العضوة: 782632 , 5 years ago

@user-743708 رفع

العضوة: 743708 , 5 years ago

خلصت البروڤا ورجعت ع البيت كانو أخواتي بشغلن و أمي و أبي عم يتغدوا .. اعدت جنبن عالطاولة وكنت عم أحكيلن عن نهاري وشغلي وبنفس الوقت عم آكل ، رن موبايلي رنة المسج فتحتو كان في رسالة من رقم خاص مكتوب فيا : استاذة نهى بشرفني اجتمع معك لعل انو انتفق على عقد جديد بخصوص مسلسلي الأول وحابب هالاجتماع يكون شخصي وبعيد عن تدخل الشركة ، هالحكي كان طبيعي لاني بجتمع مع كتاب مابعرفن و ممثلين جداد وعادي ، بعد شوي وصلتني رسالة مكتوب فيا العنوان .. اخدت سيارتي وطلعت ع الكافيه يلي مكتوبة بالمسج أول ماوصلت لهنيك أعدت وضليت استنا هالشخص لحتى يجي بقيت نص ساعة آعدة عم استنا بس ماكان يجي حدى بعد شوي قررت أمشي لأن كتير عيب أعد و أنطر هيك ناس .. خلال لحظات كان عم يقرب بجهة طاولتي النادل ابتسملي ابتسامة خفيفة و أعطاني ورقة وحكالي هي من الشخص يلي ناطرتيه بس حكا انو عندو ظرف مهم و طلب مني أعطيكي هالرسالة ، أخدتا منه وفتحتا كانت ورقة بيضا من الجهتين مو مكتوب عليها شي اتطلعت بطرف الورقة من تحت كان في نقطة دم ، سكرت الورقة وطلعت من المحل فورا . @rwayate ركبت سيارتي و انا منفعلة ومعصبة زيادة لان هالموقف كتير بشع ، اتصلت بعلي وخبرتو يجهز للبروڤا المسائية و يخبر الكل .. ضليتني بطريقي للمسرح وهنيك لقيت الكل عم يستنوني دخلت وملامح التعصيب ع وجهي وبلشت احكي يلا معكن ربع ساعة لنبلش مابدي اي خطأ ولا بدي أي ملاحظة و بقيت مكملة ع غرفتي ، دخل لعندي علي وحكالي شبك؟ شو صاير معك ، جاوبتو بنترة حادة مو صاير شي بس الناس التافهة مابتبطل تفاهتا في حدا بعتلي من رقم برايڤت انو هو كاتب وعندو مشروع عمل ولما رحتت ع الموعد و انتظرته ما أجا و بعد ساعة بعتلي مع النادل ورقة بيضا من الجهتين وعليها نقطة دم وبس . علي: طيب طولي بالك شوي ولابقى تقابلي حدى مابتعرفيه خلص بلشت البروڤا والكل تقريبا كان أداءه تمام ، صارت الساعة 1 ونص بالليل الممثلين راحو و انا كنت بغرفتي عم غير تيابي و ضب اغراضي لأطلع ،، سمعت صوت تسكير البوابة الخارجية للمسرح، ركدت من غرفتي لبرى كان المسرح فاضي و البوابة مسكرة و الأضوية كلا مطفية ،،،

العضوة: 743708 , 5 years ago

صرت نادي بصوت عالي: علييي ، نضال، لك ياشباب وينكن ،، عرفت وقتا انه فكروني طلعت وسكرو وتركوني لحالي. رجعت على الغرفة طالعت موبايلي و فتحتو لاتصل بعلي اول مافتحتو عطاني إشعار انو شحنو 2 بالمية يعني رح يطفيي ولبين ماطالعت اسم علي و اجيت بدي رنلو كان طافي موبايلي ،، مافي اي وسيلة اتصال تانية و حتى بوابة المسرح هي ضمن قبو طويل يعني مستحيل حدا من الشارع يسمعني لو دقيت عليها ، الإضاءة كانت مطفية من مكتب ادارة المسرح و المكتب مقفول ، كان في فوانيس بزوايا المسرح هدول للمسرحيات شغلتن و أعدت ع كرسي من المدرج و صرت اتطلع بعيوني يمين وشمال وكل شوي حس حدقة عيني عم تتوسع من الخوف.

