#الجزء_الاول كنت صغيرة وعم اضحك راجعة من المدرسة ودعت رفقاتي وبسمتي على وجهي فتحت الباب وفتت على الصالون تيته ومرت عمو وامي مبسوطين وعم يضحكوا السلام عليكم قربت على تيته بست ايدها تيته اهلين تؤبريني الحمد لله يلي اجى اليوم يلي جوز فيه احفادي مرت عمو اهلين ياعروس تؤبشي قلبي انا مستغربة ومو فهمانة شوبيقصدوا سلمت على امي وفتت على غرفتي لحقتني امي يلا بسرعة هبة غيري تيابك وخدي لبسي هاد الفستان بيلبقلك وطلعي جيبي صحن الفواكي من المطبخ وتعي عدي معنا امي شوفي شو صاير ليش كل هل الاهتمام اليوم ليكي هلاء مو وقت الحكي بس مرت عمك جاية تخطبك لابنها ميار وابوكي وعمك متفقين من زمان على هل الحكي يلا بسرعة مو حلوة تاركينهم لحالهم هبة امي بس انا مابدي اتجوز انا بدي كمل دراستي ام هبة هلاء مشان الله مو وقت اللعي خلص بس يروحوا بنحكي كان كل شي عم يصير قدام عيوني وانا مالي دخل ستي كانت عم تقلي انا تجوزت قدك وجبت ولادي وكبرت انا وياهن وهي هلاء عم افرح بولادهن كمان امي تقلي لك شو بدك بالدراسة هي انا ربيتكم والحمد لله طلعتوا مااحلاكن من غير شهادة والحمدالله نحنا احوالنا منيحة ومو بعازت شهادات و شغل وبيت عمك نفس الشي اصلا انا فرحانة بهل الجوازة لأنك مارح تفرق عليكي العيشة يعني حتعيشي بنفس العز يلي انتي فيه هلاء كان عمري 15 سنة بس وميار كان عمره 20 سنة ابن عمي الوحيد وميار الكبير بين اخواته وعمي مخليه معو بكل شي بشغله برفقاته بطلعاته يعني عمي كان رفيقوا الوحيد حتى وقت بدو يروح عل الجيش عمي مارضي دفعلوا بدل ووقت صار عمروا عشرين سنة عمي قرر يجوزو لبنت اخوه لأنو بيعرف اخوه وبيعرف تربابيته وحتى ماخلى مرت عمي تروح تشوف او تسأل عن أي بنت تانيه