العضوة: 743708 , 5 years ago

يالله تكرمي

العضوة: 743708 , 5 years ago

#الجزء_الخامس انا قلت خبرك هبة شكرا حبيبتي بس من جد مابقا يهمني نحنا صرلنا سبع سنين مطلقين وكل واحد فينا مشي بطريق وخلص مابقا في شي بيجمعنا سكرت مع حنان وصفنت بهل الدنيا سبع سنين مروا اتغير فيهن كتير ولادي كبروا وصاروا مراهقين وانا وصلت للي انا فيه الحمد الله عن جد الله استجاب دعائي بس قلبي قلبي لسه جرحوا ماطاب راميا قاطعتني وحطت ايدها على كتفي ههههه ليش نقزتي بشو صافنة هبة: بهل الدنيا راميا :اوف خير شوفي هبة: ميار خطب راميا :عن جد اديش صرلكن مطلقين هبة سبع سنين راميا معقول بهل المدة كلها ماشفتيه ماقعدتي معو ماحاولتو ترجعوا هبة لا ابدا كانت اجتماعاتنا نادرة واغلب الاحيان سلام ماسلم عليه راميا طيب شو بدك تعملي هلاء هبة ههههه مابدي اعمل شي انا مكملة بحياتي ومرتاحة فيها كتير. بعد شي شهر من هل الحديث اجا لعنا اب وابنو وعم يطلبوا قالب كيك برسمة معينة راميا هي يلي قابلتهم وقالتلهن لحظة لنادي لرفيقتي هي يلي بتعمل الاشكال نادتلي واجيت سلمت عليهن الولد كان عمرو شي عشر سنين ومابيحكي عربي وكان ابوه عم يترجملوا كل شي عم يشوفوه او يستفسر عنه سلمت انا هبة السلام عليكم ابو يوسف وعليكم السلام درت وجهي على الولد وسألته How are you ? يوسف Im fine هبة ?What's your name Iam josef وتابعت حكي معو وكانو مبسوط كتير لاني عم حاكيه بلغته سألته شو حابب يعمل وابوه كان واقف ومبسوط وعم يشاركنا كان حابب يعمل قالب كاتو بتصميم بيشبه غرفة الموسيقى يلي كانت بصفه فرجاني الصورة واخترنا كم شغلة نعملها ابو يوسف بتشكرك كتير لتفهمك

العضوة: 626251 , 5 years ago

حًبيِبتٍيِ اَْنَتٍيِ..🌹😙

العضوة: 743708 , 5 years ago

ابو يوسف بتشكرك كتير لتفهمك هبه لا عادي هادا شغلنا ابو يوسف انا زوجتي بريطانية ومن فترة انفصلنا وقررت جيب معي يوسف عل البلد بس هو لساته متأثر لأنو ترك كل شي اله ببريطانيا رفقاته ومدرسته هبة ااه مشان هيك بدو يعمل شي بيشبه ذكريات ابو يوسف ايه هو كتير بيحب الموسيقى هبة طيب لا تهكل هم ان شاء الله رح نعمل شي يعجبه ويحبه ابو يوسف Ok Thanks يوسف Bay وبعد كم يوم اجى ابو يوسف لحاله واستلم الكيك وكان كتير حابب تصميمه اتشكرني وقف شوي كأنو كان بدو يحكي شي ومتردد مشي شوي رجع فيني اخد رقم إذا حبيت شي جديد راميا ايه ولا يهمك عطتوا كرت المحل ضل ملبك طيب شكرا بعد كم يوم بتقلي راميا تعي نقعد شوي ونشرب قهوة عاوزتك بموضوع هبة طيب تعي راميا احزري مين دق مبارح هبة هههه مين ؟ راميا اتذكرت هاد الولد البريطاني هبة ايه شو بدوه راميا لك لا مو هو ابوه يلي اتصل وقلي انو هو معجب فيكي ولفتي نظره من اول مرة وهو حابب يشوفك ويحكي معك واذا ماعندك مانع يخطبك هبة فاجأتيني بهل الحكي مابعرف ماخطرلي هل الموضوع من قبل بس انا مطلقة وعندي تلت أولاد راميا انا شرحتلوا وضعك وهو مامانع انا برأي شوفيه هون بالمحل عادي واحكي معو زاذا ناسبك الوضع بتحكي مع اهلك هبة انتي هيك رأيك مابعرف خايفة راميا لك ليش خايفة لك كل عمرك 32 سنة حرام تروحي على حالك هيك فرصة هبة طيب وبالفعل اجتمعنا سوا بالمحل ابو يوسف شكرا لأنك وافقتي تقعدي معي هبة عفوا