العضوة: 743708 , 5 years ago

سمعت صوت حدا عم يمشي بين الكراسي من ورايي التفتت بسرعة مالقيت حدا رجعت حسيت بحركة من قدامي كمان لما التفتت مالقيت حدا ، قمت على غرفتي فتت عليها وسكرت الباب وقفلتو كنت خايفة كتير وسامعة صوت نبضات قلبي بس كمان كنت سامعة صوت خطوات واضحة ، كان في حدى عم يمشي جنب باب غرفتي وكأنه عم بروح ويرد يرجع ويستناني لأغلط و افتح الباب ، دموعي صارت تنزل من الرعبة والخوف و عم حاول انو يفتح موبايلي لأحكي مع حدا بس مطفي عالآخير ، بعد شوي اختفى الصوت وكأن ماضل حدى، اتذكرت الباب الخلفي للمسرح هاد بكون مقفول من جوا يعني بس ادفش الحديدة رح يفتح لحاله ، ضليتني اتسمع من ورى الباب اذا في صوت ولما تأكدت انه اختفى فتحت الباب شوي شوي وطلعت بسرعة البرق و انا عم أركد حسيت ع حدا لاحقني صرت اركد و اصرخ و ابكي لحتى قدرت اتخبا بين الكراسي رفعت حالي شوي وصرت اتطلع حوليي ماكان في حدا ولا اي حركة، قمت من مكاني وكملت مشي بجهة الباب لحتى وصلتلو حاولت افتحو كان مقفول من برى يعني بعد ما فتح الحديد الباب بقي مقفول منيح ، تركتو ورجعت لغرفتي أول مادخلت عليها لقيت شخص واقع بالأرض ووجهو كلو دم وكأن حدا ضربو بسكين و دبحله كل الجلد، صرت اصرخ بصوت اول مرة بسمعه و طلعت اركد بالمسرح و اوقع هيك حتى وقعت بين الكراسي وماعد حسيت ولا على اي شي. صحيت الصبح على إيدين علي و ضياء ومدير المسرح وبعض الممثلين اول مافتحت عيوني صرت اصرخ و ابكي و احكيلن مقتول قتلوه ، سألني علي عن يلي صار خبرتن انو نسيوني هون وراحو و بالليل في شخص انقتل هون ، دخلو لغرفتي ودورو منيح بس مالقو اي اثر لحدا وحتى الشخص يلي شفتو انقتل و انا متأكدة اني شفتو كان مانو موجود ، مدير المسرح حكالن خدوا ع المشفى يعطوا أبر و مهدئات لأن شكلا من الرعبة لحالا و العتمة صارت تهلوث و يتهيألا قصص ،

العضوة: 743708 , 5 years ago

اخدوني عالمشفى و هنيك اعطوني ابرة مهدئة و نمت بعد كم ساعة اخدوني اهلي على البيت ، حطوني بغرفتي ماما كانت اعدة جنبي ماسكة ايدي وعم تبكي وكل شوي تقول يبعتلي حما على هالخوف والليلة يلي عشتيا ندى و فرح كانو واقفين عند الباب وساكتين وبابا نازل بهدلة فيني عالشغل يلي اخترتو كل شوي يقلي هي نتيجة شغلك يلي فضلتيه عن الطب لولا لطف الله كنتي متي من الرعبة و الوحدة وبلش يخانئ بماما لأن اعدة عم تبكي عليي ، التفتت على ماما وحكيتلا لاتخافي انا بخير ومافيني شي حبيبتي فيكي ترتاحي انتي. @rwayate كنت بدي اقصر مشاكل مع بابا وكم كلمة يسمعهن لماما، هن طلعو من غرفتي و انا بقيت متسطحة بتختي وعم فكر كيف اللي صار مبارح كان تهيؤ ؟ طيب انا شفته بعيني وكان كل وجهه دم، لك حتى اني نطيت من فوقو وصرت اركد مستحيل كون عم اتخيل هيك شي. ضليت بحيرة وقلق لحتى نمت

