العضوة: 743708 , 5 years ago

امير : نهال صرلك شي نهال بخجل : لا يسلمو امير لولاك كنت جيت ع وجهي طب رفعت راسها لتبان اللمعه بعيونها ولاول مره تلتقي عيونهم بشكل مباشر انتبه امير انها قريبه كتير منه وانفاسهم اختلطت ببعضها ومع اول هبة هوا تناثرت خصلات شعرها على وجهها رفع ايدو وزاح خصله من شعرها ورجع اطلع بعيونها وحس بدقات قلبه عم تخفق بشكل غريب امير : نهال نهال : عيونها (( لحظه من الزمن كانت كفيله ان توقظ مارد الحب الذي احتبس لسنوات طويله بقلب ذاك الامير نظر لعيناها المتلألأه وشفتاها المرتشعه وكاد ان يفتك بهما عشقا فهل خفق قلب الامير لتلك السمراء الشقيه )) *╚══════ღღ══════ وبمكان قريب منهم… نزلت شمس المنظار من ايدها ورسمت ابتسامه جانبيه على تمها شمس : عايشين حياتكم ومبسوطين ايه شو عليه ازا مابحول حياتكم لجحيم مابيكون اسمي شمس *╚══════ღღ══════╝ #يـــــتــــبـــع (◕‿◕✿)

العضوة: 743708 , 5 years ago

مافي اجمل من لم شمل العيله عالحب والاخلاص .. مافي اجمل من انك تعيش بين عيله بتحبك وتخاف عليك ومستعدين يضحوا بالغالي والنفيس لاستمرارية الترابط الاسري… . وعلى سيرة التضحيه تعوا نشوف ياسمين بشو عم تفكر *╚══════ღღ══════╝ بعد عدة زيارات بين العيلتين توطدت العلاقه بين عيلة الشامي وعيلة ابو ضياء لحتى صارو متل الاهل… كان الكل يتعامل بكل عفويه لكن قلب الام دليلها واول ماتحس بخطر عم يقرب من اولادها بتكون مستعده تضحي بنفسها كالعاده فاتت ياسمين لعند بنتها نهال اللي كانت مشغوله بملاعبة يوسف وتدليلو ياسمين : كيفا اميرتي الحلوه نهال : الحمد للہ منيحه بس… ياسمين بقلق : بس شو صاير معك شي!! نهال بتوتر : مابعرف امي انا كتير متوتره ومو مرتاحه قربت منها ياسمين ومسكتلا ايديها المرتشعه ياسمين : لاتشغلي بالي امي وفهميني شو صاير معك بلشت نهال تلعب ب اصابيعها وهي منزله عيونها بخجل ياسمين ( رفعت دقنها بطرف ايدها واطلعت بعيونها )… الموضوع بيخص امير ماهيك هزت نهال راسها بالايجاب… اي امي بصراحه مو عاجبني انها شهد تكون سيكرتيرة عند امير ابتسمت ياسمين وهي شايفه الغيره بعيون نهال وقربتها لصدرها ياسمين : مابظن امير بيفكر بشهد متل مانك مفكره نهال : وليش مايفكر فيها اساسا شهد بنت حلوه ومتعلمه وو… بلعت السانها وغصت بكلمتها ونزلت منها دمعه ياسمين : لي سكتي كملي نهال : الضاهر يا امي مو مكتبولي افرح كل ما احكي الحياه ضحكتلي بتجي وحده تخربلي كلشي ياسمين : ههههههه يلي بيسمعك بيحكي عنك عجوز وفاتك قطر الزواج لك امي نهال بخجل : مو هيك قصدي بس ياسمين بخبث : انتي حبيتيه لامير ماهيك احمرت خدود نهال وزاحت عيونها عن امها وياسمين بدورها ماحتاجت لشرح زياده لتفهم شو عم بيوجع قلب طفلتها الصغيره ..