العضوة: 743708 , 5 years ago

😚😚

العضوة: 783833 , 5 years ago

كمليييييي

العضوة: 743708 , 5 years ago

ابو يوسف انا اسمي محمد دارس هندسة اتصالات وطلعت عل بريطانيا واتجوزت هنيك بصبية اتعرفت عليها بشغلي اتجوزنا وجبنا يوسف صارت خلافات كتيرة بينا مشان هيك انفصلنا وانا ارجعت على بلدي وعن جد انا حابب أخد بنت من بلدي فيها شي بيشبهو بكل شي هبة حكتلوا عن قصتها كلها وكيف وصلت فيها الحياة لهون محمد انا كتير معجب فيكي وبعد ماسمعت قصتك زاد اصراري عليكي لأنك انسانة قوية ماتنازلت للظروف مابعرف شلون بتحبي تكون الخطوة التانية انا بالنسبة الي حابب شوف اهلك ونخطب حتى يكون كل شي رسمي وماسببلك اي احراج هبة وانا هيك بفضل بس بدك تعطيني شوية وقت لحتى احكي مع اهلي وخبر ولادي محمد انا بانتظار جوابك مشي محمد وركضت راميا لتعرف شو صار حكي خبرت امي واخي يلي ماصفي غيرهم من اهلي بعد وفاة ابي وسفر اخي الكبير ومامانعوا واخي قلي هاتي رقمه انا يحاكيه وبتفق عل نهار نلتقي فيه خبرت ولادي يلي زعلوا بس وعدتهن انو حياتنا مارح تتغير ورح نضل سوا ومارح نفترق التقينا انا واخي وامي بمحمد واخي حبوه كتير وعجبه بشخصيته واحترامو وقلوا نحنا ماعنا اي مانع عليكي محمد لكن اذا بتحبو بنعمل خطبة او بنكتب الكتاب دغري وانا بكرا بجيب اهلي وبنتفق على كل التفاصيل هبة كانت علقت عند كلمت كتب كتاب في شي كانت نسيانته او ماكانت مهتمة لالو طلعت من الغرفة ونادت لاخوها اياد :شوفي هبة لك انا نسيت اني مالي مطلقة بالمحكمة ميار رمى علي اليمين بالبيت بس ماطلقني بالمحكمة اياد طيب شو بعرفك انو مو مثبت الطلاق بالمحكمة وانتي مالك علم هبة مابعرف بس مابظن اياد طيب طولي بالك انا بلاقي حل طلع اياد وخبر محمد بيلي صار محمد قال انا بعرف محامي شاطر بيشوف الموضوع وبيحلها للقصة اياد اتشكروا واتفقوا يحلوا الموضوع سوا بعد يومين حاكاني اخي وقليانو المحامي لقى انو الطلاق مو مثبت بالم