العضوة: 743708 , 5 years ago

هاد اليوم كان يوم آخر بروڤا و انا متوترة كتير بعد اربع ايام رح يكون العرض النهائي .. قبل مانبلش البروڤا كنت بغرفتي بالمسرح عم جهز الحوارات و راجع النصوص فجأة وقعت ورقة من قلب النص نزلت ع الارض اخدتا وقرأت شو مكتوب فيا .. " ازا بدك تعرفي الحقيقة تعي الليلة بعد المغروب ع البيت يلي آخر المنطقة ورا الجبل " حسيت انو في إشارة من حدا عم يحاول يخبرني شي ... بقيت عم جهز وبعد شوي طلعت ع المسرح حضرت العرض وكنت مبسوطة كتير بيلي شفتو ، تمثيل موهوب و شغل متقن كتير اتشكرت الكل و طلبت منهن يرجعو ع بيوتن ليرتاحو و يحافظو ع نشاطن هاد .. طلعت بسيارتي و كنت بدي روح ع البيت بس اتزكرت الرسالة حبيت غامر و اعرف عن أي حقيقة عم تحكي الرسالة . @rwayate لفيت السيارة وكملت للبيت يلي ورا الجبل كانت الشمس غايبة تقريبا و السما لونا رمادي من شدة الغيوم يلي فيا و الطرقات فاضية وعتمة خاصة انو هالمنطقة ماحدا بيمر فيا لأن ورا الجبل . نزلت من السيارة ومشيت لعند البيت كنت خايفة من العتمة وصوت الهوا ومنظر البيت المهجور . دئيت الباب بخوف ورجفة ،.فتحتلي بنت صبية بالعشرينات لابسة عباية زرقا و فاردة شعراتا حكتلي اتفضلي لجوا .. أول مادخلت قالتلي كنت عرفانة انك رح تجي ... نهى : انتي مين وشو بدك مني ؟ حكتلي انا فيروزة وعمري 22 سنة جبتك لهون لأحكيلك عن الجريمة .. بدي مساعدة ساعديني .. بعرفك بتساعدي الكل .. نهى : ايا جريمة ؟ مين انتي اصلا ؟ طيب ليش انا بالزات ؟ ومن وين بتعرفيني انتي ؟ فيروزة : انتي لازم تروحي هلئ بس ماتنسي تدوري ع الحقيقة يلا روحي في خطر عليكي ازا بقيتي . تركتا وطلعت من البيت و انا مرعوبة و مستغربة رجعت على البيت كانو كل اهلي نايمين دخلت ع غرفتي والافكار عم تاخدني وتجيبني براسي في الف قصة و اجتني هالشغلة فجأة غمضت عيوني بس ماكنت عم اقدر نام نومة طويلة كل ما اغفل شوي كنت حس بحدا فيئني أو يرجع يتكرر ئدامي نفس الموقف اتذكر البنت يلي شفتا اتذكر.كلمة جريمة وخاف .. ليش انا ؟ بقيت عهالحالة لحتى طلع الضو امت من تختي الساعة 7 الصبح لبست تيابي و نزلت ع البيت يلي ورا الجبل كان المكان فاضي ، قربت لباب البيت يلي كلو غبرة و شبكات عنكبوت و دئيت ماحدا فتح .. بعدين دفشت الباب وفتت عالبيت ، هلئ صار شكلو واضح اكتر من الليل لما كان عتمة ..

