9 years ago
  • المرحلة الثالثة (الأشهر 9,8,7)
انا من تاريخ ٢٣/٤ الاسبوع ٣٩ نهار الخميس فقت بكير وكان عندي موعد تصوير بالمشفى الساعه ١١الصبح اول مافقت لقيت افرازات صفراء مع خطوط حمر بس مافي وجع رحت عل موعدي وفحصوني وعملولي تخطيط وقالولو في عندك تقلصات بس لسعها بالبداية وكمان الرحم فاتح تنين سانتي قالولولي روحي امشي وبس يزيد الوجع او تنزل مي الراس تعاي فورا وفعلا طلعت من المشفى انا وجوزي الساعه ١٢ وضلينا نتفتل للساعة ٣ واثناء المشي بلشت تجيني مغصات كل نص ساعه تقريبا بس ماكانت قوية ورجعت عل بيت وشربت كوب يانسون وحطيت راسي ونمت والمغص مستمر بس محتمل الوجع فقت بل ٧المغرب عملت رياضة قرفصاء وحطيت اجريني بمي حارة وشربت كوب تاني يانسون وبعدها عملت عشا وبعد العشا عملت مغطس مي حارة وقعدت فيو نص ساعه والوجع بلش يزيد معي عل الساعة٢ الصبح صار المغص كل عشر دقائق وزاد الوجع اجيت عل مشفى وقاسولي قالو فاتح اربعة عل غرفة الولادة وهناك ضليت امشي شغلة ساعتين وبلش الوجع يزيد وكمان صابني استفراغ وعل الساعة ٤ صار فاتح ٦ سانتي وعل الساعة ٧ صار ٨ وعل الساعة ٧ ونص صار ٩ ووقف معد يفتح طبعا اخر تلات ساعات بلش المغص النضامي بس الحمد لله كان سهل مو كتير قوي طبعا هون انا طلبت من الدكتوره انو تعملي شق بس مارضيت قالت لا طبيعي مايلزم شق وحاولت بس ما مشي الحال اخر شي شقتني وكلها اربعة دفشات وشرف سنفوري 😍 وبعدها جوزي اخد البيبي والدكتورة عطتني مسكن وخيطتني طولت عشر دقائق بالخياطة تقريبا وبعدها انا نمت نص ساعه لاني بردت حيل ولمن فقت اخدوني عل غرفتي وجابولي السنفور وفورا رضع من صدري والحمد لله ماتوقعت انها هيك كانت ميسرة والحمد لله وادمافي داعي للخوف وان شاء الله تتيسر للجميع البنات وتقومو بخير وسلامة والله يطعم كل وحدة بدها

52 تعليقات

العضوة: 32301 , 9 years ago

يمكن طولت بالكتابة شوي بس ماحبيت انسا شي 😊

العضوة: 40777 , 9 years ago

الحمدالله علي السلامه

العضوة: 30099 , 9 years ago

الف مبروك ي قلبي والحمدلله على سلامتكك

العضوة: 31790 , 9 years ago

حمدلله ع السلامه والف مبروك ما جاك

العضوة: 32301 , 9 years ago

تسلمولي حبيباتي وعل قبال قومتكن بالسلامه 😘😘😘

العضوة: 22703 , 9 years ago

الف مبروك يتربى في عزكم وعقبالنا 🎉🎉🎉🎉🎉🎉🎉

العضوة: 32301 , 9 years ago

الله يبارك فيكن وعل قبالكن بالولد الصالح والقومة بخير وسلامة ان شاء الله

العضوة: 44930 , 9 years ago

ماشاءالله الف مبروك و الحمدلله على السلامه

العضوة: 42819 , 9 years ago

ماشاءالله الحمد لله على السلامه

العضوة: 14054 , 9 years ago

ماشاءالله ، الف مبروك ي قلبي والحمدلله ع سلامتك

العضوة: 43001 , 9 years ago

حمد الله على سلامتك و مبروك عليكي

العضوة: 33349 , 9 years ago

ما شاء الله الف مبروك والف حمدلله على السلامه الله يحفظ لك السنفور يا رب ويرزقك بره 💋🌹

العضوة: 37033 , 9 years ago

مبارك حبيبتي الحمدلله ع السلامة وربي يباركلك فيه ويجعلو من الصالحين

العضوة: 45054 , 9 years ago

الف مبروووك بحسك ديرية صح امممم

العضوة: 17875 , 9 years ago

الحمد لله على سلامتك يا قلبي جعله الله من مواليد السعاده والبار بوالديه