العضوة: 743708 , 5 years ago

تبسمت بود وحضنت وجهها بين كفوفها الدافيه وحكت بنبره حنونه ياسمين : اطمني بنتي مافي شي من يلي براسك حيسير انتي مو بتوثقي ب امك نهال : اكيد امي ياسمين : لكن افردي وجهك ياروحي واتأكدي طول ما انا عايشه مارح اسمح لحدا يئزيكي او يزعلك رمت نهال حالها بحضن امها وهي عم تبكي نهال : تسلميلي يا اروع ام بالدنيا (ياترى بشو عم تفكر ياسمين 🤔) *╚══════ღღ══════╝ وعند رواد وباجس… فاتت رواد وهي حامله صينية القهوه وحطتها عالطاوله ناداها باجس برقة وهو بيأشر عالكنبه بحدو باجس : تعي ارتاحي شوي .. اليوم كان مرهق كتير بالنسبة الكِ. تحركت لتقعد بحدو وحطت راسها ع كتفه رواد : فعلا معك حق.. ماعم صدق أنه كل هالأحداث مرت علينا بفتره بسيطه باس خصلات شعرها الثائرة بخفة.. ولفها بخفه ليكون ظهرها مستريح على صدره وبلش يمسدلا كتافها برقة وهي استكانت على وضعها ومددت اجريها عالكنبه قدامها .. كانت حاسه أنها آمنة ومحمية بين ذراعيه.. غمضت عيونها بوداعة لحتى وصلها صوته رواد .. كأنك مو راضيه عن شغل شهد عنا بالشركه ؟.. سكتت لحظات حس فيها بالقلق.. ورجع يسألها: رواد .. نمتي؟.. جاوبت بسرعه وهي بتتهرب من الرد الصريح: رواد : لا مانمت بس حسيت براحه وانا ماده اجري حط راسه ع كتفها ورفع دقنها ب ايدو وهمس بحد دانها باجس : لا ترواغي.. ولا تتهربي من الاجابة.. لفت وجهها عليه وهي عابسه بوجهه وبارمه شفايفها رواد وليش مسموحلك دايما بالمراوغة!.. همس بحزم: روااااد حاولت رواد تتملص من قبضته اللي ماسكه بدقنها بقوة, لكنه ما تركها واستسلمت لتخبره باللي جواتها رواد : بصراحه اي بس مو لاني مابدي شهد تشتغل بالشركه باجس : لكن شو السبب

العضوة: 743708 , 5 years ago

رواد : ممممم بدك الصراحه باجس بنفاذ صبر : وبعدين معك رواد احكي يلي ببالك بدون هالمقدمات رواد : بتتزكر هداك النهار وقت عملو بالقصر مشاوي والكل كان موجود باجس : اي بتزكر رواد : وقتها نهال عملت حالها تفركشت قصدا باجس : مافهمت عليكي رواد : يوووه شبك ماعم تفهم عليي يعني ما اشتلقت انها نهال اكلت شهد بعيونها وقت عرض عليها تشتغل عندو سيكرتيرة باجس : هلأ كلشي هالشي صار وانا بينكم متل الاطرش بالزفه رواد : هههههه لأنك ماكنت مركز بس انا كنت مركزه كتير منيح باجس : وياترى كنتي مركزه عالكل ولا على نهال بس سحبت دقنها بعنف من قبضته وهي بتعتدل بجلستها رواد : شو قصدك !! باجس : يعني انا كمان كنت مركز وشفتك يامرتي الغيوره كيف كنتي عم تطلعي بنهال رواد : هلأ انا كنت عم اطلع بنهال لأني غيرانه منها عليك باجس : بس انا ماقلت انك غيرانه عليي رواد بتوتر : اا انا هيك فهمتا قطعت رواد كلامها.. وحطت ايدها ع بطنها.. وتأوهت بخفه… اااه تحرك باجس بسرعة ونزل قدامها على ركبه وحط ايدو فوق ايدها المستريحة على بطنها وسألها بقلق: باجس : شبكِ؟.. في شي عم. يجعك ؟..