العضوة: 743708 , 5 years ago

@user-782632 ندى انتي هون الا هنيك

العضوة: 743708 , 5 years ago

بيت اغلب حيطانو مكسرة وتعبانة و شبابيكو مسكرة بالخشب و الزوايا كلا مليانة شبكات عنكبوت و غبار ووسخ .. الأرض لونا رمادي من شدة الغبار يلي عليها .. واضح انو البيت مهجور من سنين وبحكم انو هو بمنطقة كتير بعيدة عن المدينة وعن البيوت العالم ما بتفوتو . @rwayate بقيت عم اتفتل بالبيت شوي ، بعدين سمعت صوت حدا عم يعزف على البيانو .. الصوت كان جاية من الطابق التاني .. طلعت ع الدرج بتردد وخوف .. وصلت للغرفة يلي كان جاية منا صوت العزف .. حطيت ايدي ع مسكة الباب و شديتا بقوة ، لما انفتح الباب ماكان في حدا بالغرفة . الغرفة فاضية مافيا الا خزانة خشب مكسرة ومغبرة و سرسر خشب عليه شرشف لونو رمادي من كتر الغبرة .. انا ماني شايفة حدا عم يعزف بس الصوت من هي الغرفة انا متأكدة ضليتني الحق الصوت لحتى حسيتو جاية من الخزانة ، فتحت الباب كان في آلة بتشبه المسجلة وطالع الصوت منا . تركتا بمكانا ونزلت بسرعة عن الدرج وطلعت من البيت وسكرت الباب ورايي . رحت ع المسرح ماكان في حدا والوقت لسا بكير الساعة 8 ونص و المسرح مابيفتح لل 11 بحكم انه مافي ناطور وهالشي كان اكبر غلط . وقفت برا و اتصلت بعلي طلبت منه يجي ويفتحلي باب المسرح بدي ادخل ع غرفتي رتب اغراضي شوي . استغرب علي انو عم اتصل فيه بهاد الوقت و انا ماني مضطرة لان ماعندي تدريب ولا بروڤات بس مع ذلك حكالي انه خلال ربع ساعة رح يجي ويجيب معه فطور . بعد شوي وصل علي نزل فتح الباب وهو عم يحكي معي ويقلي غريبة انتي حدا بيجي بهيك وقت ؟ على شو مضطرة هالئد والله مابعرف فيئتيني بكير هاتي لنشوف تفضلي .. دخلت لجوى حطيت اغراضي ع الكرسي و اعدنا وفردنا الاكل نهى : ما قدرت نام بالبيت كتير كنت قلقانة لهيك قلت بطلع وبجي لهون ..

العضوة: 743708 , 5 years ago

اتطلع فيني علي وهو مفتح عيونو باستغراب و ابتسامة خفيفة : بشرفك نهى ؟ يعني لان ما اجاكي نوم اجيتي ع المسرح لا لا غريبة انتي .. نهى : بكفي علي ازا ازعجتك فيك ترجع ع البيت خلصنا علي : مابحسن اتركك و ارجع قلبي مابطاوعني نهى : ليش بقى ؟ علي : لان الك مكانة فيه اتلبكت وحسيت بشعور غريب تركتو وقمت على غرفتي . بهالوقت بلشو الكل يجو ع المسرح وهون انا بلشت حس بأمان اتسطحت ع تختي وغمضت عيوني ونمت شي تلت ساعات بعدين صحيت على صوت علي كان عم يدئ عليي ويفيئني . علي : لك نايمة ومرتاحة كأنو بيتك والله .. يلا اومي لشوف روحي نامي بالبيت اريحلك هون ضوجة .

