العضوة: 743708 , 5 years ago

شهر كامل والدكتورة عم تحاول تاخد منا الكلام او حتى ترجع شوي طبيعية دائما تعبانة وكلاما ملخبط فتحت الباب ودخلت ب ابتسامة وهيي عم تقعد بقربا قالتلا: لاا اليوم الهيئة مرتاحة التفتت لعندا وقالتلا: اكيد مرتاحة انتي وجهك ومعاملتك بريحو كتير ما قلتيلي بابا ما رجع من السفر قبل ما يجي المارد يحبسني هزت راسا ورجعت قالتلا: بس يرجع فورا بدو يجي لهون لا تخافي هزت راسا بملل وردت وهيي عم تلتفت لجهة الشباك: بابا مستهتر بس ما كل هالقد كان قبل يدير بالو عليي بس ب اخر فترة التهى باشغالو وحتى لما خطفني المارد ما سأل عني التفتت لعندا وقالتلا: معقول بابا ما بحبني!!؟؟ ماعرفت شو تجاوبا حاولت تغير الموضوع وسألتا: شو كان اسمو ابنك التفتت كأنا ما فهمت شو قالت ورجعت نكست راسا بين اجريها المكومين فوق السرير مها: طيب احكيلي كيف خطفك رفعت راسا وهيي عم تفكر قربت منا وسندتلا ظهرا ع المخدة ورجعت سألتا: كيف خطفك المارد ال جزء #السادس غمضت عيونا لثواني ونطقت من بين اسنانا: كانت الساعة 10:00 باليل لما اتسللت من البيت وطلعت ع مكاني الخاص عالمي انا وبس السما صافية كتير بهاليوم عدة نجمات التفو حوالين البدر الكبير صوت صراصير الليل مع الضفادع عاملة مزيج خرافي بهيك مكان النهر راكد اليوم .. لفيت جسمي بجاكيتي الصوفي وبلشت دندن غنايتي المعروفة للجميع. سكتت شوي فتحت عيونا ورجعت سكرتن ابتسمت وبلشت تدندن: ( بنت الشلبية .. عيونا لوزية .. بحبك من قلبي يا قلبي وانت عينيا) بحبا هالغنية كتير كانت ماما تقلي عيونك بيشبهو حبة اللوز بلونن وشكلن. عقدت حواجبا وهيي مغمضة عيونا وبلشت تتوتر وكملت بنفس لهجتا: لمحت ظل ورايي وبعدا سمعت صوت تصفيقة التفت وشفت شي طويل وعالي من كتر طولو ما شفت وجهو ابدا اول مرة بحياتي بشوف هيك شي شكلو متل المارد الكبير بكتافو العراض وطولو المهيب .. قلي ( صوتك حلو الهيئة رح ننطرب كتير ) بلعت ريقي بصعوبة لما سمعت جملتو قلتلو ( شو بدك ) وقبل ما كمل جملتي نسمة هوا خفيفة ع وجهي سكتتني لعدة ساعات فتحت عيوني شفت حالي بمكان ما بعرفو كان راسي تقيل ونفسي عم تلعي .. بلشت اصرخ وانا بمكاني ما قدرت ابعد كتير

العضوة: 743708 , 5 years ago

دخل لعندي وسكتني بلزقة ع تمي والظلام منعني كمان من اني شوف صورة وجهو خفت كتير منو .. بعد ما طلع اخدت نفس عمييق .. وحسيت بالخوف .. وسكون .. وانفاسي صارت غريبة .. وبس اتمددت ع طرف السرير وانا عم ابعد الحبال يلي ربطتلي ايديي لورا واتأملت الغرفة .. كانت عبارة عن خشب بخشب من الحيطان للسقف للفرش شي مهتري وشي مصدي شو جابني ع هيك مكان انا مالي اي حدي ومستحيل يخطفوني مشان فدية ولا لان بابا كان عندو حملتو الانتخابية مع اني انا ضد كل هالشغلات بس بابا ما عاد شبع مرقو يومين وانا مزبولة بهالمكان ومافي غير بيدخل لعندي بيعطيني مي واكل وبيرجع بياخدن متل ما هني اليوم الثالث بعد ما صرخت

