انا من تاريخ ٢٣/٤
الاسبوع ٣٩
نهار الخميس فقت بكير وكان عندي موعد تصوير بالمشفى الساعه ١١الصبح اول مافقت لقيت افرازات صفراء مع خطوط حمر بس مافي وجع رحت عل موعدي وفحصوني وعملولي تخطيط وقالولو في عندك تقلصات بس لسعها بالبداية وكمان الرحم فاتح تنين سانتي قالولولي روحي امشي وبس يزيد الوجع او تنزل مي الراس تعاي فورا
وفعلا طلعت من المشفى انا وجوزي الساعه ١٢ وضلينا نتفتل للساعة ٣ واثناء المشي بلشت تجيني مغصات كل نص ساعه تقريبا بس ماكانت قوية ورجعت عل بيت وشربت كوب يانسون وحطيت راسي ونمت والمغص مستمر بس محتمل الوجع فقت بل ٧المغرب عملت رياضة قرفصاء وحطيت اجريني بمي حارة وشربت كوب تاني يانسون وبعدها عملت عشا وبعد العشا عملت مغطس مي حارة وقعدت فيو نص ساعه والوجع بلش يزيد معي عل الساعة٢ الصبح صار المغص كل عشر دقائق وزاد الوجع اجيت عل مشفى وقاسولي قالو فاتح اربعة عل غرفة الولادة وهناك ضليت امشي شغلة ساعتين وبلش الوجع يزيد وكمان صابني استفراغ وعل الساعة ٤ صار فاتح ٦ سانتي وعل الساعة ٧ صار ٨ وعل الساعة ٧ ونص صار ٩ ووقف معد يفتح طبعا اخر تلات ساعات بلش المغص النضامي بس الحمد لله كان سهل مو كتير قوي طبعا هون انا طلبت من الدكتوره انو تعملي شق بس مارضيت قالت لا طبيعي مايلزم شق وحاولت بس ما مشي الحال اخر شي شقتني وكلها اربعة دفشات وشرف سنفوري 😍 وبعدها جوزي اخد البيبي والدكتورة عطتني مسكن وخيطتني طولت عشر دقائق بالخياطة تقريبا وبعدها انا نمت نص ساعه لاني بردت حيل ولمن فقت اخدوني عل غرفتي وجابولي السنفور وفورا رضع من صدري
والحمد لله ماتوقعت انها هيك كانت ميسرة والحمد لله وادمافي داعي للخوف وان شاء الله تتيسر للجميع البنات وتقومو بخير وسلامة والله يطعم كل وحدة بدها
العضوة: 32301 , 9 years ago
@user-32190 الله يسلمك يا رب عل قبالك بالولادة السهلة وتقومي بخير وسلامة ان شاء الله 😊العضوة: 32301 , 9 years ago
يسلمو حبيباتي وعل قبالكن بالولد الصالح وقبال قومتكن بالسلامة يارب ويسلمو عل كلامكن الحلو 😘😘😘😘العضوة: 16754 , 9 years ago
الف مبروك السنفور😍والحمد لله على سلامتكالعضوة: 36580 , 9 years ago
ماشاء الله الف الف مبروك 😩 عقبالنا يارب والله يسهل لنا والحمدلله ع سلامتك 😍💕العضوة: 22519 , 9 years ago
@user-32301 حبيبتي اللهم امين 😍❤العضوة: 36813 , 9 years ago
الحمدلله ع سلامتك ومبارك م جبتي ويتربى بعزك ياربالعضوة: 36766 , 9 years ago
الحمد لله ع سلامتكك ومبروك البيبيالعضوة: 30980 , 9 years ago
رحيتيني حمدالله انشاء الله ماراح اخاف من ولادة وحمدالله عل سلامتك وسلامه السنفور 😉العضوة: 32624 , 9 years ago
الفين مبروكالعضوة: 45225 , 9 years ago
@user-32301 الف الف الحمد لله عسلامتك وسلامة البيبي مبارك مااجاكي حبيبتي ويربا بعزكن ودلادلكن ياربالعضوة: 45225 , 9 years ago
@user-32301 انا كنت غايبة عن البرنامج هلق شفت موضوعكالعضوة: 32301 , 9 years ago
@user-45225 هلا حبيبتي الله يبارك فيك يا رب كيفك شوالاخبار كلنا صارلنا فترة عن البرنامج تعرفي انشغالنا مع الصوص الجديد 🐥😘العضوة: 23119 , 9 years ago
الف مبرروك والحمد لله على السلامة عقبالي دعواتك انا بالشهر التاسع😖😖العضوة: 12351 , 9 years ago
حمد لله على سلامتك وربي يخلي لك ابنكالعضوة: 22324 , 9 years ago
حمد لله على سلامتك وربي يخلي لك ابنك ويحفظو والله يسهل علجميع ياررررب