العضوة: 743708 , 5 years ago

تكرم عيونك يا عيوني

العضوة: 743708 , 5 years ago

#الجزء_السادس حكمة ضروري نروح لعند المحامي هلاء ونحكي معه طلعت انا واياد ومحمد لعند المحامي يلي استقبلنا وقلنا شو يلي تغير بعد سبع سنين حتى تذكرتوا تثبتوا الطلاق محمد انا بدي اخطب المدام ووقتها عرفنا انو طلاقها مو مثبت المحامي بس مشكلتك يامدام مو سهلة جوزك على حسب اقوالك رمى عليكي اليمين من غير شهود وحتى انتي عم تقولي البناية مافيها غير بيتين وجوزك عم يتردد عند اهله يعني مافيكي تثبتي انو هاجرك لهيك رح تاخد معنا المحاكمة وقت وبيجوز تاخد ابعاد كتيرة لهيك نصيحتي تتفقوا مع جوزك ينزل ينهي الموضوع وديا وطالما انو مطلقك من سبع فما بعتقد انو يعارض واذا بتحبو انا بجمعكم عندي وبحكي معه واذا مشي الحال مننهي القصة بيومين اياد ايه والله ياريت لأني مو حابب اعلق معو ورجع المشاكل للعيلتين المحامي خلص عطوني رقموا وانا بتفق معو على موعد تلتقوا فيه وبننهي الموضوع يوم الموعد يلي كان المفروض روح مع اياد عليه ونلتقي بميار عند المحامي قبل الموعد بساعة اتصل اياد فيني اياد هبة بدك ماتواخذيني عن جد صار معي شي ضروري ومارح اقدر روح هبة بس شلون بدي روح لحالي مابقدر اجتمع فيه اياد حقك علي بس خلص حدق لمحمد يروح معك هو صار خطيبك والمحامي بيعرفوا هبة طيب متل مابدك رحت انا ومحمد لعند المحامي ونطرنا ميار يلي اتأخر عن الموعد نص ساعة وقت وصل ميار كان ماسك بايدوا صبية وجايبها معه مبينة هي خطيبتوا يلي حكت عنها حنان استغربت ليش جايه معو لهون بلش المحامي بالحكي وانا عم اتطلع عليها ماكنت قادرة احكي صرت اتطلع على شعرها الاسود الطويل اتطلع على بلوزتها الحفر عل بنطلونها المشقق كانت عم تعلك علكة وتتطلع فيني بنظرات فيها قرف كنت عم فكر كتير واتذكر شغلات كتير قاطع تفكيري كلمة ميار بعصبية ومين قلك اني بدي طلق المحامي بس يااستاذ انت مطلقها من سبع سنين ونحنا مو طالبين منك غير تثبيته بالمحكمة ميار :وطالما من سبع سنين مطلقها ليش هلاء اتذكرت تثبيت الطلاق محمد :لأني أنا هلأ صرت خطيبها وبدنا نكتب كتابنا بالمحكمة ميار: ااه الخانوم بدها تتجوز ووين بدك تتركي ولادك وقت تتجوزي يامدام

العضوة: 743708 , 5 years ago

ميار: ااه الخانوم بدها تتجوز ووين بدك تتركي ولادك وقت تتجوزي يامدام اطلعت على محمد ماكانت قدرانة رد محمد الولاد حيعيشوا معنا انا عندي ولد وهنن حيكونوا اخواته ميار يامدام الولاد صار بسن هنن فيه بحضانتي وصار فيني خلصك ياهن المحامي استاذ ميار خلينا نتفق على نقطة نقطة خلينا نخلص من الطلاق بعدين بنحكي بالحضانة ميار: بس انا مابدي طلق وعلى صوته طلاق مارح طلق مسك ايد خطيبتوا وسحبها بقوة ومشي رجعت على البيت وانا مهمومة حزينة سلمت على ولادي وفتت نمت دغري فقت على صوت جوالي اتطلعت بالرقم لقيتو غريب حطتيتوا صامت وقمت لاشرب مي شربت مي واتطمنت على ولادي بغرفهن ورجعت على تختي اتطلعت بالجوال عم يرج كانت الساعة وحدة بالليل والرقم ذاته رانن خمس مرات استغربت مين يلي عم يدق بهل الليل فتحت المكالمة وقلت الو كان صوت هوا قوي وكانوا ماشي بالطريق الو مين معي سمعت صوت قوي بدك تطلقي لك بدك تتجوزي غيري والله مابخلي حدا يحلم بضفرك مين ميار ايه ميار جوزك هبة انت مو جوزي نسيت انك مطلقني من سبع سنين ميار وهلاء بدي رجعك مارح اتركك تروحي لغيري سمعتي هبة مو على كيفك انا انخطبت وبس ننهي معاملة الطلاق رح اتجوز وانت روح لخطيبتك ميار مافكرتي شو بدو يصير فيهم هبة هلاء فهمت انت خايف الولاد يجو لعندك وينزعوا عليك عيشتك وصرت ابكي خلص روح روح سكرت الخط وصرت ابكي ابكي ابكي فتحت عيوني لقيت نور جنبي هبة صباح الخير ماما نور صباح النور ماما تعبانة وجهك احمر هبة لا حبيبتي مافيني شي يلا قايمة وين اخواتك نور :نزلوا على المدرسة هبة ااه يي متأخرة بالنوم انا وانتي اتأخرتي يلا روحي انا مافيني شي وصلت بنتي عل الباب وفتت على المطبخ ساوي فنجاني النسكافية حطيت شال وقفت ببرندة المطبخ ونسمة باردة وهدوء الصبح بيجنن اندق الباب ااه هي نور يمكن نسيت شي هبة :من عجلتك نسيت تتفقدي غراضك فتحت الباب بس ماكانت نور كان ميار كنت بدي سكر دفش الباب برجله وفات هبة: انت شو بدك شو جابك لهون ميار : هادا بيتي وانتي مرتي هبة: لك انا مو مرتك