العضوة: 743708 , 5 years ago

وبكيت وكسرت دخل لعندي نفس الرجال الطويل وهالمرة شفت ملامح وجهو يلي بترعب كان عبارة عن كتلة عضلات منفوخة وكل شي فيه بقول انو مجرم قرب مني ولزقلي تمي وما عاد قدرت اصرخ بس حكيت بصوت مخفي ( شو بدك مني) ما رد ابدا ولا حكى شي وطلع مابعرف كام يوم مرق ولا كام اسبوع بس كنت كتير تعبانة وحالتي من سيئة ل اسوأ وماعم افهم شو بدو مني وحتى صريخي المسموع ماعاد فاد بشي صوتي انبح وجسمي صار هزيل وريحتي بتقرف وانا ما بعرف شوعم اعمل بهيك مكان لليوم يلي قويت حالي فيه وطلعت بقرار لازم اخدو انا اصلا بحياتي ما كنت ضعيفة بس هوي كان برعب كتير هدوء تااام طاغي ع كل شي صوت نفسي المتضرب مختلط مع صوت قطرات المطر المتسربة من شقوق سقف البيت الخشبي .. نطرت كتير لحتى صارت هاللحظة وهلق صار الوقت المناسب الحمد لله بهاليوم كنت هادية كتير وما لزقلي تمي متل كل يوم مديت تمي عرقبتي لوصل لساني لسنسال من فضة هدتني اياه امي قبل ما تموت ومعلق عليه قلب صغير بينفتح وبداخلو ع اول جهة صورة الي ولماما وبابا والجهة التانية مراية صغيرة وهلق صار وقتو حاولت اكسر المراية بسناني بجميع الوسائل لحتى حسيت كل اسنانا اشتركو ليكسرو هالمراية وبالنهاية انكسرت واخيرا بس انتبهت ع حالي كيف تيابي مليت دم واكيد شفتي انجرحت بس ما اهتميت رميتا بقربي ع الارض ورميت الكرسي وراها لوقعت حاولت المسا بايديي المربوطين لورا الكرسي ومسكتا بقيت وقت طويل ما بعرف شقد لحتى قدرت حرر اول ايد وصارت المهمة اسهل عليي .. وقفت وانا عم امسح الدم يلي ملا تمي بكم كنزتي المهترية .. رجعت وقفت الكرسي متل ما كان وطلعت عليه مديت ايدي لسقف الغرفة الخشبية ورفعت خشبة مهترية والمطر خلاها تهترء بزيادة .. الحمد لله طولي ساعدني بتسلق الجدار ل اوصل للسقف واتسلق واطلع.. كيف ركضت وقطعت البيت ما بعرف متل النمر لاء متل الفهد ما بعرف بس كنت اسرع وحدة بتركض اول ما قطعت البيت وقفت وركيت ظهري ع جذع الشجرة يلي مقابل البيت زفرت نفس طويل وقلت بقلبي ( خلص كل شي انتهى..) بعد ما نظمت نفسي رجعت اركض بين الصخور والتلال والوديان لوصلت لشارع زفتي رميت حالي ع الارض من تعبي ونطرت للمحت ضو سيارة جاي من بعيد .. وقفت وانا عم اصرخ بصوت عالي ونط متل المجانين او المشردين لوقفت السيارة وفتح الشباك سمعت مرتو بقربو عم تقلو ( لك ليش وقفت امشي شو بدك فيا لا تكون حرامية )