العضوة: 743708 , 5 years ago

قبل ما تجاوبه حس بايدها عم تتحرك بخفة تحت يده.. وسحب ايده بخوف وهو مو مدرك ليوصف اللي حسه تبسمت رواد و سحبت ايدو وحطتها ع بطنها مباشرة.. وحس برجفة خفيفة تحت ايدو.. حركة بتشبه رمشة الجفن وقت تستشعرها بباطن الايد.. انتفض جسمه بالكامل وهو عم يتجاوب مع الحركة.. وهمس بتأثر:ـ هاد !!!!.. ما قدر يكمل جملته.. وكملتها عنه رواد وهي بتبتسم بحب رواد . أي ياروحي هاد ابنا .. وهي ركلة بسيطة.. سألها بخوف:ـ وجعتك؟.. هزت راسها بالنفي رواد : لا بنوب . أنا بعتبرها وسيلة اتصال بيناتنا.. بس أحياناً بتوجع شوي .. ابتسملا ابتسامه عريضه وشرع بالحكي: باجس : ـ وشو خبرتك بنتي !! عاندته بقوة: ـ ابني بيتحالف معي.. لانه حس انك بتزعلني رجع وقعد ع الكنبه وهو بيسحبها بين ذراعيه ويريحها بنفس وضعها الأول وهمسلا باجس ; هلأ هيك انا بزعلك يا اميرتي ريحت راسها ع كتفه وهي بترد بنفس الهمس: ايه بتزعلني باجس : لك ماعاش اللي يزعل اميرتي ساد الصمت لفترة ظل باجس يمسد بطن رواد برقة وكأنه ناطر ركلة تانيه..وبيدور ع وسيلة الاتصال يلي خبرته عنها رواد.. وبعد دقايق حس انه مافي امل يحظى بركله تانيه باجس : روحي انا صار لازم روح عالشركه لاخلص بعض الامور رواد : مو قلتلي مارح تروح اليوم باجس : حياتي مارح طول ساعتين زمن وبرجعلك… رواد : مابدي… خليك حاضني لحتى نام وبعدا فيك تروح ابتسم بحب لمكر زوجته المدلله و بعدها عنه بخفه وحملها بين ايديه وحطها عالتخت ونام بحدها وغمرها بحضنه باجس : ب امرك اميرتي المدلله ولعمرينو الشغل *╚═════

العضوة: 743708 , 5 years ago

وقفت ياسمين قدام الشباك متل العادة تتأمل اختفاء خيوط اشعة الشمس على استحياء من الأفق وانغماس السما بالسواد وكأنها حاسه بمقدار الألم الأسود اللي تراكم بداخلها حتى ظنت أنه خيوط الشمس نفسها واللي بتغمر الكون بضيائها عاجزة عن كشف ولو جزء صغير من الحزن القاتم اللي سكن روحها وقلبها.. طلعها من شرودها وقت لفت انتباها صوت الباب الخارجي للجناح رفعت عيونها لتلمح جاسم عم يدخل الغرفة وهو بيجرجر اجريه والإرهاق واضح على ملامح وجهه.. واول ماشافها فتح عيونو والدهشة على وجهه.. . أربكه مظهرها لوهلة وهي واقفه قدامه والغرفه مافيها اي نور مشعل جاسم : لك رعبتيني ليش واقفه بالعتمه تبسمت بحزن دفين : اسفه كنت شارده مع الغروب… احضرلك العشا جاسم : لا مافي داعي بدي بدل تيابي واطلع فورا عندي موعد مع رجال اعمال بلش يخلع تيابه بهدوء وعيون ياسمين تراقبه بدون ماتحرك ساكن رمى قميصه على الفراش بإهمال.. وفتح خزانته وتناول تياب نظيفة.. و دخل ع الحمام بصمت تام.. بقيت ياسمين تراقبه لحتى سكر باب الحمام .. وهون نزلت دموعها بغزارة.. ياسمين بقلبها : عم تعاملني وكأني طيف غير مرئي.. أو شبح خفي مو زوجه تعودت على وجودها بحياتك… شو زنبي ازا ماعدت قادره جيبلك ولد يحمل اسمك ليش شايفه نظرة اللوم بعيونك والمفروض انك توجهها لابوك تحركت ووقفت قدام مرآيتها, ونصدمت من انعكاس صورتها انصدمت من المره الواقفه قدامها ايمت بانت هي التجاعيد تحت هالة عيونها وايمت حولت مظهرها لهي المره اللي بطل عليها من المرآيه !!. ايمت عملت بحالي هيك !!!!