العضوة: 743708 , 5 years ago

طلعت من الغرفة ولساتني متل النايمة اخدت سيارتي ورحت على البيت فتت لغرفتي فورا بدون ما احكي مع حدا انرميت على سريري ونمت . كنت سامعة صوت همس ضعيف من برى مابعرف مين عم يحكي بهالطريقة يلي زعجتني رغم اني نايمة ... وبعد شوي حسيت في شي وقع بالبلكون يلي بغرفتي ، قمت فتحت الباب وتطلعت لبرا اول شي استغربتو انو الدنيا ليل والساعة بحدود ال 8 المسا .. انا كيف بقيت نايمة هيك من ال 3 العصر لهلئ مدة كتير طويلة وماني حاسة . اتطلعت على ارض البلكون كان في شي مرمي ع الارض نزلت مسكتو بإيدي وفتلتو لعندي طلع قناع وجه بخوف وعم ينزل منه دم رميتو من ايدي وانا عم ارجف مابعرف ازا هاد مزحة ولا حدا متقصدني .. شغلت ضو غرفتي ورجعت مسكتو بإيدي و اتفحصتو مزبوط بعدين رميتو وطلعت على غرفة الاعدة كانو امي و ابي و اخواتي اعدين ، اول مافتحت الباب وطلعت حكتلي ندى بكير كتير خليكي نايمة لبكرى ، وماما كانت عم تقلي فوتي سخني اكل وكلي اكيد جوعانة .. وبابا عم يقلي هالشغل مو مناسب متعبك كتير ماعم تعرفي تنامي منه .. ماعطيت بالي لهالحكي بس قلتلن ليه ماحدا فيقني قبل ؟ انتو بتعرفو انو الساعة 6 كان عندي موعد شغل ؟ جاوبتني ماما باستغراب بس ماحكيتي انه عندك موعد نهى : كيف ماحكيت لك انا بتزكر انو قلتلك عند..... حسيت في شي ضربني ع راسي وصحاني نفضت راسي شوي وتزكرت انو انا فعلا ماحكيت .. رجعت على دفتر مواعيدي اتطلعت بالقائمة منيح كان الساعة 6 عندي موعد مع الشركة . رجعت على غرفتي اخدت تلفوني وبعتت لعلي رد عليي وحكينا و سرقنا الوقت لفترة طويلة .. اسلوبو بالحكي كان غريب فيه نوع من الاهتمام الغريب انو طوال فترة حديثنا الابتسامة ما راحت عن وجهي .. بعد ساعتين حكي وضحك تركلي كلمة " بحبك " .. نهى المخرجة القوية يلي بتعطي الفنانين دروس مشان كل دور ياخد حقو هلئ ماعرفت شو تتصرف وتلبكت وفاتت بالحيط .. سكرت تلفوني و صرت اضحك متل الهبلة ، اتطلعت ع وجهي بالمرايا كان لونو احمر من الخجل و خدودي متل الرمان ..

العضوة: 743708 , 5 years ago

اتفقنا انا وعلي إنه نطلع نشرب قهوة بشي مكان .. جهزت تيابي وقررت انو اطلع مميزة بهاللقاء لان هالمرة مو لقاء شغل .. باليوم التاني طلعت ع الموعد و انا بكامل اناقتي و أول ماشفت علي جاية من بعيد حسيت انو انردتلي الروح .. كان شب مربوع الطول عيونو عسليات و أبيض شعراتو بني وناعمين وعم يطيرو مع الهوى ، ابتسمتلو ابتسامة بسيطة وبعدين اعدنا بالحديقة وسلمنا ع بعض وحكينا .. طالع علي من شنتايتو جريدة قديمة و حطا على الكرسي كرمال نحط عليها كاسات القهوة وماينكبو .. لفت نظري عنوان غريب (( مقتل عازفة البيانو ... )) بعدت الكاسات و اخدت الجريدة .. علي : شبك نهى ؟ نهى : بدي اقرأ الخبر هاد شو .. ضحك وحكالي هي الجريدة قبل 13 سنة الخبر قديم بس جدي رجال مهووس بقراءة الجرايد كان يقرأ كل جرايد البلد بس هلئ صارت الصحافة الورقية كتير متراجعة لهيك بضل بجبلو جرايد قديمة ليتسلى ويقضي وقت . نهى : طيب معلش عطيني اقرأ الخبر لو سمحت . اخدت الجريدة وقرأت الي مكتوب .. - مقتل عازفة البيانو الشابة فيروزة تحت ظروف غامضة فهل يكشف القاتل ؟ @rwayate هاد كلشي كان مكتوب عن الخبر .. اتطلعت بعلي وحكيتلو شو قصتا هي البنت احكيلي .. علي : هلأ بوقتا كان عمري 15 سنة بس بتذكر انو هي البنت كانت عازفة بيانو محترفة وفجأة لقوها مقتولة ببيت فاضي و بعيد و ماحدا عرف مين يلي قتلا كتير حاولوا يلاقو القاتل بس مامشي الحال للأسف .. نهى : طيب انت بتعرفو لهاد البيت يلي انقتلت فيه .. علي : لا مابعرفو .. بقولو انو شبح هالبنت ضل يلاحق الناس لأن روحا ما ارتاحت . اخدت الجريدة معي عالبيت وخليتا عندي .