العضوة: 743708 , 5 years ago

بس هوي ما اهتم ونزل وقف بقربي وانا عم ارجف قلي ( شبك شوصاير معك ) قلتلو وشفافي عم يرجفو من الخوف والتعب والبرد ( انا خيفانة خدني من هون هلق بيجي حباب الله يخليك ) فورا شفت التعاطف واضح ع وجهو وقلي بعد تردد ( اطلعي..) وهالكلمة كانت هيي نهايتو.. اول ما فتحلي باب السيارة الخلفي لمحت ايد كبيرة حملتني من كنزتي ورفعتني لفوق من دون ما التفت عرفت من مسكة ايدو انو هوي " المارد " بسرعة البرق حطني تحت كتفو ورجع قرب منو وحط كفو الكبير ع خوانيقو وهوي عم يقول بصوتو الجهوري ( كيف بتسمح لنفسك تساعدا انت جنيت ع حالك ) رغم صغر حجمو قدام المارد الا انو حاول قدر المستطاع يتخلص منو وهوي عم ينهرو ( لك انت كيف بتسمح لنفسك تحبس بنت عندك والله ل اشتكي عليك للشرطة انا بفرجيك يا واطي ) سمعت صوت طقطقة عظامو وانا لساني تحت ايدو وسمعت كمان صوت مرتو المرتعش وهيي عم تترجاه يتركو بس المارد غضبو زاد وطالع مسدسو الموجود ع خصرو وضربو رصاصة ما بعرف وين اجت وما طلعلا صوت ابدا بفعل الكاتم الموجود بس صوت شهقة مرتو ونحيبا وصوتي المخنوق كانو موجودين بمسرح الجريمة بعد ما رجع المسدس لجيبتو حملني بين ايديه الكبار ومشي فيي لجحرو وانا عيوني مسلطة ع المرة وهيي حاضنة راس جوزا وتبكي ما طلع صوتي ابدا بس جواتي كان في كلمة عم تنعاد ( انتي السبب.. بموتو انتي السبب ). هالمرة رجعني ع غرفتو الرئيسية رماني ع الارض وضربني ب اجرو بس ما اتوجعت ومشي ع الحمام الصغير وفتح المي بالبانيو ورجع فتح خزانتو وطالع روب اسود مخمل ورماه ع السرير وقلي جملة وحدة من دون ما يتطلع عليي ( بدي ارجع لاقيكي متحممة ) وطلع من دون ما يحكي اي حرف زايد.. كان بكامل عصبيتو لاء يمكن بأوج غضبو زحفت بسرعة وسكرت الباب ورايي وقفلتو اتحممت يمكن اول مرة بتحمم بهالسرعة هاي وطلعت وانا لابسة الفسطان وانحشرت بزاوية الغرفة من خوفي .. ياترى شو رح يكون عقابي لما يرجعلي

العضوة: 743708 , 5 years ago

وبعدا ما شفتو لليل رجع طالعني ع نفس الغرفة وكان مظبطا وهالمرة الحبل حديدي مستحيل ينقص وبعدا ما بتذكر شو صار لان كنت كتير تعبانة والايام ما عاد عديتها لان صارت متل بعض وبتذكر مرة فتحت عيوني وانا ع سرير بغرفة نومو الكبيرة وفي محلول مغذي موصول بوريدي بقيت يومين عم اتدلل ونام ع تخت مريح وما كنت عم شوف حدا غيرو وبعد ما ارتحت رجعت لنفس القبر ونفس الغرفة ورجعت اققوا من قبل وعملت كل شي لحتى اني كسرت كل شي بالغرفة وهوي كان بارد كتير وجامد كل شي كنت اعملو لغيظو وما ينغاظ بس مرة بلشت شفايفا ترجف وعيونا تدمع : مرة دخل لعندي كان ملثم مابعرف

