العضوة: 743708 , 5 years ago

#الجزء_التاني تركني وراح انهرت انتهيت طلقني وراح أنا شو ساويت انا بشو غلطتت حبست حالي بغرفتي وابكي واناعم كذب حالي يوميين وبيرجع انا زودت عليه الحق علي بيت حماي دريوا بيلي صار وحاكوه بس هو خلص اخد قراروا واستأجر بيت وسكن لحاله عمي هددوا وحاول معه كتير انو يرجع بس كان اصرار ميار اكبر كنت دقلوا كتير وكنت ابكي واترجاه يرجع وهو يخانق ويعيط ويقلي خلص انا ماعدت الك انسيني هيك لصرت دق ولاقي جواله مغلق عرفت بعدها انو غير رقمه اااه مرق علي شهر مابحسبو من عمري كنت رافضة شوف حدا او اقعد مع حدا اصلا ماكان في غير بنت حماي يلي تطلع لعندي وتوصلي غراض البيت تشوف الصغار شوي وتنزل ولادي انسيتهن ماكنت قدرانة قدملهن شي ويلي اخد دوري بهل الفترة هي بنتي نور نور يلي كانت تطعمي اخواتها وتلبسهن وحتى تنزل هي وياهن على المدرسة ووقت اطلع من غرفتي لفوت عل الحمام او لجيب شي من برا كانت تركض علي تضمني وتقلي امي كيف صرتي انتي منيحة كنت بعدها عني وانا مو قدرانة حاكيها كنت ادفشها وهزلها براسي وارجع على غرفتي اقفل علي وابكي كنت حاطة حالي بدوامة ومو قدرانة اطلع منها لاجى نهار نور تدق علي باب غرفتي وتبكي انا مارد كنت حاسة حالي عم انتقم منهم هنن كانو يعصبو ابوهن هنن يلي خلوه يروح نور رجعت تدق بقوة وتبكي ماما افتحي الله يخليكي مارديت حطيت ايدي على اداني مابدي اسمع مابدي شوف حدا مابدي احكي مع حدا رجعت نور ودقتها قوية كتير وهي عم تبكي وتصرخ ماما ماما افتحي الله يخليكي عمر اختنق فكرت بحكيها عم استوعب شو عم تحكي كملت نور ماما الله يخليكي صار لونو ازرق

العضوة: 450650 , 5 years ago

يالله 😔😔😔

العضوة: 450650 , 5 years ago

اكملي ...

العضوة: 782632 , 5 years ago

@user-743708 متابعه

العضوة: 349470 , 5 years ago

كملي كملي

العضوة: 450650 , 5 years ago

يلاااا 😁😁😁

العضوة: 349470 , 5 years ago

وينك

العضوة: 656126 , 5 years ago

😭😭😭😭 كملييي يا حرام يا هبة

العضوة: 743708 , 5 years ago

فتحت الباب بسرعة نور مسكت ايدي وشدتني عل المطبخ لقيتهم عم ياكلو زيتون وعمر لونو متغير متشردق بزيتونة وعم يختنق ركضت عليه ضربتو على ضهروا حاولت فوت اصبعتي وطلع البزرة ضليت ثواني لحتى طلعت الحمدلله وابني اخد نفس وصار يسعل ورجع لونو وصار نفسو منيح اطلعت فيهن وهنن قاعدين حولي ابني كان حيموت صرت اصرخ وابكي وقلهن ليش ياربي ليش انا شو عملت لفيتهن بايدي واصرخ وابكي وهنن يبكو حولي عرفت لحظتها انو مافيني اتركهن لحالن نهار طلعت من غرفتي وصرت فطرهن وابعتون عل المدرسة وارجع ابكي ليرجعوا وبعدها غديهن واقعد معهن بالغرفة وهنن عم يدرسوا وانا عم اتطلع فيهن نيمهن وارجع ابكي ابكي ابكي ماانا متت انا متتت انا انتهيت ومافي اصعب من انسان ميت يجبروه يعيش وهيك على هل الحالة ضليت تلت اشهر لحد مامرا عم اجلي بالمطبخ وبنتي بالغرفة عم تقلب بالقنوات كانت طالعة اوبرا وينفري You're beautiful، strong ، special woman . Your life need you . Nothing except you ]:

العضوة: 743708 , 5 years ago

(انا بعرف انكليزي كتير منيح جارتنا كانت صاحبة معهد لغة وكنت كل ماتفتح دورة جديدة كون من ضمن طلابها وهاد الشي ساعدني كتير بالمدرسة وعل طول كانت علامتي الاولى باللغة ) وقت سمعت هل الكلمات حسيت حدا هزني بقوة هاد الكلام لالي ويالله اديش كنت بحاجته تركت من ايدي ورحت عل الغرفة اخدت الجهاز من ايد بنتي وقويت الصوت قلتلها لنور خدي اخواتك وروحوا على النوم وقعدت اسمع بكل حواسي بكل تركيزي البرنامج كان عم يحكي عن تجارب نساء امريكيات مع الهجر وكيف ازواجهن هجروهن ليروحوا مع عشيقات جداد وحدة من بيناتهن كانت ام لولدين وحلوة كتير وقت قرر يتركها صارت تبكي وتتوسلوا يرجع حتى اتعلقت برجله لباب البيت وتترجاه انو يرجع يالله شو حسيتها بتشبهني حكيت انو هل التجربة الها سنتين واديش كانت بحاجتها لتقوى ولتصل للي هي فيه هلاء وقتها طلبت منها اوبرا توجه لل زوجها السابق تبعها ضحكت وقالت انا كنت مع رجل لم يقدرني يالله حسيت حالي عم اضحك معها عم ابكي معها اديش كنت بحاجة لهل الحكي الحالة التانية عن وحدة عاشت هي وجوزها 20 سنة ووقت مرضت ومرضها بحاجة خطة علاج طويلة جوزها هجرها بس هي مايأست وتابعت علاجها وولادها وقفوا معها وهي هلاء عم تحكي بعد شفاءها من خمس سنوات خلص البرنامج وكأني رجعت لوعي كأني كنت بغيبوبة وهلاء اصحيت انا ليش هيك عم اعمل بحالي انا ماغلطتت بشي هو يلي غلط انا ماظلمتو هو يلي ظلمني وظلم ولادوا فتت عل غرفة ولادي اطلعت عليهن وهنن نايمين ااه ولادي هدول ولادي انا يلي ظلمتهن وحملتهن خطأ مالهن ذنب فيه قربت على نور وقعدت قدام راسها ولحمس على شعرها يلي كانت بنومتها متل الملائكة بستها من راسها اخ ياامي انا دورت عل الحب عل اللهفة عل المحبة مع ميار كنت اعمل كل شي لشوف منه بسمة رضا بس انتي ياامي ماكان بدك مني شي كنتي تسأليني دايما انتي مرتاحة انا بحبك وماكنت رد عليكي بتعرفي ياامي انا بحبك بحبك كتير انتي واخواتك ودموعي كانت عم تنزل من عيوني قمت على غرفتي طلعت غطا صلاي وسجادتي يلي صرلي زمان ماقربت عليهن اتوضيت وصرت صلي وابكي يالله اديش حسيت حالي قريبة من ربنا وزعلت اديش قصر

