العضوة: 743708 , 5 years ago

مسح دموعو براحة ايدو، وكمل كلامه باجس : حتى رواد ياجدي نبذتها وتخليت عنها وانت بتعرف انها حفيدتك ومن صلبك سكت شوي وبعدا صرخ… على شوووو سامحك قلي… انا مابدي اطلب مـڼـڱ ترجعلي سنين عمري اللي راحت ولا تردني لتعيشني تحت جناحك…ولاحتى تعترف برواد حفيده الك… انا شي واحد بدي ياه ياعصام ياشامي الجـــد :…… . هديت ملامحه وكسا الحزن وجهو ونزلت دموعوا لتبلل لحيتو المهذبه وشرع بالحكي باجس : بدي سوزان ويوسف ياجدي فيك ترجعهم !! غمضت بدور عيونها ب الم ورفعت راسها لفوق لتنزل دمعاتها سخيه وهي عم تشد ع زند ابوها وماكان حال ياسمين احسن منها ولا بخلت بدمعاتها وقت انذكرت بنتها ( ذبيحة ابوها ) يلي خسرت حياتها وحياة حب عمرها كرمال عادات وتقاليد ولدت من رحم عقيم سكت الكل وطأطأو روسهم بالارض وبسرعه حرك باجس اجريه وتناول العقود ورجع لعند جدو باجس : كرمال الثروه ضيعتنا جدي كرمال العز والجاه تحول امير لانسان اناني جشع وخالي بيقتل بدم بارد وعمتي الحنونه صارت نسخه منك بتخبي حزنها بجلد كبيرررر بهنيكم على قسوتكم ماحدا بهالقصر حس فيي الا نهال… ابتسمت نهال من بين دموعها وشدت ايدها عصدرها باجس : بدك الثروه جدي ليكا الثروه كلا بين ايديك انا مابدي منك شي… . الشي الوحيد يلي بدي ياه انكن تنسوني انا ومرتي لنعيش بسلام …… .يالله ضياء خلينا نمشي من هون فتل حاله ليمشي واستوقفه نحيب جدو اللي خر عركبه وصار يبكي متل الاطفال الجد : لاتروح ابني لاتروح يغالي تلفت عليه باجس بحزن دفين وتحرك لعندو ونزل بركبه وقعد قباله باجس : نسيت قلك شي مهم جدي… اطلع حواليك شايف هالعيله هدول هنه #الورقه_الرابحه مو العز والمال حكا جملته الاخيره وعدل قامته وتحرك بجسمه بخطوات سريعة ناح السياره ولحقوا ضياء وانطلقوا فيها تاركين الجد بحالة انهيار بين دموع الندم واحساسه بالزنب وبين تفكيرو بطريقه يرجع فيها عالقصر شد عقبضته وهمس لنفسه… معك حق ياباجس العيله هيه #الورقه_الرابحه 💔

العضوة: 743708 , 5 years ago

بقلب مليان ندم رجع أمير على بيتو ... فات عغرفتو وشلح الجاكيت ..حلحل كرافتو عأمل يروح الضيق م̷ـــِْن صدرو ... قعد ع طرف التخت ورما راسو بين ايديه ... أمير: معقول الطمع كان عامي على بصيرتي كل هالفترة .. معقول المصاري خلتني شخص بلا احساس .. مارضي يسامحني .. نزلت دمعة حارقة على خدو وحط ايدو عصدرو بضيق ... أمير: أنا خسرت كلشي .. لأني عغلط خسرت كلشي .. دعااء رااحت وشمس دمرتني .. سكت شوي وهو بيردد اسم شمس شمس شمس شمس اتغيرت نظرتو وبلش يتطلع عالغرفة ويحرك حجر عينو بزواياها .. وبلشت تجي ذكريات مع شمس ..كل زاوية بهالغرفة بتزكرو فيها وكيف كانت تتحول م̷ـــِْن شيطان لملاك فيها .. أميرصرخ م̷ـــِْن كل قلبو : انا بكرهكككك بكرهككك...ياششمسسس بكرهككككك وقف وبلش تكسير بالغرفة .. أمير: مابدي شي م̷ـــِْن ريحتك يا شمس ..ماااا بدي شي م̷ـــِْن ريحتك ياحقيرة فتح خزانتها وبلش يطلع تيابها بغل ويرميهم ويمزع فيهم سحب الأغراض يلي عالرف ورماهم عالارض وهون وقع قدامه صندوق خشبي امير : شو الصندوق هاد اول مَـرّھٌ بشوفوا وبعدين ليش مسكر بالقفل ياترى شو مخبيه ياشمس سكت شوي وبعدا تناول مبرد الاظافر وبلش يفتح القفل وبعد عدة محاولات انفتح القفل وبلش يتفرج عالمحتويات يلي بقلبه مسك اول ورقه وعيونه جاحضه بدهششه… . امير : تحاليل مخبريه !! شمس هيه اللي عاقر !!!! معناته خالي مرتضى كان !!!! نكت الصندوق عالتخت وبلش يقرأ باقي الاوراق صور لمجموعة المصانع وقت كانت ب اسم عبدالسلام عقد شراكه بين عصام وعبدالسلام صوره عن عقد تنازل من عبدالسلام لعصام تحاليل مزوره انها سليمه وبتجيب ولاد وتقرير طبي تاني بيأكد نسبة العقم عندها 100% صور للحادث اللي صار لخاله سلطان ومرته وقصاصات من مجلات عن الخبر والورقه اللي شلت اركانه… . تحليل ال Dna وشهادة ميلاد رواد واخيرا انكشفت اوراق شمس بالكامل قدام امير… لكن بيبقى السؤال ليش محتفظه بصور الحادث يلي صار لخاله مع ادق التفاصيل !! رجع كلشي مكانه واكتفى انه يخلي معه تحليل ال dna