العضوة: 743708 , 5 years ago

ليش حاول حطت ايدا ع تما وكتمت شهقتا: حاول... بس ما خليتو ضربتو واتوجع كتير ورجعت رفعت اجري وضربتوا مرة تاني لحتى طلع متل المجنون وجاب فاس كبير وحاول يموتني فيه بس انا رجعت ضربتو ووقع ع الارض وكسرت حبل الحديد وهربت ووقعت بالوادي مها: مين عمل هيك المارد؟؟ نغم: مابعرف هاد الملثم يمكن نفسو المارد شافتا سكتت لعدة ثواني قربت منا مها ومسحتلا ع شعرا: وشو كمان قعدت بقربا بعدتلا خصل شعرا يلي غطت وجها ومسحتلا جبينا من حبات العرق يلي اتجمعت عليه من التوتر ولاحظت شحوب وجها زاد وعيونا صارت جاحظة بشكل ملحوظ قربت منا بهدوء وهمستلا بقرب ادنا ( نغم انتي تعبتي ) رجعت قالتلا ( نغم بدك تنامي ) هزتلا راسا ببطئ شديد وعيونا موجهة للفراغ رافعة اجريها وساندة راسا عليهن شعرا مفرود بكل الاتجاهات وعم تهز جسما رايح جاي والهزة عم تزيد كل ما سألتا سؤال جديد بعدت بسرعة وجابتلا ابرة مهدئة اول ما سمعت صوت عنّة قوية طلعت منا حطت ايديها ع راسا وهيي عم تهزو بخوف شديد اول ما عطتا الابرة بديت هزتا تخف وصوتا يختفي بالتدريج لحتى انتهى وارتخت ع الاخر باستا من جبينا وطلعت بعد ما طفت التسجيل اتنفست الصعداء وهيي عم تشوفا قداما ممدة من دون حس او حركة .. اصعب يوم بمر عليا بحياتا الا زمان عم تحضر لهاليوم وتقدر تحكي كل هالكلام مشيت وطلعت برا الغرفة وسكرت الباب بهدوء تام .. زفرت نفس طويل ومشيت ع مكتبا شافت آسر ناطرا بالمكتب بعد ما سمعتو كل شي بالتسجيل رجع ظهرو لورا وهمس بخبث: ما معقولة كمية الحقد يلي عندا لك طالعتني مجرم وقاتل قتلة لك انا ما عملتلا شي ابدا مجرد حبس لان خفت تعمل بحالا شي كتير كانت تعبانة ليش هيك عم تعمل دكتورة والله رح طق حاسس حالي مارد متل ما عم تقول مها: انا قلتلك يا آسر هالشي عملا فوبيا منك شايفتك شي مرعب كتير ولا تنسى الشي يلي عملتو معا ما قليل

العضوة: 743708 , 5 years ago

آسر: يعني انا ما كان طالع ب ايدي شي الا اني احبسا بالبيت خفت تعمل بحالا شي مها: آسر الصراحة انا شاكة بشي وخيفانة يطلع صحيح آسر: شوفييي.. مها: بدي اسألك .. هلق انت كل شي بتعملو بتبقى متذكرو آسر: كيف يعني مها: يعني يمكن تكون انت يلي قتلت وكمان تكون اعتديت عليا ونسيت وقف لثواني وهوي عم يفكر معقول كلاما صحيح...!!!! #يتبع

العضوة: 743708 , 5 years ago

الجزء #السابع وقف لثواني وهوي عم يفكر معقول كلاما صحيح...!!!! رجعت قالتلو: لان الخطف يلي حكت عليه كأن صار حقيقي تشوفا كيف كانت عم تحكي متل كأنا عم تكتب قصة وانا خيفانة تكون انت حاولت تقتل ناس لتحمي زوجتك وهالشي كلو بتنساه هيي كملت جملتا كان واقف وخبط ع المكتب قداما: شو قصدك اه احكي مها: لك شو صرلك والله ما قصدي شي هاد مرض نفسي كمان انفصام بالشخصية يمكن تكون عم تنسى وهالشي كلو الو علاج آسر: والله الهيئة انتي ما بتفهمي بشي سدقتو هديك المجنونة وجاي تعمليني مريض ليكيني بوزع عقل عليكن كلكن همست بخوف لما شافت غضبو الكبير (بالفعل مارد) ورجعت قالتلو: يا استاذ آسر لو سمحت نحنا عم نحكي بشكل علمي وقلتلك كل شي الو علاج .. انت بتنسى شي ؟؟ فرك ايديه ببعض وقلا: لااااااء مها: ماشي خلينا نحكي بباقي التفاصيل مشي ووقف عند الباب وقلا: والله انا ما عاد بدي مرتي تتعالج عندك بدي اخدا لعند دكتور احسن انتي بدك تجننيا اكتر وطلع.. عصبت منو كتير رمت حالا ع الكرسي بعصبية وهمست(والله مالا طلعة من هون لترتاح).. تاني يوم رجع لعندا ليعمل اجراءات خروجا اتدين مصاري من رفقاتو لقدر يدفع التكاليف دخل وشاف الدكتورة قاعدة مع دكتور تاني قرب منا وهوي معصب وقلا: كيف يعني ما بيسمحولي طالع مرتي كيييف .. الا بشهادة الزواج او دفتر العائلة شو مفكريني عم اكذب انزعاج مها زاد رفعلا الدكتور ايدو ووقف قدامو: استاذ آسر انا الدكتور رامي المشرف هون عن الرضى النفسيين آسر: ايه اهلين هلق انا بدي طالع مرتي ع مشفى خاص رامي: هون قوانين المشفى هيك لازم كل شي يكون رسمي وبعدين شو يلي بأكد انو معاملتك منيحة مع زوجتك مسح شعرو بكف ايدو لورا عدة مرات وهوي عم يهدي اعصابو: ياعفو الله لك شو هالحكي هاد التفت لعند الدكتورة وقلا: الهيئة خبرتيه بجنانك ما رامي: هيييي خلي كلامك معي اققعد لنحكي .. انا من زمان مرق عليي حالة مشابهة لبنت كانت تتعرض للضرب من قبل ابوا وصار عندا عقدة منو وبعدين حاول يطالعا من عنا بالغصب وهيي كانت كتير تخاف منو وبعدا اخدا بالغصب وهيي قدرت تهرب منو وهوي انسجن ومن يوما رجعت نفسيتا للتحسن