العضوة: 743708 , 5 years ago

#الجزء_السابع اتعمدت تاني يوم اتأخر بشغلي وقت رجعت لقيتهن رايحين صبيت عصير وقعدت اتفرج على التلفزيون وقت اجو المسا كانو مبسوطيين وعم يضحكوا ركضت علي لمى وحضتني اشتقتلك ياريتك رحتي معنا عمر كان مبسوط وعم يضحك ونور ماما شوفي شو اشترينا جبنا بجامات رياضة النا كلنا وهي الك انا نقيتلك ياها ميار فات وقعد على الكنباية يلي مواجه كنبياتي هبة : يسلموا ماما بس انا مابدي شي نور :حبيبتي انا نقيتلك ياها ححطلك ياها بغرفتك تابعوا الولاد ضحكهن وهنن عم يحكولي شو ساووا واديش فرحوا وكيف كان ابوهن عم يسايرهن ويجبلن كل شي بدهن ياه رحنا على النوم وانا قعدت بغرفتي ومو جايني نوم قمت شغلت الضو وصرت فكر اتطلعت لقيت البجامة يلي جابوها لونها زهر وابيض مابعرف ليش الفضول شدني اني افتحها وقيسها وقفت على المراية كانت كتير حلوة طلعت مطاطا وربطت شعري هههه صرت اضحك على حالي عن جد لبقتلي بقاطعني ميار يلي فتح باب الغرفة وقلي بدي حرام تاني لان الليلة باردة اتلبكت وقت شفتو بوجهي قلتلوا خود من باب الخزانة فات ميار وهو عم يتطلع فيني ويبتسم ميار : كتير طالعة حلوة عليكي عرفت انها رح تلبقلك بتعرفي ناقصها بوط رياضة وبتطلع بيرفكت هبة وليش مين قلك انا بدي البسها اصلا ماحببتها ميار لاء كتير حلوة لبسي واتفتلي فيها قدام جوزك هبة :هههههههههه بس أنا مالي مجوزة حسيتو عصب وخبط الباب وطلع رجع فتح الباب لاء انتي متجوزة واسم جوزك ميار وهو كتير بحبك هبة مين كأنو هل الاسم سمعانتو ايه يمكن هادا جوزي يلي كنت عم اترجاه مايمشي وقتها طلقني وقلي انسيني وبالفعل انا نسيتو حسيت انجرح مشي وترك الباب مفتوح وفات على غرفته ومن وقتها صرت احكي مع ميار بس من غير مااترك فرصة اني اجرحه بكلامي واحيانا هينو وهو ساكت او يتركني ويمشي يمكن كان متمني اني ضل ماعم حاكيه وضل متجاهلته احسن من الحكي يلي كان بكل لحظة بيسم البدن مرة كان في نهار شتى قوي والمطر نازلة الولاد راحوا بباص المدرسة وانا فتت على غرفتي وماكان بدي روح على الشغل لقيت ميار فتح الباب قلي اذا بدك تروحي انا بوصلك هبة شكرا معي سيارة وبروح لحالي ميار بس الدنيا شتى قوي من غير ماتشوفي الطريق هلاء ويصير معك شي هبة ههههههه عن جد ضحكتني هلاء انا لحالي خايف يصير معي شي وقت كنت اركض بولادي على المشافي والدنيا مطر ووقف بالتكاسي لترضى وحدة توقفلي