العضوة: 743708 , 5 years ago

غمضت عيونها وهي بتضغط على خلايا عقلها وتجبرها على التذكر.. وبخيالها شافت حالها عم تفتح الحنفيه وتعبي مغطسها بالمي والكتير.. الكتير من العطور القوية لتغرق نفسها جوات هالمي الدافيه بريحتها النفاذة والخانقة حتى حست بالفعل انها عم تختنق.. وبعد ماخلصت حمامها طلعت وتوجهت لخزانتها وبلشت تقلب بين قمصان نومها لتلبس أكثرهم كشفاً لجسمها.. التفتت ناح تسريحتها وقعدت عالكرسي بهدوء وبلشت تحط زينة لوجهها وبدون ماتحس بعمرها اللي سرقته منها السنين لقيت أصابعها عم ترسم ملامح مره مختلفة.. وبدل أحمر الشفايف الوردي الهادي استخدمت الأحمر الداكن.. وبدل ماتحط ظلال جفونها بلون السماء الصافية.. استخدمت لون رمادي قريب من الأسود.. وبدون شعور تحركت ايدها من الكحل الأسود لأول مرة لتحدد عيونها ببراعة.. وأخيراً بعد ما خلصت رمقت انعكاسها اللي قبالها بالمراي بعد ماتحولت لمره ذات أنوثة متوحشة.. ماكانت عارفه لي عملت كل هالشي .. يمكن غريزتها حفزتها لتدعم ثقتها بنفسها.. أو رغبتها أنها تكون شخص اخر مختلف عن هديك المره المتخاذلة اللي ماعرفت كيف ادافع عن بيتها.وطفلها .. ودفعت بنفسها وبزوجها للهاويه. او يمكن كانت غايتها تبهر عيون جاسم ويرفض الشي اللي رح تطلبه منه رغم انه حل مشوه لكن لابد م̷ـــِْن التضحيه طلعها من أفكارها انقطاع صوت المي جوا الحمام.. وهالشي بيعني قرب المواجهة.. مسحت دموعها بهدوء.. وتحركت ناح الفراش لترفع تيابه اللي رماها بإهمال وعلقتهم عالشماعه بلش جاسم يلبس تيابه ويجهز نفسه وياسمين تفرك ايديها ببعض بتوتر وحبات العرق عم تتجمع عجبينها جاسم : ياسمين لو سمحتي ناوليني الكرافه المقلمه ياسمين : اطلع فيها من خلال المراي ولاحظ شرودها… تلفت لورى وحكا بتعجب جاسم : شو ماسمعتيني ياسمين : انت لازم تتجوز جاسم جاسم ; شوو !!!! *╚══════ღღ══════╝