العضوة: 743708 , 5 years ago

ضليتني اعدة بالبيت عم فكر بقصة فيروزة ، طيب ليش اختارتني الي ؟ ليش روحا لتلاحقني الي ؟ قررت روح عالبيت يلي بالجبل .. اخدت سيارتي وطلعت .. كنت خايفة كتير لأني تأكدت إني عم اتلاقى مع روح يعني حدا غير موجود بهالحياة .. أول ماوصلت عالبيت الباب انفتح لحالو بدون ما دئ عليه .. فتحتو منيح ودخلت لجوى كان في ضو بسيط جاية من جوا ضليت عم امشي بهدوء لوصلت للغرفة يلي كان جاية الضو منا .. انصدمت بالشي يلي شفتو .. فيروزة نفسا كانت آعدة بالغرفة وعم تعزف على بيانو والغرفة كلا أضوية وكأني فتت لعالم تاني مختلف عن البيت المهدم وكسوته كلا مهترية .. اشترلي فيروزة بإيدا على الكرسي بمعنى اعدي هون . ضليت صافنة وخايفة ومستغربة لحتى بلشت الأضوية تطفي شوي شوي حل الظلام عالغرفة وصارت عتمة كتير وفجأة وقف صوت الموسيقى ، رجعت رجلي خطوة لورا لحتى اطلع من البيت بس في حدا شدني من رجلي لما لفيت وجهي و اتطلعت كانت فيروزة بوجه مشوه كلو دم و عم تعمل حركات غريبة بوجها .. صرخت وطلعت من البيت وصرت اركد باتجاه سيارتي لحتى طلعت فيا ومشيت بسرعة . رجعت على البيت و شكلي كله متغير دخلت لغرفتي وحكيت مع علي .. شرحتلو كلشي عم يصير معي حكيتلو عن فيروزة وليش اهتميت بالجريدة يلي شفتا .. علي كان مستغرب من حكيي ووعدني إنه يضل معي لنكتشف الحقيقة سوا . @rwayate اجت لعندي ندى كانت حاملة صينية اكل اعطتني ياها وحكتلي سخنتلك اكل لان بعرفك ما بتهتمي بأكلك ونحنا تغدينا قبلك .. اخدت الاكل منا و اكلت بعدين سكرت تلفوني ونمت .. بعد شوي فقت لقيت اهلي كلن فوق راسي ومرعوبين و اضوية غرفتي شغالة .. فتحت عيوني باستغراب : شوفي ؟ امي : شو صايرلك لك كنتي نايمة وعم تضحكي بصوت عالي كتير وبعدين صرتي تحكي حكي مو مفهوم ندى : اجينا كلياتنا مرعوبين وصرنا نصحيكي وما تحسي شبك اختي ؟ نهى : مابعرف انا ماني حاسة لا انو ضحكت ولا انو حكيت ولا انو فيقتوني اصلا .. راحو كلن من غرفتي وبقيت لحالي فتحت موبايلي و اتصفحت بموقع لأخبار الفنانين ..