العضوة: 743708 , 5 years ago

يالله اديش حسيت حالي قريبة من ربنا وزعلت اديش قصر ت معه طيب ليش ؟ صرت اسأل حالي كل وقتي كان رايح بميار وبرضاه يلي ماحصلت عليه ابدا كنت قدملوا كتير وهو مايعطيني شي كانت بسمة منو تكفيني كانت نظرة حلوة منو ترضيني وتغفر كتير شغلات سجدت بصلاتي وابكي ماعرفت شو بدي قول لربي غير ياربي اغفرلي بعدي عنك اتذكرت كلام كنت اسمعوا من زمان وماكنت اعملوا قيمة بس هلاء عرفت معناه كلما تعلقت بـ شخص تعلقاً أذاقكْ الله مرّ التعلق، لـ تعلم أن الله يغار على قلب تعلق بغيره، فيصدٌك عن ذاك لـ يرٌدك إليه .الامام الشافعي من تعلق بفان فني ومن تعلق بالله انعز وغني ياانسان بحياتك لاتتعلق غير بالله واذا تعلقت اتعلق فيه لترضي الله ياالله هلاء فهمت عن جد انا بعرف انك بتحب عبادك وانت بتحبني اكيد ياربنا انت مابتختار غير الخير لعبادك يارب انا بدي كون ام منيحة انا بدي اعمل شي منيح بهل الدنيا بدي ياك ترضا عني صليت الفجر ونمت مرتاحة حسيت حمل جبال وراح من عني خلص انا هلاء اقوى انا بطلت كون هبة الضعيفة لاء انا هبة جديدة قوية وربنا معي ولازم افتح صفحة جديدة بيضا كتير رح طرز فيها سيرة نجاح فقت الصبح بكير طلعت من غرفتي لقيت الولاد فايقين بوستهن وصبحت عليهن كانو مستغربين وفرحانين بأمهن يلي رجعت تحكي وتضحك بوجهن قلتلهن شو رأيكن بمشوار اليوم بماانو عطلة فرحوا كتير وركضوا يلبسوا تيابهن كان لازم روح عند اهلي وشوفهن اهلي بكل الفترة الماضية ماشفت حدا فيهن ولا امي ولا حتى اتصال ووصلت لعند اهلي فتحتلنا الباب امي اول ماشافتنا صارت تبكي وبوست ولادي وتقلنلهن ياحبايبي والله اشتقتلكن فتلت علي كيفك امي كيف صرتي والله قلبي متل النار ع

العضوة: 175611 , 5 years ago

في انتظار تكملي القصة ❤️

العضوة: 656126 , 5 years ago

استعجلي قبل ما ييجي جوزي 😂😂

العضوة: 743708 , 5 years ago

ههه يالله

العضوة: 743708 , 5 years ago

ليكي هبة :يعني بتعرفوا شو صار طيب كيف؟ وليش ماشفتكم جنبي انا كنت كتير بحاجتكم امي عم تبكي ابوكي حلف علي يمين ماروح لعندك واحكي معك واتركك لحالك تهدي وتتقبلي الموضوع عمك وعدوا انو مارح يخلي الموضوع يمر ورح يرجع ميار على بيته غصب عنو بس ياامي انا معت بدي ياه هو طلقني قبل مايمشي انا بدي اترك البيت واجي لعندكم انا معت بدي اعد بهداك البيت ام هبة :له ياامي لا تحكي هيك والله مايسمعك ابوكي هيك عم تحكي خلص طولي بالك كلهن كم يوم وبيرجع شلون بدو يعيش بلاكن هبة :امي انتي ماعم تفهمي علي عم قلك طلقني ام هبة :لك ياامي شو بدك تجي هون تساوي ابوكي ماعندو بنات مطلقة وهو حلف علي يمين ماروح لعندك لاني قلتله هاد الحكي هداك بيتك لك امي وبيت ولادك ومصروفك عم يصلك وبيت عمك ساكنين تحتكم اذا اعتزتي شي بتلاقيهن جنبك لا تشنططي ولادك ياامي هبة سكتت ويمكن اقتنعت بحكيها هداك بيت ولادي وهنيك رح يكونوا مرتاحين اكتر قمت بدي روح وناديت للولاد ام هبة عدي مافي روحة بتقضي النهار هون انا مشتاقتلكم كتير وابوكي كمان انتي بتعرفي اديش بحبك وبخاف عليكي قعدت انا مابدي اخسر اهلي اهلي بحياتهن مااسؤلي كملت النهار وانبسطنا كتير ووقت اجى أبي ماحاولت افتح معه الموضوع وهو نفس الشي بس كنت شوف تطليعاتو علي بحزن رجعنا عل البيت وصلنا اخي الكبير وقبل ماننام كنت عم غطي ولادي وبوس كل واحد منهن من راسه وقلو تصبح على خير نور ماما فيني أسألك سؤال هبة :ايه حبيبتي