العضوة: 743708 , 5 years ago

فاتت شهد عالبيت وشلحت من اجرها ودغري توجهت عالمطبخ شهد : امييي شو طابخه ميته من جوعي كانت ام ضياء عم تحرك الطبخه وردت بصوت هادي ام ضياء : يالله امي هلأ بيجهز الاكل استغربت شهد من اسلوب امها بالرد وحست انه في شي… وقفت وراها ومسكتها من كتافها ولفتها عليها شهد : امي شبكي !! صاير شي بغيابي نزلت ام ضياء ايدين شهد براحه وزاحت وجهها عنها ومسكت الصحون وبلشت تصفهم عالطاوله ام ضياء : مافي شي امي انا تعبانه شوي مسكت ايدها وضمتها بين كفوفها وسألت بقلق شهد : ابوس ايدك امي فهميني شو صاير… . شو عم تخبي عني ام ضياء : شو بدي كون مخبيه يعني قلتلك مافي شي لاتبلشي تنقي شهد يلي فيني مكفيني شهد بصدمه : يلي فيكي مكفيكي !!! شو قصدك امي !! ام ضياء : خللللص شهد قلتلك حاج تنقي وروحي لغرفتك ليجهز الاكل شهد : مارح اتحرك لاعرف شبك ام ضياء ب انفعال : اجاكي خطاب اليوم رفعت حاجبها ب استنكار شهد : وهالشي مدايقك !! ام ضياء دمعوا عيونها… يلي مدايقني انن بس عرفوا مين انتي راحوا وماعاد يرجعوا شهد : مين انا !!!! ليش مين طلعت بالله ام ضياء : ابن الحرام طليقك مشوه سمعتك والجماعه بس عرفوا مين بتكوني لاموا ام ماهر لانها دلتهم عليكي ووجوهم ماعادت تفسرت كانت شهد عم تسمع لكلام امها وعيونها مليانين دموع… اخدت نفس عميق واتبسمت ابتسامه هزليه ساخره… شهد : طز فيهم اساسا انا مابدي اتزوج ويلي بيصدق عليي كلام واحد وسخ متل مروان مابيشرفني اعرفه حكت جملتها وهي عم تتعدا امها وفاتت لغرفتها وسكرت الباب بكل هدوء ووقفت وراه وهي حاطه ايديها عتمها لتكتم شهقاتها نزلت عالارض وغمرت وجهها بين ايديها وانفجرت بالكي شهد ب انهيار : منك لله يامروان منك لله يا ابن الحرام 😭

العضوة: 743708 , 5 years ago

كان جاسم ضايع بعيون ياسمين اللي حبست دموعها بكل جلد وهي بتخبرو بقرارها بتزويجه مره تانيه جاسم : انتي عم تحكي جد ولا عم تمزحي ياسمين : هيك امور مافيها مزح جاسم انت لازم تتزوج من حقك يكون عندك ولد يحمل اسمك صرخ فيها : هلأ صاااار من حقي يكون عندي ولد ياسمين اما وقت حكى ابي اني لازم اتزوج شمس جنيتي وضيعتي ابنا بقيت محافظه على ملامحها البارده وشرعت بالحكي ياسمين : يمكن لانه ربك بيحبك بعدك عن هيك جيزه وهيك زوجه جاسم بلبكه : اا نا انا ياسمين : انتو شو ياجاسم مفكر اني مابعرف شو مخبي عليي ولما انكشف كلشي قدام العيله مافتحت تمك بحرف وكأنك خيال ومو موجود جاسم ; لشو بتلمحي ياسمين ياسمين : انا سمعتك زمان وانت بتحاكي علي خال رواد ووعدته تخلي ابوك يعترف فيها وطلبت منه تخلي رواد تجي لعندك لتحميها بس لما مات سلفي مرتضى الله يرحمه تغيرت كتير وغيرت من مبادئك جاسم : لااا انتي اكيد عم تخرفي ياسمين : اعتبرني عم خرف وانسى الكلام يلي حكيته… وهلأ خلينا بالمهم تغيرت ملامح وجهها للجديه المفرطه ولمعوا عيونها ياسمين : شو رأيك بشهد جاسم : شهد !! قصدك شهد شهد ماغيرها ياسمين : اي شهد ماغيرها جاسم : رأيي فيها من انو ناحيه ابتسمت ياسمين لانها بتعرف بقرارة نفسها انه زوجها فهم مرادها وعم يتغابى عليها ورغم هيك مابخلت عليه بالتوضيح رغم رجفة شفايفها الواضحه ياسمين : كــــ كـــزوجـــه جاسم : انتي واعيه لكلامك ياسمين بدك ياني اتزوج شهد ياسمين : ردة فعلك بدل انك موافق… الف مبروك اطلع فيها ب استغراب وعلى قميص النوم المثير يلي لابسته