العضوة: 743708 , 5 years ago

رف بجفونو وحس هالكلام كلو موجه عليه يعني بدن يسجنوه بالاخر !!! رجع رامي كمل: اول الشي لازم نرجعلا ثقتا ع القليلة بنفسا لترجع حالتا طبيعية اتنهد وفكر انو لازم يسايرن ليكسب ثقتن ويبعدو عن الشك فيه: طيب وهاي كيف بدنا نعملا مها: استاذ آسر انا شايفك زوج نموذجي ما شاء الله عنك بقيت مع مرتك ب اصعب اوقاتا وهلق لازم تكمل وبدي اطلب منك نعملا تمثيلية آسر: شووو وكيف هاي مها: يعني بدنا نعمل شي انو نخليا هيي تنتصر عليك وهيك بتشوف حالا عملت انجاز وممكن حالتا تتحسن وعدة شهور بترجعو لحياتكن الطبيعية آسر: عدة شهور لاااا مستحيل لازم تطلع ب اققرب وقت رامي: هاد يلي عنا مرتك ما بتطلع من هون لتتحسن حالتا زفر نفس طويل كان حابسو .. يعني هلق بدن يمثلو كمان هوي ما فاضي لهيك شي ابدا بدو يكمل لعبتو للنهاية!!! هزلو راسو وهوي عم يشرحلو شو لازم يعملو.... * وخلال عدة ايام كان تخريجا من المشفى بكفالة الدكاترة وعلى بيتو كانت كتير خيفانة وما عم تحكي عم تتوسلن بعيونا من دون ما تنطق بس هالمرة رجعا ع الغرفة بعد ما رتبا ولا كأنو فيا شي وحتى من دون ما يربطا وكان واقف بعيد عن بيتو بقرب بركة المي وهوي عم يلعب رياضتو اليومية .. وهيي مربوطة جوا البيت جميع الابواب تركوا مفتوحة وجميع الدكاترة عم يراقبوا من بعيد كان عم يشتغل كل هالشغل غصب عنو ليرجعا لطبيعتا ويكمل انتقامو من ابوا .. هوي السبب بكل شي ولازم يكمل كل شي بدأ فيه المهم قدر يطالعا من المشفى والباقي كلو سهل كل شي بهاليوم لازم ينتهي ويخلص من هالدكاترة تقال الدم ويغير مكان الخطف .. بعد يومين بصير يوم الثلاثاء وهوي لازم يلعب منيح هالمرة ويطيرلو عقلو كان غايب عن الدنيا برياضة اليوغا الخاصة فيه سمع صوت حركتا وعرف إنا طلعت برا البيت ما اتحرك ابدا الدكتورة طلبت منو هيك لتقدر تتغلب ع خوفا منو وهوي اكيد رح يرجعا بس يخلص من هالاغبياء عد للعشرة متل ما قالولو قبل ما يوقف ويلحقا...