العضوة: 743708 , 5 years ago

قرأت خبر بقول : مسابقة الحلم بين أحد أهم مخرجي المسرح ، طلال عادل و نهى عبد ، من سيصل للقمة ؟ نهى مع التدريب المستمر لفريقها ، أم طلال مع عدم التدريب و الاهتمام الفائق لتلك المسابقة !! سرحت بخيالي للحظات و أنا عم احلم اني ربحت المسابقة و وصلت للقمة .. فعلا انا عم بتعب على فريقي وعم اشتغل معهن كتير لنربح بالمقابل طلال مو سائل وكأنو واثق من نجاحو حتى بدون بروڤات و تدريب .. باليوم التاني نزلت على المسرح كان الوقت لسا بكير ومافي حدا أعدت بغرفتي وقررت اتصل بالممثلين ونعمل بروڤا استثنائية لنتأكد من الشغل .. سمعت صوت حركة برا بالمسرح فكرت علي أجا لهيك طلعت من الغرفة و انا عم ناديله : علي ؟ انت اجيت ؟ في شي كان عم يتحرك بين الكراسي .. قربت على مهلي واتطلعت ، صدمني الشي يلي شفته .. قطة نازل من جسما دم ووجها مليان دم وكأن واقعة أو مدبوحة . حملتا من بين الكراسي لان كانت علقانة بعدين نطت من ايدي وطلعت لبرات المسرح .. بعد شوي وصل علي وشافني كيف مرعوبة ولوني متغير سألني عن يلي صار وحكيتله عن القطة يلي شفتا .. حط إيدو على كتافي بحنية وطمني انو هو رح يبقى معي .. وخبرني انو رح نروح انا وياه لعند وحدة عرافة اسما غيوم بتقدر تتواصل مع أرواح الأموات وتعرف هم شوبدهن وشو غاية فيروزة من انو تطلع إلي وليش اختارتني انا مو حدى تاني .. وافقت على الفكرة وقررنا نروح اليوم الساعة 6 لعندا ، خبرت اهلي انو رح اتأخر بالمسرح .. و اطلعت بعدين انا وعلي ، مشينا بالسيارة لمكان بعيد حكالي انو هي الختيارة عايشة بضيعة بعيدة شوي عن المدينة وبدنا تقريبا ساعة ونص لنوصل لعندا .. بقينا نمشي بالسيارة والجو كان عتم وكل مابعدنا شوي عن المدينة كانت العالم عم تقل والسيارات عم تخف والهوا والبرد عم يزيد .. @rwayate وصلنا للضيعة كانت كتير فاضية ومافيا أبنية هي مجرد بيوت من طين او لبْن ومهدمة ومهرهرة كتير .. الأرض كانت طريق كلو حجار و رمل .. بلشت خاف و اتوتر بس علي كان عم يطمني كل شوي .. وصلنا على أبعد بيت بالضيعة كان موجود لحاله مافي حواليه أي بيت .. دقينا الباب قام انفتح لحاله وهو عم يطالع صوت زقزقة وفي صوت من جوا نادالنا اتفضلو .. دخلنا لجوا كانت الختيارة غيوم آعدة لحالا ، شعرا أبيض ومنكوش وعيونا كبار وسود و لباسا أسود ..

