع بدي ارجع لاقي الاكل كلو خالص ما تخليني حممك فيه) كزت ع سنانا بعصبية وديقت عيونا وردت بحدة ( انا ما عبدة عندك فهمااااان واكل ما رح اكل ) سكتت اول ما شافت نظرة عيونو الشرسة الا عدة شهور عندو وعرفت اطباعو ما عم يروح من بالا منظر الرجال بالارض ومرتو مرمية فوقو مدت ايدا واخدت المعلقة واكلت اول لقمة ورجعت قالتلو ( طيب بس فهمني شو بدك مني انا تعبت كتير ) بعد عنا ووقف وحط ايديه بجيبتو ( رح تعرفي بالوقت المناسب ) رمشت بعيونا بخوف وقالتلو ( بس انا الي زمان هون لازم ارجع لعند بابا بكون خيفان عليي ) مشي خطوتين ب اتجاه الباب ولف لعندا وقلا ( وهاد المطلوب ) رمت المعلقة اول ما سكر الباب وبلشت تصرخ وتبكي ( حقير .. واطي .. جبان قول شو بدك مني .. والله لدفعك التمن غالي ) فتح الباب ومد راسو وقلا ( قلتي شي ) هزت راسا يمين وشمال ورجعت غاصت بين خصل شعرا .. كل القوة يلي عندا عم تختفي شوي شوي اذا ضربت عم تتوجع من دون فايدة واذا صرخت عم ينبح صوتا وكمان من دون فايدة ما حدا رح يسمعا ولما هربت كمان ما استفادت قدر يرجعا وب ايد وحدة كمان زفرت نفس طويييييل وشافت الاكل قداما زقزقة معدتا زادت جوعانة كتير والمعلقة بعيدة كتير نزلت راسا وسحبت الحبل الحديدي وزحفت وحاولت توصل للمعلقة بس المشكلة هيي بزاوية الغرفة والحبل طويل بس ليوصل للحمام الصغير الموجود بزاوية هالغرفة وما بيوصل ابعد من هيك مسكت المعلقة بصعوبة بطرف اصابيعا ورجعت تاكل وهيي عم تسبو وتدعي عليه طلع برا البيت معصب كلماتا نخرو جوا دماغو اتطلع ع التاريخ بجوالو وشافو يوم الاحد همس (لسا باقي يومين افف ع الملل لازم نكمل اللعبة) ركب بسيارتو العالية المخصصة لهيك مكان كلو صخور هاد الشي الوحيد يلي بقيلو من ابوه مع البيتالعضوة: 477598 , 5 years ago
كملي حبابهالعضوة: 768521 , 5 years ago
متابعةالعضوة: 782632 , 5 years ago
@user-743708 رفعالعضوة: 743708 , 5 years ago
بعد يومين صار يوم الثلاثاء وكمان بنفس التوقيت بعتلو المسج [ اللعبة رقم 2 بكرا الظهر بتروح ع المكتبة الرئيسية يلي بجنب الجبانة بتدخل ع قسم الكتب البوليسية الموجودة بهالمكتبة وبتفتحن كتاب كتاب ورح تلاقي رسالة بقلب شي كتاب رح تعجبك اكيد ] شد ع الجوال اول ما قرا الرسالة ماكان قدران يتصل بالشرطة ولا يحكي شي الممنوعات يلي عاملا بحياتو رح تخرب كل شي عليه وفوق هاد كلو حياة بنتو الوحيدة هلق اهم.. تاني يوم بقي عدة ساعات عم يدور بين صفحات الكتب البوليسية الموجودة بهالمكتبة وبالاخر زفر نفسو ومسح عرقو لما شاف الورقة فتحا وشاف فيا جملة وحدة [برافو بلشت تفكر بحياة بنتك وحياتك خليك جاهز للعبة التانية] التفتو كل الناس الموجودة عليه لما صرخ بصوت عالي ومشي ما شايف قدامو وهوي عم يعصر الورقية بين ايديه وهمس بصوت مسموع ( والله ل ادفنك ب ايديي بس اخلص منك يا كلب انا تتحكم فيي ولك انا كنت لعب الكل ع اصابيعي ) "بعد مرور شهر" من الروتين والتعب النفسي واللعب بالاعصاب بنفس اليوم وبنفس التوقيت وصلو المسج [اللعبة رقم 3 روح ع الغابة الموجودة ع يسار الاوتوستراد بعد الجسر التاني ع اليمين وهونيك رح تشوف بنتك] نفخ بقوة وهوي ماسك الجوال ب ايدو وانتفض لما رن .. فتح الخط بسرعة وبلش يحكي ( ليك ولاه رح روح بس اذا بنتي ما بتكون هونيك رح خبر الشرطة والله ل اسجنك ودفعك التمن انا ماني صغير لتلعب معي انا بلعب بالناس ما الناس بتلعب فيي) ابتسم بخبث وقلو ( هالحكي كان زمااان وكام مرة علمتك هالكلام ما لمصلحتك اببدا ليش مخك سميك روح روح انا ناطرك ) ( يعني رح شوفك واعرف مين انت وتقلي ليش هيك تعمل معي ) ( اممم ما بتوقع رح تفرح بشوفتي يلا حاج حكي فاضي عيرتلك الساعة بعد نص ساعة اذا ماكنت موجود بتنقص بنتك قطعة شو بتحب الايد ولا الاجر) (لاااااء ببوس ايدك يلا ليكني طالع) (ولا تنسى تجي لحالك والاااا انتي بتعرف) (اي بعرف بعرف) خلال عشر دقايق كان وصل مكان ما حددلو نزل من سيارتو ووقف عند السور الاسمنتني ورن الجوال (الو اي انا هون بعد الجسر الثاني..) ( شايفك شايفك لاالعضوة: 743708 , 5 years ago
( شايفك شايفك لا تكثر حكي نط فوق السور ودخول جوا الغابة) (بس الدنيا عتم ما بشوف شي) (التفت لوراك وخود الضو الموجود ع الارض) وبالفعل لما التفت شاف بيل صغير (انتي هون قريب مني) (تؤتؤتؤ لا تكثر حكي بنتك جوا مربوطة ع شجرة عالية كتير لحقا قبل ما يجيا شي ضبع او خنزير .. يلا 3 2 1 انطلااااق) دخل بين العشب بسرعة البرق وهوي عم يتعثر بمشيتو .. شارع عشبي فاضي من كل الناس وكل ما مشي اةتر كثافة الشجر والنسب عم تزيد اكتر واكتر .. بلش يصرخ بصوت عالي ( نغغغغغغم .. بابا وين انتي) بعتلو مسج [وطي صوتك ياحمااار والا بدك الشرطة تجي تشوفك هون عم تهرب كمية مخدرات] بلع ريقو وحط ايدو ع تمو وكمل مشي لجوا هالمكان الغريب كل ما شاف شجرة كبيرة يدور حواليها عل وعسى يشوف بنتو مرق اكتر من نص ساعة من دون ما يلاقي شي رما حالو ع الارض ليلقط نفسو خلال ثانية وحدة مابيعرف من وين عم ترتمي فوق راسو قطع حجر صغيرة وقف وصار يدور حوالية (لك شوبدك مني واجهني تعال واجهني يا جبان خليك رجال وطل