العضوة: 743708 , 5 years ago

بعدت عن البيت وهيي عم تركض وتركض وقفت مكانا لما شافت عدة رجال طول بعرض وقفو قداما وبسرعة طلع ابوا من وراهن وهوي عم يهمس ( نغم حبيبتي نغم) ماسدقت يلي صار قدرت تهرب منو وابوا رح ينقذا ركضت لعندو وهيي عم تبكي ( بابا واخيرا رجعت اشتقتلك .. انا تعبانة) اول ما صارت بنتو بحضنو اعطى الامر بالقضاء على آسر دخلو الرجال بسرعة والاب مع بنتو بالسيارة المصفحة عم يمشو صوت السيارات طالعتو من هدوءو وعرف كل شي انتهى وقف آسر وهوي عم يرفع ايدو ويلوح للدكتورة من بعيد وعملا اشارة 👍 حس في شي ما طبيعي وبسرعة في شي متل سيخ النار شق كف ايدو بالنص ضغط عليا بصعوبة وما عم يسدق شو عم يصير التفت حواليه عدة لفات وحس راسو فتل وع

العضوة: 743708 , 5 years ago

يونو زاغت وشاف السيارة ماشي ب اتجاهو وعدة رجال باديغارد عم تمشي معا وقف مبهوت وهوي عم يلتفت ع الدكاترة وصرخ بأعلى صوتو (كل شي كان لعبة .. كلكن لعبتو عليي ) ما حدا طلع من الدكاترة بس شاف ابو نغم طلع من قلب السيارة وقف بهيبتو الكبيرة وهوي لابس طقمو الرسمي وجاكيتو الجوخ الاسود رفع نظاراتو السود عن عيونو وقلو: شو مفكرني نايم وانت مستمتع باللعب معي انا الي شهووور عم اشتغل لوصلتلك لا تفكر اذا طلعلك دنب وقرون وعم تلبط صرت ضبع مهجن لا والله لك انت حشرة ولازم تموت دعس متل الحشرات قرب منو وهوي ضاغط ع كف ايدو: شو يا عمي الناطور بلاقيك صرت رجال مهم ع مصاري غيرك ابو نغم: والله كل انسان الو نصيب بهالحياة آسر: وانا نصيبي انسجن بذنب انت عملتو ابو نغم: والله هيك الحياة البقاء للاقوى وانا هون الاقوى فهمااااان آسر: ما بصير هيك الحياة ماعدلت بيناتا كمل وهوي عم يمشي ب اتجاهو مد ايدو ب اتجاه رقبتو وقلو: رح حاسبك بطريقتي واسحبلك جوزة حلقك ب ايديي ما رد عليه واعطى امر بالهجوم عليه هلق لو كانت الكمرة موجودة كنتو شفتو شخص واحد هجمو عليه اربع وحوش وهوي ايدو مصابة اتخيلو معي المنظر مارد كبير متل ما وصفتو نغم وحواليه اربعة اكبر منو عم يضربو بكل انحاء جسمو ما قدر يدافع عن حالو ابدا رجع القدر لعب لعبتو ع الطفل آسر اول مرة وع الشب آسر تاني مرة وع ايد نفس الرجال ليش هيك الحياة دائما بتأذيه وياترى كيف رح تنتهي حياتو !! كف ع اليمين .. وبوكس ع اليسار .. رفسة ع بطنو .. ولكمة ع خدو .. كان عم يفكر كيف قدر يوصلو وهوي بمكان غريب ما حدا بيعرفو ابدا اختارو ابوه ليبعد عن كل الناس بعد ما ماتت مرتو بجلطة ع زعلا ع ابنا وهوي من خجلو ما قدر يشوف الناس .. ابنو الوحيد يطلع قاتل!! كان عم ياكل ضرب وهوي عم يتحرك بعدة اتجاهات .. طالعو من افكارا صوت رصاصة استقرت ب اول فخذ ورجعت رصاصة تانية اجت ب اجرو الثانية .. صرخ من الوجع وعيون كل الحواليه عم ترجف من الخوف وقع ع الارض وهوي عم يهز بجسمو يمين وشمال ولقدام ولورا متل انسان سكران