العضوة: 743708 , 5 years ago

لترضى وحدة توقفلي وين كنت حضرتك وين كنت وقت كانوا ولادك يبكو ويسألوني وينو بابا وهنن تعبانين وخايفين لانهن شايفيني ملبكة اكتر منهن ميار بس انا كنت مأمن انو اهلي جنبك وبيساعدوكي هبة مين اهلك ابوك الرجال الختيار ولاامك المرة الكبيرة بالعمر كنت اعمل كل شي بايدي حتى مااسمع من حدا كلمة الله لايسامح جوزك لمين تارك حملكن هاد الكلام يلي يرن بأدان ولادي رن وتتأثر نفسيتهن بعدو كنت عم قوم بوظيفتك وحافظ على صورتك يااستاذ ميار هبة مشان الله انا هلاء اجيت ورح عوضك عن كل شي هبة بيأسفني الك اجيت متأخر كتير مابنكر اني احيانا كنت زودها عليه وكل مرة كنت فكروا حيطلع من البيت ومارح يرجع بس كنت اندم وقت شوف الولاد اديش مبسوطين برجعته وخاصة عمر يلي صار هو وياه رفقه اكتر من اب وابنو كان تعاملوا مع الولاد تعامل راقي كتير فيه ثقة وفيه اخد وعطا متل انا بعطيكن الثقة وانتو بتكونوا قدها كان يسمحلهن ياخد كل القرارات يلي بتخصهن بتوجيه منه الو كتير الولاد كانو يحبوا يقعدوا معو ويحكولوا عن حياتهن هلاء اكيد هاد الشي هو نتيجة تجربتو مع ابوه يلي مو حاببها تتكرر مع ولادوا عمي كان يحب ميار كتير كتير ويخاف عليه لدرجه ماسمحلوا يتنفس من غير وجوده معه صرت حس انو يمكن ميار كان مظلوم متلنا ويوم بعد يوم ميار معت عصب من كلامي كان ياخد الحكي بابتسامة وهون ميار بلش سياسه جديدة معي صرت فيق الصبح ولاقي وردة حمرا ناح باب غرفتي اسأل عن ميار يقلولي نزل واحيانا فيق الصبح لاقي. الولاد نازليين مع ابوهن والفطور جاهز وعم يستناني ومكتوب بكرت على الطاولة(لا أريد سوى ان اكون شيء جميل بحياتك يرسم على شفتيكي الفاتنة الابتسامة ) وصارت توصلني عل الشغل باقات ورد مع عبارات (لا يمكن اخفاء الحب مهما حاولنا والتوقيع ميار ) ووقت فيق لصلي الصبح لاقي على باب غرفتي كرت (الليل تاريخ الحنين وانتي ليلي ) الصراحة بلشت شغلات كتير تتغير جواتي صرت فيق بكير لالمح ميار يلي بهل الفترة صار يطلع بكير من البيت ويرجع ونحنا نايمين يمكن ارجعت اشتقلوا يمكن قلبي رجع يدق صرت استنى الصبح يطلع لشوف الوردة الحمرا وروح على المحل لتجيني بوكيه الورد قلبي دق رجع قلبي يدق بس كان في شي عم يمنعني اعترف

العضوة: 743708 , 5 years ago

قلبي دق رجع قلبي يدق بس كان في شي عم يمنعني اعترف حتى لحالي بهل الشي يمكن كرامتي ماكنت عم اسمح لحالي اني اضعف الولاد صاروا يلاحظوا غياب ابوهم وصاروا يسألوني اذا في شي يوم الجمعة فاقوا بكير وركضوا لعند ابوهن على غرفته يفيقوا كنت واقف من بعيد عم راقبهن الولاد: بابا قوم عود معنا صاير عم

