انا من تاريخ ٢٣/٤
الاسبوع ٣٩
نهار الخميس فقت بكير وكان عندي موعد تصوير بالمشفى الساعه ١١الصبح اول مافقت لقيت افرازات صفراء مع خطوط حمر بس مافي وجع رحت عل موعدي وفحصوني وعملولي تخطيط وقالولو في عندك تقلصات بس لسعها بالبداية وكمان الرحم فاتح تنين سانتي قالولولي روحي امشي وبس يزيد الوجع او تنزل مي الراس تعاي فورا
وفعلا طلعت من المشفى انا وجوزي الساعه ١٢ وضلينا نتفتل للساعة ٣ واثناء المشي بلشت تجيني مغصات كل نص ساعه تقريبا بس ماكانت قوية ورجعت عل بيت وشربت كوب يانسون وحطيت راسي ونمت والمغص مستمر بس محتمل الوجع فقت بل ٧المغرب عملت رياضة قرفصاء وحطيت اجريني بمي حارة وشربت كوب تاني يانسون وبعدها عملت عشا وبعد العشا عملت مغطس مي حارة وقعدت فيو نص ساعه والوجع بلش يزيد معي عل الساعة٢ الصبح صار المغص كل عشر دقائق وزاد الوجع اجيت عل مشفى وقاسولي قالو فاتح اربعة عل غرفة الولادة وهناك ضليت امشي شغلة ساعتين وبلش الوجع يزيد وكمان صابني استفراغ وعل الساعة ٤ صار فاتح ٦ سانتي وعل الساعة ٧ صار ٨ وعل الساعة ٧ ونص صار ٩ ووقف معد يفتح طبعا اخر تلات ساعات بلش المغص النضامي بس الحمد لله كان سهل مو كتير قوي طبعا هون انا طلبت من الدكتوره انو تعملي شق بس مارضيت قالت لا طبيعي مايلزم شق وحاولت بس ما مشي الحال اخر شي شقتني وكلها اربعة دفشات وشرف سنفوري 😍 وبعدها جوزي اخد البيبي والدكتورة عطتني مسكن وخيطتني طولت عشر دقائق بالخياطة تقريبا وبعدها انا نمت نص ساعه لاني بردت حيل ولمن فقت اخدوني عل غرفتي وجابولي السنفور وفورا رضع من صدري
والحمد لله ماتوقعت انها هيك كانت ميسرة والحمد لله وادمافي داعي للخوف وان شاء الله تتيسر للجميع البنات وتقومو بخير وسلامة والله يطعم كل وحدة بدها
العضوة: 39662 , 9 years ago
ماشاءالله حبيبي الف مبروك ربي يبارك فيه ويحفظه ويخليه لك وعقبال ما افرحكم بولادتي يارب 😭العضوة: 31564 , 9 years ago
الف مبروك والحمد الله عالسلامةالعضوة: 36692 , 9 years ago
الف الف الف مبروووووك والحمد لله علئ سلامتك وسلامة البيبي 😘العضوة: 46243 , 9 years ago
ياحبيييبي ألف مبروك يا حبيبتي يتربى فعزك إن شاءالله وعقبال لا إليالعضوة: 47236 , 9 years ago
الف حمدلله على السلامه الينسون ممتاز يهدي الالم ويفتح الرحمالعضوة: 41688 , 9 years ago
ألف ألف مبروك حبيبتي يتربى في عز أبوه ودلال امهالعضوة: 49246 , 9 years ago
ألف ألف ألف مبروك حبيبتي يتربى بعزكن ودلالكن