العضوة: 743708 , 5 years ago

امير : انا لازم اتحرك وبسرعه .. حتى ازا ماسامحني باجس عالقليله بحاول صلح شي بالتالي ماحدا بيخسر كلشي ولابيكسب كلشي حمل الصندوق وخباه بغرفة دعاء وحمل حاله وطلع بسرعة م̷ـــِْن الشقة ... *╚══════ღღ══════╝ بهالوقت كانت رواد عند الدكتورة عم تفحص عالايكو وشهد واقفة بجنبا وناطرة عنار ... خلصت الدكتورة وارتسمت على وجها ابتسامة عريضة .. الدكتورة: خلصت فيكي تقومي شهد :طمني دكتورة الدكتورة: انشالله الف مبروك المدام حامل احساس غريب حست فِيَھ رواد بس سمعت هالكلمة م̷ـــِْن الدكتورة ولمعة بعينها دمعة فرح ... شهد: يي انشاللله الف الف الف مبروووك رورو ..ڵـڱ شبك لَيــِْـِْش. دمعو عيونك؟ رواد مسحت دمعتها متل ولاد الصغار وابتسمت :هدول دموع الفرح شهد ..دموع الفرح شهد: يي لواه لواه والله يلي بشوفك هيك بقول الك عشر سنين متجوزة وماخلفتي .. رواد؛ :يبعتلك ڵـڱ انتي مسحوبة م̷ـــِْن لسانك شهد: اي الداية للاسف ماطالت الا لساني وقت ولدت امي ..اي صحيح اكيد رح تخبري باجس رواد: طبعا ..حابة اعملو اياها مفاجأة ..يلا خلينا نرجع ليستعوقونا بكونو رجعو .. *╚══════ღღ══════╝ اما عند باجس كان قاعد هوة وضياء وسوسن .. ضياء بيمزح: بتعرف باجس لْـۆ اني مكانك مابرجعلون شي وفخار يكسر بعضو باجس: هلأ جاي تنكش مخاتك عليي .. انا مابعيني كل مال الدنيا .. انا يلي بدي اياه عيش وانا مرتاح مع رواد .. سوسن: عسيرة رواد ..م̷ـــِْن لما رجعتو ماشفتا ضياء: اي والله الشي. يلي صار نسانا رواد وحتى شهد مختفية باجس: وانا عم قول لَيــِْـِْش. البيت هادي ..رح رنلا وشوف وينا .. حمل باجس جوالو بدو يرن لما سمع صوت الباب عم يرن بطريقة مو طبيعية .. ضياء: يمكن هنن وقف باجس وراح فتح واتفاجأ بأمير عالباب .. أمير: كيفك يا ابن خالي باجس:انت شو جابك لهون أمير: ڵـهٍ ياباجس هيك بتستقبل ضيوفك باجس اتنهد باسى : تفضل ..

العضوة: 743708 , 5 years ago

فات باجس ووراه أمير وهو عم يتلفت حواليه ومستغرب م̷ـــِْن المكان ... أمير بقلبو: انت عايش هون !!!.. قدرت ترجع كلشي أملاك والفرصة كانت بإيدك لتطلعنا كلنا برة وتصير انت البيك .. مو معقول شو ظلمتك يا ابن خالي .. صحاه م̷ـــِْن شرودو صوت ضياء: خير. أمير شو يلي جابك بهالوقت أمير: اجيت اطلب {العفو يا ضياء باجس: ... أمير: باجس انا بعترف اني غلطت وغلطي كتير كبير .. بس المسامح كريم ونحنا بالنهاية بنضل م̷ـــِْن عيلة وحدة ومتل الاخوة تغيرت ملامح باجس وامتزجت بين الالم والقهر

العضوة: 591453 , 5 years ago

❤️❤️❤️

العضوة: 591453 , 5 years ago

كملي

العضوة: 804808 , 5 years ago

من فضلك كملي القصة

العضوة: 428676 , 5 years ago

رحيق ليش انا وقفت عند يوم أمير عازم دعا ب المطعم وبعدها جا حوار على مع امه

العضوة: 244350 , 5 years ago

حبيبتي شو اسم القصة الاصلي لانو انا قي كتسر اجزاء ماقراتها

العضوة: 768521 , 5 years ago

🌺🌺🌺🌺

العضوة: 768521 , 5 years ago

💚💚💚💚💚

العضوة: 768521 , 5 years ago

ممكن تكملي القصة ......

العضوة: 734447 , 5 years ago

كملي

العضوة: 782632 , 5 years ago

@user-743708 كملي

العضوة: 591453 , 5 years ago

@user-743708 ان شاء الله تكملي القصة لان والله لي يومين وانا اقرأ فيها🤣