العضوة: 743708 , 5 years ago

#الجزء_الاخير تتاخر كتير بالليل ميار :يلا اليوم رح ضل بالبيت لأنو جدو عازمنا على الغدا الولاد :ليش كنت عم تغيب الفترة الماضية زعلان انت وماما بدك ترجع تتركنا ميار: لا مافي شي بس كان عندي شغل كتير وهي اليوم قاعد معكن الولاد : بابا نحنا كنا كتير عم نشتقلك ميار: هههههههه ان شاء الله تكونوا كلكن عم تشتاقولي اتطلع في وعينو اجت بعينو هبة انا رايحة حطلكن الفطور ركضت على المطبخ قبل ماعيوني تفضحني يمكن انا سامحتو يمكن هو تغير بس لا مابعرف عن جد مابعرف افطرنا سوا وبس رجعوا من صلاة الضهر نزلنا عند بيت عمي يلي كانو عم يجهزولنا الغدا انبسطنا كتير وعمي كل الوقت عم يقول الله يخليلي هل الجمعة الله لايحرمني منكم وكل مايشوف حركة من حركات عمر يقلوا ااه شوعم تذكرني بأبوك ويبلش يحكيلنا عن فصول ميار وهو صغير كنا مبسوطين وعم نضحك لحتى عمي قلوا لميار اختك حاكتني وحابة تخطب نور لابنها وقالتلي اسألك واعرف رايك انا كان عندي الموضوع مفروغ منه بنتي نور حلمها تكون دكتورة وعلى طول كنا نحكي انها بدها تكون دكتورة اطفال وهي شاطرة كتيرر بالمدرسه بس يلي زعجني ميار يلي صار يستفسر من عمي عن القصة كأنو موافق وقفت وعيطت انا بنتي مابدها تتجوز ميار: القرار لنور وماحدا بيقرر عنها هبة البنت صغيرة ومابتعرف تاخد قرارها بس انت يلي رجعت لتخرب حياتنا من جديد يمكن ماكفاك انك خربت حياتي جاية تخرب حياة بنتي بس انا مارح اسمحلك خلصت حكي والكل مصدوم مني طلعت على بيتي وتركتهن والنار عم تاكل في عم حاكي حالي انا ماغلطتت هو ...هو ومو عرفانة شو احكي بعد ساعة طلعوا الولاد وماكان ميار معهن نور: ماما ليش هيك حاكيتي بابا قدام الكل انتي كتير قسيتي عليه هبة: انتي صغيرة ومابتعرفي شي نور ماما انا اكتر وحدة بعرف انا اكتر وحدة شفتك وقت مشي بابا اول مرة شو صار فيكي انا اكتر وحدة كنت شوفك كيف عم تتلبكي فينا كيف قوتي حالك لتقدري تكملي بس كمان انا شفت بابا اديش ندمان كان عم يحاول يعوضنا بكل الطرق مافيكي تنكري كيف تغيرت نظرتك لالو الفترة الماضية لاول مرة من زمان كنت عم شوفك بهل السعادة وبشوف ابتسامتك يلي من قلبك بابا ماكان موافق انو يجوزني بس كان حابب ياخد رأي بالاول كان مفكر بماانو ابن عمتي فيمكن انا بعرفوا ورايدتو

العضوة: 743708 , 5 years ago

هبة: وانتي بدك ياه لابن عمتك نور :لا انا قلتلوا لبابا اني بدي كمل دراستي بس لو رد عليكي ونهى الموضوع من غير مايسألني وانا بدي ياه ساعتها حيكون وقف بوجه سعادتيهبه: وين ابوكي هلاء نور: مابعرف تركنا وراح هبة طيب روحي واتركيني لحالي راجعت كل شي بعقلي معقول كل هل القد كبريائي عمى بصري ليش هيك عملت؟ ميار معت يرجع انا متأكده انو خلص معت يرجع انا نهيت كل شي بس انا مابدي ياه يروح خلص انا سامحتو قعدت استنى ميار ليرجع بدي قلوا كل شي خلص انا بدي اعتذر منه انا بحبوا ميار اتأخر كتير انا كنت ناطرتوا متل اول مرة راح فيها كنت ناطرتوا بلهفة بحب صارت الساعة 3 بالليل سمعت المفتاح تبع البيت ركضت لشوفوه هاد ميار اجى ميار رجع وقت شافني ابتسم قلي ايه من زمان ماحدا نطرني هبة كنت ناطرتك. ميار خلص هبة الله يخليكي لابقا تحكي شي لا تفكري اني كنت مبسوط انا غلطتت وغلطي كان كبير بعرف وكل يوم عم يمضي معكن عم اندم اكتر كيف ضحيت بكل لحظةمعكن بس انا لو ضليت مارح كون متل انا هلاء انتوا بلاي كنتوا احسن من وجودي هبة بتمنى تسامحيني بيوم من الايام بس خلص انا ماعد فيني افرض حالي عليكي اكتر من هيك انا رح امش......... هبة انا اسفة ميار شو مااسمعت ؟ هبة انا اسفة ما...... ميار خلص خلص لابقا تكملي هي احلى كلمة بسمعها بحياتي هبة هههههه ميار بس اسفة مابتكفي هبة هههه وشو بدك كمان ميار بدي فوت نام جوا والله لأنو ضهري انكسر من نومة الكنباية هبة ههههههههههههه #تمت العبرة بالنهاية كل انسان بهل الدنيا الو امتحان وامتحان هبة كان صعب بس هي نجحت فيه وهي من اول الطريق طلبت من ربنا انو يعينها وبالفعل هي نجحت بحياتها كام وكانسانة وقدرت تتحقق بسبع سنين انجازات كتيرة وربنا كملها معها انو رجعلها حب حياتها الها عاشق مو بس زوج بتذكر وقت يقولوا من بعد كل محنة منحة ان شاء الله نقدر كلنا ننجح بامتحانا بهل الدنيا