العضوة: 743708 , 5 years ago

جاسم بقلبه "يا ربي.. هي عم تحاول تقتلني بمظهرها . معقول تكون هالأنوثة الصارخة مو قادرة تحس بشي.. رغم سنك ياياسمين لكنك مبينه مهلكة..مهلكه بكل معنى الكلمه برغم زينة وجهك المبالغ فيها واللي عم تحاولي من خلالها تباني بمظهر مبتذل لكنك فشلتي… انتي فعلا انثى كامله لولا هالشي يلي صار معنا بس يمكن معك حق انا من حقي يكون عندي ولد يحمل اسمي

العضوة: 743708 , 5 years ago

طالعه من شرودو صوتها وهي بتسأل ياسمين : رح تسكنها هون ولاتاخدلا بيت مستقل وقف جاسم عحيله وفتل حاله قبل مايتورط ويرتكب جريمه جاسم : حاااج ياسمين حااااااج تعزبيني ضرب الباب وراه بقوه لتنزل دموعها اخيرا محوله كحل عيونها لحداد على خديها وهمست بصوت مخنوق ياسمين : معناته موافق وبدك المبادره تكون مني *╚══════ღღ══════╝ تاني نهار وبعد ماراح باجس عالشركه ..نزلت رواد عالصاله وتقدمت من جدها وباست ايدو رواد : صباح الخير جدي الجد بحب سحبها وقعدها بحدو صباح الورد بنتي طمنيني كيفو ولي العهد رواد بخجل : الحمد للہ منيح وناطر يجي لياخد بركاتك جدي الجد : •اللّـہ̣̥ يتمملك على خير ياروحي رواد : شو وينها نهال مو شايفتا الجد : يمكن بالمطبخ عم تحظر اكل ليوسف رواد : بصراحه انا شايفه انها نهال كتير متعلقه بيوسف جدي وهالشي كتير حلو الجد : وهالشي مريحني لحتى ملحس بزنب ازا وافقت على امير بس لترضيني رواد ب استغراب : ليش امير ونهال مخطوبين هز راسه بالايجاب : ايه مقريه فاتحتهم من زمان… .. امممم رواد : شبك جدي بشو عم تفكر حك دقنه بتفكير ورجع اطلع برواد وحط ايدو عكتفها الجد : شو رأيك كلفك بهالمهمه بنتي رواد : ائمرني جدي الجد : لكن سمعي شو رح قلك ونفذيه بالحرف *╚══════ღღ══════╝ وبالمطبخ

العضوة: 743708 , 5 years ago

وبالمطبخ كانت نهال واقفه بالمطبخ عم تغلي الببرونه تبع يوسف لحتى فاتت عندها رواد وبلشت ادندن وتتمايل بجسمها رواد : ( قالتلي بريدك ياولد عمي تعا دوق العسل سايل على فمي… على مهلك علي مابحمل الضمه على مهلك علي دنا حيلة ابوي وامي ) نهال : هههههه عليه العوض ومنه العوض الله يعينه ابن عمك حطت ايدها عخصرها وبرمت تمها رواد : لك اساسا ابن عمي محظوظ فيي بس الله يعين ابن عمتك يلي رح يبتلى فيكي تلبكت نهال وماعرفت شو ترد وزاحت وجهها ناح الغاز وطفتها رواد بخبث قربت منها ونكشتها بكتفها… . بتحبيه 😉 نهال : لــ لمين !! رواد : اممممم عليي هالحكي ولالتكوني مفكره اني هبله وماشتلقت عليكي وقت كانت شهد تحكي مع امير نهال : بـ بجد مابعرف عن شو عم تحكي رواد : ايه تصطفلي… كنت حابه اخدك معي عالشركه لنتعرف عليها نهال بصدمه ; وباجس سمحلك تروحي عالشركه رواد : ماخبرته بدي اعمله ياها مفاجأه ومنه بكبس عليه وبشوف مين من الحلوات عم بتحوم حواليه لكن نهال بخوف : وجدي !!! رواد : من هالناحيه اطمني اخدت ازنو ووافق… يالله بشوفك بدي جهز حالي وروح لحقتها بسرعه ومسكتها من كتافها رواد : نعم خير نهال : بلا غلازه رواد… رواد : شو بدك نهال : ممممم بما انه جدي موافق ونحنا بالسليم… . بدي روح معك رواد بخبث : ايوا كدا .. هوا دا *╚══════ღღ══════╝ م̷ـــِْن بعد معاناة أخيرا قدرت شهد تثبت بشغلة .... كانت قاعدة ورا مكتبها وشاردة لما سمعت أخيرا عحدا بيناديها ..: انسه شهددد صحيت شهد م̷ـــِْن شرودها وعلقت عيونها بعيون أمير: اي استاز أمير... أمير: بشو كنتي شاردة؟ شهد: بولا شي .. أمير: ازا رح اتضلي بشرودك هاد انا برأيي تتركي الشغل واتضلي ببيتك شردي عكيفك شهد سندت دقنا بإيديها : ليش بشو زعجتك؟ أمير: الموظف الكفؤ لآزٍمٍ يكون عقلو حاضر لحتا ما يصير اخطاء .. «قرب عمكتبها واستند »: لأنو أي غلطة محسوبة عليكي

