العضوة: 743708 , 5 years ago

انا هلئ أثبتتلك يانهى انو أي حدا بيقدر ينجح بهالدنيا .. النجاح ماخلق لناس محددين .. قدرت اوهمك بكلشي بدي ياه انا .. وهلئ بدي اتشكر فريقي .. علي ( لما قال اسمه طلع فورا عالمسرح وقف جنبه ) .. الشب الطموح يلي كان إيدي اليمين بالتمثيلية ويلي قدر يوهم نهى بحبو إلها ومساعدته إلها .. قدر يوهما بحقيقة فيروزة من لما اتقصد يجيب الجريدة معه عاللقاء ويحطا قدام عيونا .. غيوم .. ( طلعت فورا ع المسرح ) يلي أخدت دور العرافة وهي يلي كانت عم توهم نهى بحلول لتلاقي فيروزة .. فيروزة .. ( طلعت فورا عالمسرح ) البنت يلي قدرت تمثل دور الروح وتوهم نهى بحقيقة وجودا وحقيقة وجعا ندى .. ( طلعت بهدوء عالمسرح وهي عم تطلع فيني بخوف ووقفت جنب علي ) .. بلعت ريقي ونزلت دمعتي ندى الدكتورة الكيميائية يلي كانت عم تعمل تركيبة غير مضرة بالصحة بس بتعمل وهم لمدة خمس دقايق .. وكانت تمرئا بالأكل لنهى .. الكاميرات كانت مزروعة بكل مكان .. بغرفة نهى وببيت الجبل بسيارة علي بغرفة المسرح .. طبعا لاشك إنه في فيروزة عنجد وماتت قبل 13 سنة قتل وكلشي عرفته نهى كان مخطط له من قبل ولما صار وقت انو نختم التمثيلية وصلنا نهى للحقيقة بكل بساطة .. وبالنهاية اكيد مابدنا ننسى بطلة العمل الأساسية .. (( نهى )) هن كانو كلن فوق المسرح و انا واقفة عالدرجات يلي تحت .. اتطلعت فيهن ودموعي عم تنزل من عيوني .. نظرة قرف كتير وبزئت عليهم .. لفيت وجهي وبدي اطلع من المسرح .. بس في صوت صرخلي نهى .. التفتت لورايي ، كان الصوت جاية من واحد من اللجنة .. حكالي لو سمحتي نحنا بدنا نعطي القرار النهائي ياريت تحترمينا وماتمشي .. بقيت واقفة مكاني وعم ابكي .. طلال كان واقف ع المسرح بكل شموخ عم يبتسملي ابتسامة النصر .. وعيونو كلا ضحك اللجنة .. نهى قدمت عرض مسرحي رائع ومتعوب عليه جدا .. أما طلال قدم عرض مباشر حي .. بسيناريو رائع .. والقرار النهائي يعود للجنة التحكيم .. تعلن اللجنة أن الفائز في مسابقة العام لأفضل مخرج أن المخرجة نهى تستحق اللقب .. أما المخرج طلال فقررت اللجنة إبعاده عن المسابقات والعروض دائما وذلك لأنه لم يعمل بنطاق العمل فقط إنما للأخذ بالثأر وذلك لما سببه من أذى نفسي وجسدي للمخرجة نهى وشكرا .

العضوة: 743708 , 5 years ago

ضحكت من قلبي على النتيجة لأن صاحب الحق سلطان ولا يمكن إنه النجاح يصير بالقوة و الإجبار .. رجعت على بيتي ووجهي كان خمري متل الجمر ، ركدوا ماما وبابا لعندي وهن ملهوفين وعم يسألوني مين ربح وشو النتيجة .. خبرتهن القصة كلا .. بعد شوي دخلت ندى عالبيت وهي موطية راسا ع الأرض .. نادالا بابا ، قربت لعنده و راسا لساتو بالأرض .. حكالا : لعبي مع كل الناس بس مو مع أختك .. قمت من مكاني و قربت لعندا .. ليش هيك أذيتيني ؟ عملتي حالك منيحة تجيبيلي الأكل والشرب لعندي ؟ مشان تأذيني طلعتي ... ندى : لأني اجيت لعندك عالمسرح مرة وحبيت علي .. لما شافني حاببته وبدو يلعب هاللعبة استغل شغلي وطلب مني ساعده وقلي انو مارح تنأذي ورح نكسب مصاري ويتزوجني .. نهى : وهي خلصتو العرض ، ايمتا رح يتزوجك ؟ ندى : بعد مارحتي قلتلو تعا نروح حبيبي قام دفشني وضحك وحكالي خدي مصاري من طلال والله معك .. انا كنت بعرف انو لكل ناجح في ألف عدو .. بس هلئ اتأكدت

العضوة: 743708 , 5 years ago

انتهت

العضوة: 790128 , 5 years ago

وين كمالة قصة ابوجميل

العضوة: 782632 , 5 years ago

@user-743708 لعمى شوفي ناس حسوده

العضوة: 743708 , 5 years ago

كتير

العضوة: 422395 , 5 years ago

اول مره بقرا قصص اللي بتنزليها بس جدا حلوة القصه ودخلتني بعالم ثاااني 👍👏👏👏

العضوة: 743708 , 5 years ago

@user-422395 لكان انصحك تقراي سلما للسماء وغيمار الدالي

العضوة: 743708 , 5 years ago

😍😍😍الله يعافيكي

العضوة: 422395 , 5 years ago

هلأ بنوم ولادي وبسويلي فنجان قهوة واقرائها👍

العضوة: 850081 , 5 years ago

@user-743708 على كل حال كنت بقراء بالقصه وانا مرعوبه والدنيا مضلمه بالغرفه والله قلبي صار بين رجلي😤😤😤😤😤

العضوة: 743708 , 5 years ago

😂😂😂😂