العضوة: 743708 , 5 years ago

الحرب كانت كلا ع ضفة البحيرة لما وقع ع الارض وتوازنو اختل بقي يتدحرج ع الارض الحجرية .. قرب منو ابو نغم ابتسم وهوي عم يدعس ع بطنو بكندرتو النجسة حط كل حقدو وغلو فوق معدتو بالظبط وصار يدفشو ب اجريه وهوي عم يضحك ضحكة خبيثة متلو وبقي يتدحرج متل قطعة حجر لوقع بالنهاية بقلب البحيرة هالمشهد كلو شافوه الدكاترة وكمان شافتو نغم .. عم تحاول تقنع حالا انو هالزلمي ما ابوا يلي قتل .. عم تحاول تغيير مسار تفكيرا وتقول ( هاد مجرم .. هاد مارد بس كان لازم يدخل السجن ما يموت قتل!!! ) اول ما وقع بالمي قرب واحد من الرجال من ابو نغم وقلو ( لسا ما فاش ع وجه المي يمكن ما مات) قرب منن ومشي ب اتجاه البركة ومد مسدسو وقوس اول رصاصة ورجع بدو يقوس بس صوت نغم كان اسرع نزلت من السيارة وهيي عم تبكي: بكفي بكفي حاج تضربو خلص هوي اخد جزاتو انتي مانك مجرم متلو مانك مجرم خلينا نروح الله يخليك امشي امشي ابو نغم: بس اذا ما مات رح يرجع يأذيكي نغم: انا بدي سافر لبعيد واترككن كلكن انتو ما بتستاهلو اي حياة بدي عيش لحالي لحالي صوت سيارات الشرطة كان واضح للكل ما حدا قدر يهرب لان كل المكان اتحاصر طلعو الدكاترة يلي كانو متخابيين وكانو هني بلغو الشرطة لما سمعو اول صوت رصاص ركضت بسرعة مها ع البركة لتشوف آسر والدكتور رامي عم يحكي مع الشرطة والباقي كلن انحجز علين.. الجزء #الثامن (8): و الاخييييير بقيو يدورو بقلب بركة النهر عدة دقايق وما لقوه لان هلق النهر عم يمشي ببطئ ويمكن يكون مشي او غرق بس مافي علام لفقاعات ابدا ع سطح المي بتوحي انو في شخص جوا عم يصارع الموت دارو حوالين النهر عدة مرات لحتى لقوه مرمي ع جزع شجرة كبيييرة وموجودة من سنييين بهالمكان وصلو لعندو بطلوووع الروح لولا الزورق الخاص فيه ما كانو قدرو يجيبوه الاسعافات الاولية كانت كفيلة ليرجع نفسو ينتظم ع الخفيف ورئتيه النظاف والمتعودين ع حبس نفسو جوا المي ساعدوه كتير ليبقى عايش قعدت بقربو مها بسيارة الاسعاف وهيي عم تراقبلو نبضو الضعيف مع الممرضة ابتسملا وقلا ( التمثلية صارت حقيقة)

العضوة: 549798 , 5 years ago

يسلمو ياقلبي

العضوة: 743708 , 5 years ago

مسحت دمعة ع طرف عينا وقالتلو: والله ما كان الي خبر بشي انا والدكتور رامي كنا بدنا نساعد نغم كنا عم ننجز مهمة جديدة مطلوبة مننا بمجال شغلنا العميق بس كل شي كان فظيع حسيت حالي بفلم امريكي نزلوا الشرطة من قلب السيارة .. نزلت وهيي عم تقلو ( دير بالك ع حالك) اتوجهو للمشفى الخاص بالمساجين "بعد عدة شهور" قاعد ع سرير المشفى وسارح ب افكارو اجريه مربوطة بكلبشات للسرير الحديدي والباب عليه حراس من الامن دخلت لعندو مها وسلمت عليه .. دار وجهو وما رد عليا قربت منو وقعدت ع الكرسي بقربو وهمست: انت لسا مفكر اني السبب انا بس كنت عم ساعد نغم اصلا الحق عليك لو قلت هيك القصة كنت ساعدتك فتل لعندا وفتح عيونو انو بشو رح تساعدو يعني بالخطف!!!! رجعت قالتلو: بعدين انت م

العضوة: 743708 , 5 years ago

اهلا وسهلا