العضوة: 743708 , 5 years ago

شهد: انتة مسيك عليي أغلاط بعدين تَعاّلّ نظر عليي أمير بنرفزة: شهد انا هون مديرك بالشغل مو صاحبك ولا أخوكي شهد بنظرة تحدي: وازا كنت مديري بالشغل بتصب بلاك عليي أمير: طيب ...مخصوملك يومين شهد: لَيــِْـِْش.؟ أمير انتصب بوقفتو :لحتا تتعلمي تحكي مع مديرك بالشغل مرة تانية شهد: افففففففف أمير: ونفخة اي ... خدي الملف تبع المناقصة وودي عمكتب خالي جاسم شهد: بالله ..والله انا بتزكر اني سكرتيرة ومو موظفة مراسلة بينك وبين خالك جاسم .. رح اعطي الملف لأبو فايز يودي أمير بحزم : شهههد ... شهد بلعت ريقها ووقفت بخوف: ڼـعمًـْ استاز امير: ودي انتي هالملف لغرفة خالي لأنو هاد مهم وأي ورقة بتضيع منو مسؤولية ومو م̷ـــِْن مصلحتك يضيع شي منو. .. لهيك خدي انتي .. شهد: حاضر ... رجع التفت واتوجه عمكتبو وهي عم اتلاحقو بعيونها .. شهد بنكرزة : العما شو شايف حالو ... «ابتسمت »اي بس بيطلعلو 😄 حملت الملف وطلعت فِيَھ علئ غرفة جاسم. . دقت الباب وسمعتو بيحكي: تفضل .. دخلت شهد: نهارك سعيد استاز جاسم جاسم: إهٍَـٍَلٍَْـٌٍَيٌٍَن انسة شهد ..تفضلي شهد فاتت وناولتو الملف: هاد الملف تبع المناقصة ووصاني الاستاز أمير أعطيك اياه بالايد جاسم: لَيــِْـِْش. معزبة حالك وجايبتي انتي ..كان بعتي مع ابو فايز شهد :مو مشكلة ..يلا عاوز شي استاز جاسم .. جاسم ضل يطلع بشهد ورجع شرد بملامحها. جاسم: انسة شهد ممكن تقعدي شوي شهد قعدت: ڼـعمًـْ استاز .. جاسم استند عالمكتب وشرع بالحكي بإهتمام: سمعت انك كنت متجوزة شهد: اه ..اي واتطلقت جاسم: وشو السبب ؟ شهد: .....