العضوة: 743708 , 5 years ago

غيوم : احكيلي قصتك يا نهى استغربت كيف عرفت اسمي ؟ و اتطلعت بعلي وقلتلو بصوت واطي أنت حكيتلا شو اسمي ؟ جاوبني علي باستغراب أكتر .. لأ ومستغرب كيف عرفت اسمك !! غيوم : يا أما احكو يا أما اطلعو لبرى انتو التنين .. نهى : لا رح أحكي .. أنا اسمي نهى صرلي مدة عم شوف خيال بنت غريب وهالبنت اسما فيروزة وميتة .. انا مرعوبة كتير ماعم بعرف شو بدا مني ؟ غيوم : بدا منك تساعديا .. البنت ماتت قتل و يلي قتلا هرب و إذا انتي ماعرفتيه يبقى رح تضل روحا محبوسة ومارح تتركك بحالك نهى : طيب ليش اختارتني إلي ؟ غيوم : لأن يلي قتلا قريب منك نهى : شو ؟ مو معقول . غيوم : لازم تعرفي يلي قتلا وتخليه يتحاسب . نهى : طيب مازال قريب مني معناتا كيف رح أعرفه ؟ غيوم : رح يكون في إشارة منو وبس تصير رح يكون هالشخص هو نفسو القاتل .. طلعنا أنا وعلي ونحنا التنين مستغربين كتير من حكيا .. قررت انو دور على القاتل وعلي قرر يساعدني لآخر لحظة لوقت نقدر نحرر روحا وناخد حقها من المجرم يلي قتلا .. رجعت على البيت الساعة 11 بالليل كانو أهلي آعدين بالصالون عم يستنوني وباين على وجوهم في علامات الغضب قام بابا من مكانه وحكالي : انتي بطلتي تستحي صرتي تضلي برات البيت يوم ويومين وماتسألي .. ماحكينا قلنا هاد شغلك ومهنتك .. بس انو تغيبي عن البيت و المسرح و تطفي موبايلك ونتصل نسأل العالم وماحدا يعرف وينك هيك كتير ... كتير يعني مو هيك ؟ كنت ساكتة و عم اسمع حكي بابا .. بعدين اعتذرت منه و رحت على غرفتي .. اجت ندى على غرفتي وكانت جايبة فنجانين قهوة .. حكتلي خلص روقي وشربي قهوة ولاتضلي زعلانة .. شربنا القهوة أنا وياها بعدين هي راحت و أنا أعدت رتب أغراضي وخزانتي .. لمحت حدا مر من ورايي .. التفتت بسرعة مالقيت حدا ..

العضوة: 743708 , 5 years ago

كنت ساكتة و عم اسمع حكي بابا .. بعدين اعتذرت منه و رحت على غرفتي .. اجت ندى على غرفتي وكانت جايبة فنجانين قهوة .. حكتلي خلص روقي وشربي قهوة ولاتضلي زعلانة .. شربنا القهوة أنا وياها بعدين هي راحت و أنا أعدت رتب أغراضي وخزانتي .. لمحت حدا مر من ورايي .. التفتت بسرعة مالقيت حدا .. رجعت حسيت خيال اسود مر من الجهة اليمين ورايي و رجعت فتلت وجهي مالقيت حدا .. عرفانة انو روح فيروزة عم تحوم حواليي بس مو طالع بإيدي شي .. بعتت لعلي مسج وخبرتو كلشي صار معي و اتفقنا انو من هون لبكرى يجبلي معلومات عن فيروزة . باليوم التاني طلعت تلاقيت مع علي بمقهى .. وحكالي انو فيروزة من عائلة فقيرة و كانت تعزف عالبيانو بطريقة محترفة من هي وبعمر ال 14 سنة .. تربت مع أمها وزوج أمها لأن كانت يتيمة الأب .. وبالعشرين صارت تشتغل نادلة بمطعم بالفترة الصباحية وبالفترة المسائية تعزف عالبيانو .. وبعمر ال 21 لقوها مقتولة ببيت مهجور وبعد تحليل الجثة اكتشفوا انو كانت مقتولة من قبل مايلاقوا الجثة بيومين .. نهى : اووووف طيب وكيف بدنا نعرف مين يلي قتلا ؟ علي : انا قدرت أعرف أنو أمها عايشة بمحافظة تانية حاليا هي و ابنا .. لهيك قررت روح لعندا نهى : ممتاز هي فكرة كتير منيحة