العضوة: 743708 , 5 years ago

حست شهد انو جاسم عم يخوض حديث عن حياتها الشخصية ومارضيت تجاوبو .. جاسم: فِيَھ شي انسة شهد؟ شهد: استاز جاسم .. بظن هي حياتي الشخصية اللي عم تخوض حديث فيها.. جاسم اتلبك: لٱ انا عنجد بعتذر مـڼـڱ ازا زعجتك .. بس مستغرب واحد عندو مرة متلك وبيتركها .. يعني اكيد هالشخص مابقدر النعمة اللي بايديه شهد: يبعتلو حمااا اكيد ماكان مقدر النعمة. وازا بدك الحقيقه هوي طلقني بعد ماتسببلي بفضيحه علـّۓ. اثرها عم عاني لليوم جاسم : واديش عمرك؟ شهد رجعت اتطلعت عليه ودققت بملامحو واهتمامو .. شهد: استاز جاسم حدا قلك قبلي انو عيب تسأل مرة عن عمرها ؟ جاسم اتوسعو عيونو واتلون وجهو واتلبك وبطل يعرف يحكي. جاسم: و والله ما قصدت ... اعتبري سؤال اخوي وازا مو حابة تحكيلي بكيفك شهد ضحكت لما شافت ردة فعلو .. حست انو جاسم مو خبيث ولا متل باقي الرجال وغشيم ... شهد: لٱ عُاَدّيَےّ ...لما تسأل مرة عن عمرها بكون شوي غريب بس انا رح جاوبك ..انا كمان تلات شهور وبطبق ال 31 سنة .. جاسم: العمر كلو انسة شهد .. شهد: يسلم عمرك استاز جاسم .. يلا انا بدي استأزن لأنو معلومك مابدي اعلق بلسان امير.. جاسم: اي اي تفضلي ..ازنك معك .. طلعت شهد وسكرت الباب وراها وجاسم بعدو شارد بالباب ... أسألتو ما اجت م̷ـــِْن فراغ ولو ماكان فِيَھ حدا مفتح عيونو علـّۓ. شهد ماكان رح يطلع فيها او يفكر حتى يحرج حالو ويخوض معها هيك حوار ... فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥️ ياسمين :انتة لآزٍمٍ تتجوز جاسم جاسم: شووووو! !! ياسمين والدمعة علقانة بعينها :متل ماسمعت

العضوة: 743708 , 5 years ago

قرب عليها ومسكها م̷ـــِْن كتافها: قلتلك اني سكرت عهالقصة و... قاطعتو ياسمين وهظ عم تبكي : بس انا لٱ ..انا واياك النا عمر مع بعض وصرت اعرفك اكتر م̷ـــِْن حالي .. صرت م̷ـــِْن نظرة اعرف بشو بتفكر .. فكرك مابشوفك كيف بتطلع بيوسف ابن أمير وللا نظراتك لباجس ورواد وهنن ناطرين ابنهون .. جاسم اتنهد بغصة: انا مابعرف عن شو عم تحكي ... ياسمين: لٱ بتعرف وفهمان عليي جاسم. انا بعرف انو نفسك بولد ينورلك حياتك ...صبي يحمل اسمك ويسندك بكبرتك جاسم: عِنـ.̷̷̸̷̐ـديّ ضفر بنتي نهال بمية صبي ياسمين: ونهال اخرتا لبيت جوزها ..نهال رح تروح ياجاسم رح تروح ... ونحنا رح نضل لحالنا بالنهاية ™̸̮بَََّـْْْـْْْbackـََْْـَّْْآَّڪَْْ∂⌣̶♥️ طلع م̷ـــِْن شرودو ومسح عشعرو بضيق جاسم: لوين ناويه توصلينا ياسمين *╚══════ღღ══════╝ وصلت رواد ونهال عالشركه واجريهم بتخبط ببعضها من الخوف نهال : لك و •اللّـہ̣̥ خايفه رواد : لللـ لك للل لشو الخوف ليكني معك مشي لنعملن كبسه مرتبه نهال بلعت ريقها… كبسة شو هي و •اللّـہ̣̥ ازا بيعرف ابي ليدفني ب ارضي ومابظن باجس يفوتلك ياها رواد بمكر : وياترى امير شو رح يكون رأيو نهال بخجل : شو بعرفني رواد : اي انا حابه اعرف مشي معي مشو ناح المصعد واستقلوه للطابق الرابع